Սամվել Ալեքսանյանի գործարանում բարձրությունից 3 հոգի է ընկել. ի՞նչ է կատարվել իրականում

Հունիսի 3-ին Շիրակի մարզի Ախուրյան գյուղում գտնվող, ԱԺ ՀՀԿ խմբակցության պատգամավոր, գործարար Սամվել Ալեքսանյանին պատկանող շաքարի գործարանում՝ մահվան ելքով արտակարգ դեպք էր տեղի ունեցել:

Տեղեկացրել էինք, որ նույն գործարանի երկու բանվոր՝ Ախուրյան գյուղի բնակիչ, 36 տարեկան Շիրակ Ղազարյանը եւ 41 տարեկան, Այգաբաց գյուղի բնակիչ Արմեն Թումասյանը ինչ-որ բարձրությունից վայր են ընկել: Շիրակ Ղազարյանը մարմնական տարբեր աստիճանի վնասվածքներով տեղափոխվել էր Գյումրու բժշկական կենտրոն, որտեղ ախտորոշվել էր կրծքավանդակի փակ վնասվածք, կրծքավանդակի ձախ ստորին կեսի սալջարդ, ձախ գոտկային շրջանի փափուկ հյուսվածքների սալջարդ: Շիրակը նույն օրը երեկոյան նաեւ վիրահատության էր ենթարկվել: Այժմ բժիշկները նրա առողջական վիճակը գնահատում են լավ: 

Արմեն Թումասյանը ընկնելու հետեւանքով տեղում մահացել էր: Գյումրու շտապբուժօգնության կայանի հունիսի 3-ի հերթապահ բուժքրոջ՝ Սվետլանա Ադամյանի խոսքով՝ Արմենի որովայնի եւ դեմքի շրջանում առկա են եղել արյան հետքեր: Խոսակցություններ եղան նաեւ այն մասին, որ ընկնելու հետեւանքով վերջինիս փորի հատվածն ամբողջովին պատռվել է:

ՀՀԿ-ական պատգամավորի սեփական շաքարի գործարանում տեղի ունեցածի հանգամանքները դեռ չի բացահայտվել: Ինչպես armtimes.com-ին փոխանցեցին ՀՀ Քննչական կոմիտեի լրատվության բաժից դեպքի առթիվ հարուցվել է քրեական գործ, Քրեական օրենսգրքի 241 հոդվածի 2-րդ մասի հատկանիշներով՝ երկաթուղային, օդային կամ ջրային տրանսպորտի երթեւեկության անվտանգության կամ շահագործման կանոնները խախտելու դեպքի առթիվ, որն հանդիսացել է մարդու մահվան պատճառ: ՀՀ ՔԿ-ի լրատվության բաժնի փոխանցմամբ, դեպքի հանգամանքներ պարզելու համար իրականացվում են համապատասխան գործողություններ:

Տպավորություն է ստեղծվել, որ այս դեպքի մասին բոլորը ցանկանում են լռել: Մասնավորապես, Այգաբացի համայնքապետ Սասունիկ Վանեցյանը կցկտուր խոսելով դեպքի մասին, նշեց, որ չգիտի, թե շաքարի գործարանում ինչ է տեղի ունեցել: 

Armtimes.com-ին հասել էին տեղեկություններ, որ Շիրակ Ղազարյանը, Արմեն Թումասյանը ինչ-որ մեծ տարաներից գնացքի վագոններ հումք են տեղափոխել, որի ընթացքում գնացքը շարժվել է եւ իրենք վայր են ընկել:

Այսօր մեկ այլ աղբյուրից ստացած տեղեկության համաձայն, տուժածներն ամենեւին էլ որեւէ ընթացքի մեջ գտնվող գնացքից չեն ընկել, ավելին`ընկնողները ոչ թե երկու, այլ երեք հոգի են եղել: 

Շիրակ Ղազարյանից եւ Արմեն Թումասյանց զատ բարձրությունից ընկել է նաեւ մեկ այլ բանվոր, ով Ազատան գյուղի բնակիչ է եւ նրան, ըստ մեզ փոխանցած տեղեկության, որեւէ բան չի պատահել: Խոսվում է, որ նրանք ընկել են հրմշտոցի արդյունքում, որը գաղտնի է պահվում:

Այսօր Այգաբաց գյուղում տեղի ունեցավ Արմեն Թումասյանի հուղարկավորությունը: Նա ընտանիքի հետ բնակվում էր Գյումրիում, ունի երկու անչափահաս երեխա, մեկ տղա եւ մեկ աղջիկ: Ընտանիքի միակ աշխատողն էր: Այգաբացցինները նրան բնութագրեցին՝ խելոք, համեստ եւ շնորքով մարդ, ինչպես նաեւ բացառեցին այն վարկածն, որ նա կարող էր որեւէ մեկի հետ վեճի բռնվել:

Այգաբացցիներից նաեւ հետաքրքվեցինք, թե արդյո՞ք գործարանի սեփականատեր Ալեքսանյանն այցելել է տուժած ընտանիքներին կամ որեւէ աջակցություն ցուցաբերել է: Բնակիչները, նշեցին, որ իրենց նման տեղեկություն հայտնի չէ:

Տպել
7411 դիտում

Երեւանում ու 6 մարզերում այսօր էլեկտրաէներգիայի պլանային անջատումներ են սպասվում

Հայտնի են դարձել Թուրքիայում սպանված սաուդցի լրագրողի վերջին խոսքերը. սպանությունը 7 ր է տևել

Երբվանից կմեկնարկեն ու քանի օր կտեւեն դպրոցականների ձմեռային արձակուրդները

Սփյուռքի հետ հարաբերություններում անհարաժեշտ է նոր շունչ, թարմություն, երիտասարդական մոտեցումներ

Մշակույթի նախարարը պարզաբանում է՝ ինչու «Սայաթ-Նովա» անսամբլին գումար չեն հատկացրել

Կոտայքի մարզպետն իր մոտ է կանչել դպրոցի տնօրենին, հորդորել բողոքարկել ընտրության արդյունքները ԿԳՆ-ում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները