Այնքան տխուր էր վերջին ծննդի օրով. հերոս Աշոտ Շահբազյանն այսօր կդառնար 24 տարեկան.վիդեո

Այսօր՝ հունիսի 5-ին ապրիլյան պատերազմի մասնակից, «Մարտական խաչ» 2-րդ աստիճանի մեդալակիր, ավագ լեյտենանտ (հետմահու կապիտան) Աշոտ Շահբազյանը կդառնար 24 տարեկան: Նա ծնունդով Շիրակի մարզի Ախուրյան գյուղից էր: Աշոտի ծննդյան օրը հուլիսի 5-ն է, բայց առանց բացատրության Աշոտը նախընտրել է, որ իր ծննդյան օրը լինի հունիսի 5-ը:

«Աշոտը իր ծննդյան օրը շատ էր սիրում, միշտ նշում էինք: Ծննդյան օրերին միշտ տանն էր լինում, մեզ հետ էր անցկացնում: Վերջին անգամ ծնունդը իր հետ նշեցինք 2015 թվականին, բայց այնքան տխուր էր իր ծննդյան օրով: Ասացի՝ Աշոտ ջան, քո ծնունդի օրը միշտ ուրախ ես լինում, էս տարի ինչի՞ ես տխուր: Ասաց՝ մամ, չգիտեմ, ինչխոր մե բանմ մոտս հերիք չենե, մե բանմ սրտովս չեղնի: Շատ տխուր անցավ էդ օրը: Այդ օրը դարձավ 22 տարեկան, 23-ը չհասցրեց նշել…»,- armtimes.com-ի հետ զրույցում պատմում է Աշոտի մայրը՝ Լիանա Շահբազյանը:

Ընտանիքի անդամները ցանկացել են Աշոտին ամուսնացնել, բայց վերջինս հրաժարվել է: Նշել է, որ իր ժամանակը դեռ ցանկանում է զինվորներին եւ ծառայությանը տրամադրել:

«Ասում էր՝ միայն ծնունդներս մեծ նշեք, ամուսնանալու համար ժամանակ դեռ ունեմ: Որպես սպա նոր էր կայացել: Ասում էր՝ ես ինձ դրսեւորեմ, իմ զինվորների մոտ, հետո կամուսնանամ՝ չեմ կարող ընտանիքս ու զինվորներիս իրար հետ համատեղեմ»,- նշում է հերոսի մայրը:

Ավագ լեյտենանտ Աշոտ Շահբազյանը Վազգեն Սարգսյանի անվան ռազմական ինստիտուտն ավարտելուց հետո, առանց վիճակահանության ցանկացել է իր զինվորական ծառայությունը անցկացնել Ջեբրայիլում: 2016 թվականի ապրիլյան մարտերին հենց այդ վայրում է մասնակցել: Լիանա Շահբազյանն ասում է, որ հակառակորդն առաջինն այդ ուղղությամբ է կրակ բացել: Մոր տեղեկություններով՝ որդին զոհվել է ապրիլյան առաջին օրերին:

«Մարտի 31-ին եմ հետը վերջին անգամ խոսել, պատմեց, որ Աղդամ կրակային դասընթացների են գնացել: Շատ լավ գնահատականներով հետ էր եկել, ուրախ էր, բայց շատ էր հոգնած: Ատավոտյան պետք է դիրքեր բարձրանար: Ապրիլի 3-ին արդեն զոհերի անուններ էին տալիս, Աշոտն էլ զանգերիս չէր պատասխանում…Ապրիլի 10-ին սենյակում մենակ նստած էի, ներս մտան տեգրս ու մորքուրիս տղեն: Հարցրեցի Աշոտիցս լուր ունե՞ք, մորքուրիս տղեն ձայն չհանեց, դուրս եկավ: Տեգրս ասաց՝ Աշոտս էլ չկա…մի քանի ժամ հետո Աշոտիս տուն բերեցին,- armtimes.com-ի հետ զրույցում պատմում է Լիանա Շահբազյանը:

Աշոտ Շահբազյանը կրում էր հոր՝ Կարապետ Շահբազյանի հորեղբոր որդու անունը, ով 90-ականներին կրկին Արցախյան մարտերի զոհ է եղել: Շահբազյանները պատմում են, որ Աշոտի հայրը եւ հորեղբայրները վեց հոգով 90-ականներին մասնակցել են Արցախի ազատագրական մարտերին, բոլորը զոհվել են: Ողջ է մնացել միայն Աշոտի հայրը, վերջինս էլ իր որդիներին կոչել է Շահբազյան տոհմի հերոսների անուններով:

