Հայաստանը կարևորում է ԵԱՏՄ թվային օրակարգի գաղափարը. Կարեն Կարապետյան

27/05/2017 schedule10:02

ՀՀ վարչապետ Կարեն Կարապետյանի գլխավորած կառավարական պատվիրակությունը ՌԴ Կազան քաղաքում այսօր մասնակցել է Եվրասիական միջկառավարական խորհրդի նիստի աշխատանքներին՝ նեղ և ընդլայնված կազմերով:

Իր ելույթում ՀՀ վարչապետը շնորհակալություն է հայտնել ռուսական կողմին և ՌԴ կառավարության ղեկավար Դմիտրի Մեդվեդևին՝ ջերմ ընդունելության և նիստը բարձր մակարդակով կազմակերպելու համար: Անդրադառնալով ԵԱՏՄ շրջանակում ինտեգրացիոն գործակցության զարգացմանը՝ Կարեն Կարապետյանը, մասնավորապես, նշել է. «Հայաստանն ամեն անգամ հայտարարում է, որ այս հարթակը հետաքրքիր է, հեռանկարային և կարևոր մեր երկրի, մեր տնտեսության զարգացման համար: Կցանկանայի առանձնացնել մի շարք առանցքային հարցեր, որոնք այսօր նեղ կազմով քննարկել ենք.

Առաջինը ԵԱՏՄ թվային օրակարգն է: Մենք կողմ ենք թվային օրակարգի գաղափարին և կարևորում ենք այն: Պետք է շարունակենք աշխատել այդ ուղղությամբ, առավել ևս որ մեր երկրներում արդեն գոյություն ունեն այս կամ այն չափով գործարկված, գործող համակարգեր: Մենք պետք է հաշվի առնենք դա, ապահովենք դրանց փոխգործակցությունը, համապատասխան գործիքակազմը և համակարգված աշխատանքի դեպքում կկարողանանք այդ առանձնացված համակարգերը միասնական տեխնոլոգիական հարթակի վերածել:

Երկրորդը խոչընդոտների և արգելքների վերացման ուղղությամբ փոխգործակցությունն է: Այսօր մեզ ներկայացվեց վերլուծություն այն մասին, թե որտեղ ինչը կատարված չէ: Հայկական կողմը հայտարարել է, որ մեզ մոտ արձանագրված թերություններն առաջիկայում կվերացվեն: Այդ ուղղությամբ աշխատանքը շատ օգտակար է, քանի որ այն իրականում լավ դիվերսիֆիկացնում է մեր փոխադարձ տնտեսական հարաբերությունները:

Մենք կողմ ենք ագրոարդյունաբերական համալիրի ոլորտում նախանշված աշխատանքների ընթացակարգի ընդունմանը և արդեն հանձնաժողովին առաջարկություններ ենք ուղարկել գիտահետազոտական աշխատանքների թեմաների վերաբերյալ՝ համապատասխան երկամյա պլանի մեջ ընդգրկելու նպատակով:

Այսօրվա օրակարգում կցանկանայի առանձնացնել նաև «միասնական պատուհանի» հարցը: Կարծում եմ՝ բավական հետաքրքիր գործիք է: Մենք որոշակի փորձ ենք կուտակել, այն դեռևս համակարգված չէ, բայց մի շարք ուղղություններով բավական առաջ ենք գնացել»:

ԵԱՏՄ անդամ երկրների վարչապետերը քննարկել են տնտեսության, մաքսային, արդյունաբերության և ագրոարդյունաբերության ոլորտներում ինտեգրացիոն փոխգործակցության խորացմանը վերաբերող հարցեր: Նիստի արդյունքներով ստորագրվել են մի շարք փաստաթղթեր՝ ԵԱՏՄ ներքին շուկայում սահմանափակումների վերացման միջոցառումների ծրագրի, անդամ երկրների կողմից արդյունաբերական ապրանքների մասով տրվող հատուկ սուբսիդիաները ԵԱՏՀ հետ կամավոր կերպով համաձայնեցնելու և դրանց տրամադրման հետ կապված վարույթներ անցկացնելու կարգի, արտաքին տնտեսական գործունեության կարգավորման համակարգում «միասնական պատուհանի» մեխանիզմի զարգացման, ագրոարդյունաբերական համալիրի ոլորտում համատեղ գիտահետազոտական և փորձարարակոնստրուկտորական աշխատանքների կազմակերպման կարգի, 2016 թ. ԵԱՏՀ որոշումների նախագծերի կարգավորիչ ազդեցության գնահատականի մոնիթորինգի մասով Եվրասիական տնտեսական հանձնաժողովի տարեկան հաշվետվության վերաբերյալ և այլն:

Տպել
2461 դիտում

Սիմոն Մարտիրոսյանը, Գոռ Մինասյանը եւ Արփինե Դալալյանը՝ երիտասարդական ԵԱ չեմպիոններ

Թեհրանում բացվել է Հայաստանի պատմության եւ Իրանի ազգային թանգարանների համատեղ ցուցահանդեսը

Հայկական ընկերությունը ստեղծել է աշխարհում առաջին «ճախրող» տեսախցիկը

Նախագահը ներկա է գտնվել Ռաֆայել Քոթանջյանի 75-ամյակին նվիրված հոբելյանական երեկոյին

Մոսկվայում վերջին հրաժեշտը տվեցին Լեւոն Հայրապետյանին

Վնասվածքը խանգարեց Մկրտիչ Մկրտչյանին

Նշվել է հրթիռային զորքերի և հրետանու վարչության կազմավորման 25-րդ տարեդարձը

Առաջիկա օրերը կլինեն տաք և արևառատ. Գագիկ Սուրենյան

Իսպանիայի կառավարությունը կզրկի Կատալոնիայի ղեկավարին լիազորություններից

Ռուսաստանում ՀՀ դեսպանը այցելել է Արմեն Ջիգարխանյանին

Հակառակորդը խախտում է հրադադարը. 1 շաբաթում` 2300 կրակոց

Մայդան-3. Գերագույն Ռադայի մոտ ցուցարարները զինվորական ճամբար են կառուցում

Ամփոփվեցին համապետական շաբաթօրյակի արդյունքները

«Մաքուր Հայաստանի ճանապարհին մենք արժանապատվության խնդիր պետք է դնենք մեր առջև» Լոքյան

Զոհված զինծառայող Արամ Խաչատրյանը սպանության զոհ է դարձել. ձերբակալվել է կրտսեր սերժանտ

Ծանրորդ Սամվել Գասպարյանը՝ երիտասարդների Եվրոպայի փոխչեմպիոն

Շաբաթօրյակի ընթացքում մայրաքաղաքում հավաքվել և աղբավայր է տեղափոխվել շուրջ 335 տոննա աղբ

Արփինե Դալալյանը՝ ծանրամարտի Մ 20 տարեկանների Եվրոպայի չեմպիոն

Նախագահը հրավիրել է խորհրդակցություն 2018թ. կայանալիք խոշոր միջոցառումների վերաբերյալ

Ադրբեջանի մեքենայի դրոշն իսկապես հայկական է. Պարզաբանում է Ադրբեջանի ոստիկանությունը