Մենք սխալ կուտեի՞նք այդ փողերը. «Ավրորան» խանդով է ընդունվում Հայաստանում

30/05/2017 schedule15:22

Արդեն երկրորդ անգամ Երեւանում անցկացվեց «Ավրորա» միջազգային մարդասիրական մրցանակաբաշխությունը: «Ավրորան» խոստանում է լուրջ իրադարձություն դառնալ Հայաստանի կյանքում, եթե չասենք արդեն դարձել է: Այս մրցանակաբաշխությունն աշխարհի հետ Հայաստանի եւ հայ ժողովրդի հարաբերությունների նոր հարթակ է, որպիսին վերջին տասնամյակներին չենք ունեցել: Դա նման է Համաշխարհային գրականության կամ արվեստի որեւէ այլ ուղղության մեջ մեծ անուն թողնելուն, եւ դրանով մարդկության ժառանգությունը հարստացնելուն:

Ճիշտ է, մենք աշխարհին տվել ենք Հենրիխ Մխիթարյան եւ Լեւոն Արոնյան, բայց սպորտի ոլորտից դուրս, մեր ժամանակներում, որեւէ այլ ներդրում չենք ունեցել: Եթե պատկերավոր ասենք, ապա նոր ժամանակներում աշխարհը Հայաստանին եւ հայերին ճանաչում է ղարաբաղյան պատերազմով, ցեղասպանությամբ, Քիմ Քարդաշյանով, Մխիթարյանով, քաղաքական հարթակում էլ`Ռուսաստանի հետ տարբեր ասոցացումներ առաջացնելով: Մեղմ ասած` ոչ այնքան շահեկան պատկեր մեզ համար:

«Ավրորան» ճիշտ է մտահղացվել է Ցեղասպանության 100-րդ տարելիցի շրջանակներում եւ հիմքում կրկին ցեղասպանության ճանաչումն առաջ մղելու նպատակ ունի: Բայց արդեն երկրորդ անգամ Երեւանում անցկացվող միջոցառումը ցույց տվեց, որ «Ավրորայի» պոտենցիալը շատ ավելի մեծ է, եւ անպայման անցնելու է նախնական մտահղացման սահմանները: Սեփական բազմաթիվ խնդիրներով Հայաստանը միլիոնավոր դոլարների ներդրում է անում դրա կարիքն ունեցողների համար: Իրականում այդ գումարը Հայաստանը չի տրամադրում, սակայն ընկալման մեջ դա ոչինչ չի փոխում, որովհետեւ ամեն ինչ կատարվում է Երեւանում:

Թե ինչ է արժենում կազմակերպիչների համար ամբողջ մրցանակաբաշխությունը, դժվար է ասել: Կարելի է միայն ենթադրել, որ խոսքը մեծ գումարների մասին է: «Հայկական Ժամանակի» լրագրողների գնահատմամբ, բուն մրցանակաբաշխությունն ու կից միջոցառումներն անթերի էին կազմակերպված, ինչը նշանակում է, որ դրա շրջանակում Հայաստան ժամանող հյուրերի աչքում մեր երկիրը ներկայանում է նոր, բոլորովին այլ որակով:  

Եւ, այնուամենայնիվ, Հայաստանում մեծ խանդ կա «Ավրորա» մրցանակաբաշխության հանդեպ: Դա մոտավորապես ձեւակերպվում է` ինչո՞ւ ենք այդ փողերը ուրիշներին տալիս, մենք սխալ կուտեի՞նք, հայտնի մոտացման տարբեր վարիացիաներով:  

Եւ սա զարմանալի չէ, որովհետեւ Հայաստանում տարիներ շարունակ կերել են Քըրք Քրքորյանի, բազմաթիվ այլ սփյուռքահայ բարերարների փողերը: Դա մեզ մոտ լավ է ստացվում: Եւ հիմա, այն փաստը, որ սփյուռքահայ մեծահարուստները այդ գումարները ուտելու, գրպանելու հնարավորություն չեն տալիս, կամ որպես ողորմություն չեն բաժանում, ընդվզում է առաջացրել որոշակի շրջանակներում: Այդ ընդվզումն, իհարկե համեմվում է արդարության վերականգնման պահանջներով, կամ հայտարարություններով, թե Հայաստանի հարստությունները թալանում են եւ մեծ-մեծ գործեր բռնում:

Բայց Հայաստանը թալանողների հետ համերաշխ ապրել, իսկ սփյուռքի մեծահարուստներին մեղադրել «Ավրորա» մրցանակաբաշխությունը նախաձեռնելու եւ այդ գումարները աշխարհի այլ կարիքավոր ժողովուրդներին ուղղելու մեջ, առնվազն տարօրինակ է:

«Ավրորայի» նախաձեռնողները իրենց հարցազրույցներում բազմիցս նշել են, որ մերժում են ողորմություն տալու գաղափարը, կասկածի տակ են դրել դրա արդյունավետությունը: Եւ այս մրցանակաբաշխության նկատմամբ ներքին խանդը թերեւս լավագույնն է ցույց տալիս, թե սփյուռից օգնություն ստանալու երկարամյա պրակտիկան ինչպես է խեղաթյուրել հայաստանցիների ընկալումները, եւ տարբեր խնդիրներ ադեկվատ գնահատելու ընդունակությունը: Սա առավել հրատապ է դարձնում ողորմության պրակտիկան օր առաջ դադարեցնելու հարցը:

Պետք է հուսալ, որ «Ավրորան» տարին տարվա վրա աշխարհում ավելի ճանաչելի կդառնա, մեծ հեղինակություն ձեռք կբերի, ինչից Հայաստանը այքան կշահի, որքան երբեք չի շահել սփյուռքահայ բարերարների բոլոր ժամանակների ֆինանսական աջակցություններից:

Տպել
6410 դիտում

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է