Մահվան կոնցլագեր է. «Ելք»-ի ավագանին հակադարձում է տուն-ինտերնատի տնօրենին

Երեւանի ավագանու «Ելք» խմբակցության անդամ Հարություն Բաբայանը հակադարձում է մայրաքաղաքի թիվ 1 տուն-ինտերնատի տնօրենի պաշտոնում երեկ վերընտրված Վահան Զուրաբյանի այն հայտարարությանը, թե իրենք տուն ինտերնատի շենքային պայմանները պահպանելու համար ստացած 1 միլիոն 200 հազար դրամով չեն կարող սենյակ վերանորոգել:

«Նրանք 2014 թվականին 320 միլիոն դրամից ավելի գումար են ստացել, նախկին տնօրենի օրոք եւ 1 միլիոն դոլարի չափով Քաթարի կառավարությունն էր դրամաշնորհ տրամադրել: Հիվանդանոցային շենքը կառուցում են, ասում են՝ վերջին չափանիշներով կառուցվող շենք է, բայց այն 320 միլիոնը, թե ոնց է ծախսվել, մենք դրանից տեղեկություն չունենք»,- այս մասին armtimes.com-ի հետ զրույցում ասաց Հարություն Բաբայանը:

Տուն-ինտերնատի տնօրենն այսօր հրավիրած մամուլի ասուլիսում հայտարարել էր, որ պետությունից ստանում են ընդամենը 1.2 մլն դրամ՝ շենքային պայմանները պահպանելու համար, եւ այդ գումարով սենյակ նորոգել չեն կարող, լավագույնը, որ անում են՝ ծորակներ փոխելն է եւ այլն:

Հիշեցնենք, որ armtimes.com-ը նախօրեին տեսանյութ էր հրապարակել, որտեղ ներկայացված էր տուն-ինտերնատում ապրող ծերերի ծանր սոցիալական, հիգիենիկ եւ կենցաղային պայմանները:

«Այդ մարդն ինձ ասում է՝ աջակցեք մեզ, օգնեք, նկատեք, դիտողություններ արեք, մենք պատրաստ ենք համագործակցելու, լսելու եւ այլն: Այսինքն՝ ամբողջ խոսակցությունը ինքը վարում է այն մոդելի վրա, որ ինձ ֆորա տվեք, ժամանակ տվեք ու տեսեք: Մի օր էլ անակնկալ ձեւով մենք կայցելենք եւ կպահանջենք այն ճանապարհային քարտեզը, որ ինքը խոստացել է»,- ասաց Հարություն Բաբայանը:

Անդրադառնալով Վահան Զուրաբյանի այն հայտարարությանը, որ հոգեկան առողջություն ունեցող ծերերի վերաբերյալ դիմել է «Նուբարաշենի» հոգեբուժարանին, որպեսզի գան եւ ստուգումներ անցկացնեն, «Ելք» խմբակցության ավագանու անդամն ասաց, որ տուն-ինտերնատի տնօրենն անգործություն է ցույց տվել, հետեւողական չի եղել: «Մարդիկ ակնհայտ ասում են՝ նայեք ծերերից մեկի բարձր բարձրությունը, նա գողացած ապրանքը բերում եւ իր բարձի տակ է դնում, գողություն կատարող կինն ակնհայտ հոգեկան խնդիրներ ուներ»,- ասաց Հարություն Բաբայանը՝ նշելով, որ ինտերնատում նույն սենյակում հոգեկան առողջություն ունեցող մարդը ապրում է այլ անձանց հետ, որոնք առանց այն էլ խոցելի են, նրանց նյարդային համակարգի վրա ազդում են:

«Մահվան կոնցլագեր է, մարդկանց, որոնց այդ տարածք էին տեղափոխում, ճամբարի նման էր: Ես հարցնում եմ՝ այստեղ պատգարակով հիվանդին, թույլ  մարդուն ո՞նց եք բարձրացնում եւ իջեցնում: Ինձ պատասխանում են՝ «ադիալի» մեջ դրած, ասում են՝ այստեղ երկու անգամ են այդ գործն անում: Մի անգամ բարձրացնում են, եւ երկրորդ անգամ որպես դիակ դուրս են բերում: Հետեւողականության խնդիր կա, ես գլոբալ եմ նայում: Կամ նախարարը չի տիրապետում իրավիճակին, կամ իր թերացումն ու բացթողումն է, բոլոր դեպքերում նախարարի մեղքն է սա, կապ չունի, թե ով է այստեղ եկել տնօրեն»,- ընդգծեց Հարություն Բաբայանը՝ հարց բարձրացնելով, թե ծերանոցում մահացած մարդկանց համար ո՞վ է պատասխան տալու:

Տպել
2942 դիտում

Հարուցվել է քրեական գործ՝ զինծառայողի սպանության դեպքի առթիվ

ՊՆ-ում քննարկվել են ռազմական բժշկության, աղետների ժամանակ հայ-ճապոնական աջակցության մասին հարցեր

Google vs Yerevan.today. ի՞նչ կասկածներ ունի ՔԿ-ն սկանդալային գաղտնալսման հրապարակման վերաբերյալ

Ջորկաեֆը հրաժարվել է լինել ՀՖՖ նախագահ. ՖԱՖ-ի անդամներին պատմել է Վանեցյանը

Հակառակորդի կողմից արձակված կրակոցից զինծառայող է մահացել

ԱԱԾ տնօրենի ու ՀՔԾ պետի գաղտնալսումն ապօրինի է. Գեւորգ Կոստանյան

ՕԵԿ-ն ապօրինի ազդեցություն է ունենում ընտրական հանձնաժողովների վրա. ՀԿ

Կբարեկարգվի Տավուշի մարզի սահմանամերձ Մովսես գյուղ տանող ճանապարհը. Սուրեն Պապիկյան

Ռիտա Սարգսյանի հովանու ներքո գործող «Արագիլը» կշարունակի՞ երեխաներ բերել. հարցը դեռ բաց է

Տուբերկուլոզի դեմ պայքարի ազգային կենտրոնը նոր տնօրեն ունի

Գյումրիում երգեհոնային դպրոց կբացվի

10 ծխողից 4-ը սխալմամբ մտածում է, որ նիկոտինը քաղցկեղ է առաջացնում․ Բրիտանիայի հանրային առողջապահության գործակալություն

«Սանիթեք»-ի 5 նոր աղբատար մեքենաներ հատում են Վրաստան-Հայաստան սահմանը. Սուրեն Պապիկյան

ԼՂ հակամարտության կարգավորումը պետք է տեղի ունենա առանց ուժի գործադրման․ ՌԴ ԱԳՆ

Պետական գաղտնիք. ո՞վքեր են ՏԸՀ անդամները

Գենետիկորեն ազնիվը.  ձեռքներդ հեռու Ալբերտ Բազեյանից

Զինվոր տղես ցավերի մեջ տանջվում է, ՊՆ-ն տեր չի լինում, դուպլեքս անելու տեղը հեռախոսով են նկարում. զինվորի մայր

ՏԻՄ. անսպասելի աշխուժություն Սյունիքում

Խուզարկության հիմքում գրված էր, որ հնարավոր է՝ մենք ենք այդ գաղտնալսում իրականացնողները

Ինչպե՞ս պաշտպանվել զրպարտչական բնույթի մեկնաբանություններից․ ոստիկանությունը պարզաբանում է