Աշոտ Շահբազյանի հայրենասիրությունն եւ զինվորական ուղու ընտրությունն էլ կապված է եղել հարազատների քաջագործության հետ: Զինվորական ակադեմիայում սովորելու տարիներին՝ 2010 թվականին, Աշոտ Շահբազյանը դարձել էր «Ոսկրածուծի դոնորների հայկական ռեեստր» հիմնադրամի կամավոր դոնոր:

Այժմ Աշոտի ծննդավայր Ախուրյանում նորակառույց բազմաբնակարանների թաղամասը եւ թաղամաս տանող անբարեկարգ փողոցը կոչվել է հերոս Աշոտ Շահբազյանի անունով: Փողոցի սկզբնամասում տեղադրվում է հուշաքար՝ ի պատիվ Աշոտի սխրանքի: Այն պատրաստ կլինի Աշոտի իրական ծննդյան օրը՝ հուլիսի 5-ին:

Մանրամասները՝ տեսանյութում:

 

 

Տպել
18241 դիտում

Բերեզովսկու, Ռոհնի և Հայաստանի պետական սիմֆոնիկ նվագախմբի համատեղ համերգով ամփոփվեց Խաչատրյանի 6-րդ միջազգային փառատոնը

Ժողովրդին համազգային «ղումարբազության» մեջ ներքաշելը անարգանք է. տոտոների եւ վիվառոների հարցն՝ ԱԺ-ում

Հրաժարական է տվել Իսրայելում ադրբեջանցիների հիմնական լոբբիստը․ պատմական պահ է ՀՀ-ի համար

Հասկանալի պատճառներով դադար եմ վերցրել աշխատանքից․ Վահագն Թեւոսյանը մտնում է ընտրապայքար

Հայտնի է նորաստեղծ «Մենք» դաշինքի ցուցակի առաջին տասնյակը. ցուցակը կգլխավորի Արամ Սարգսյանը

Մանե Թանդիլյանը հայտարարել է իր լիազորությունները վայր դնելու մասին

Հայտնի է նորաստեղծ «Հայաստանի քրիստոնեա-ժողովրդավարական» կուսակցության նախընտրական ցուցակի առաջին եռյակը

Ավագ Գաբրիելյանը նշանակվել է Երեւանի առաջին ատյանի ընդհանուր իրավասության դատարանի դատավոր

Ինչպե՞ս է ազդում տեխնոլոգիական առաջընթացը կրթության մեթոդների վրա․ սեմինար Երեւանում

Սպառնացել եւ գումար է հափշտակել․ բացահայտվել է դեղատան աշխատակցի նկատմամբ կատարված ավազակային հարձակումը

Յուրաքանչյուր զոհ կաթոլիկ երեխա էր․ ԱՄՆ-ում քննարկում են կաթոլիկ եկեղեցիներում սեռական ոտնձգությունների խնդիրը

Արմեն Աշոտյանի կոշտ արձագանքը՝ Արայիկ Հարությունյանի կոշտ գնահատականներին

ՀՀԿ-ի վիճակագրական մանիպուլյացիաները․ նախկին իշխանությունը շարունակում է «շտկել» իրականությունը

28-ամյա երիտասարդի Էլեկտրահարումը ՋՕ-ն եւ ՀԷՑ-ը իրար վրա են բարդում. քրեական գործ է հարուցվել

Լուրեր կան, որ N46 երթուղայինները շուտով չեն գործի. քաղաքապետարանում տեղեկություն չունեն

ՀՔԾ նախկին պետ Վահրամ Շահինյանը մոտ 6 ամսում 22 մլն դրամի չափով եկամուտ է ունեցել

Գեւորգ Աճեմյանը դուրս է գալիս «Քաղաքացիական պայմանագիր» կուսակցությունից

Արսեն Ջուլֆալակյանն ու Առաքել Միրզոյանը կմասնակցեն ԱԺ արտահերթ ընտրություններին

Շուրջ 10 մլն դրամի վնաս․ Մխչյանում ոռոգման ջրի խողովարկների ապօրինի միացումների դեպքով քրգործ է հարուցվել

Արցախի եւ Հայաստանի միջեւ առաջիկայում կկնքվի ռազմաքաղաքական դաշինք․ Բալասանյան