Սխալ տեղեկություն չհրապարկեք. ինչո՞ւ չի կայացել «Ելք»-ի եւ վարչապետի հանդիպումը

Ազգային Ժողովի «Ելք» խմբակցության պատգամավոր Էդմոն Մարուքյանը Ազգային Ժողովի հերթական նիստում, երբ ներկայացվում էր կառավարության 2017-22 թվականների գործունեության ծրագիրը, դիմելով վարչապետ Կարեն Կարապետյանին, անդրադարձավ վարչապետի եւ «Ելք» խմբակցության չկայացած հանդիպմանը: «Խորհրդարանական երկրի վարչապետը ժամանակ չունի՞ ֆրակցիաների հետ հանդիպելու»,- հարցրեց Էդմոն Մարուքյանը:

Նշենք, որ երեկ ԱԺ-ում վարչապետ Կարեն Կարապետյանը հանդիպել էր խորհրդարանի երեք խմբակցություններին՝ «Ծառուկյան»-ին, «Հանրապետական»-ին եւ «ՀՅԴ»-ին, սակայն «Ելք» խմբակցության հետ հանդիպումը տեղի չէր ունեցել՝ անհասկանալի պատճառով:

«Ժամանակ չունեմ, նման ձեւակերպում չի եղել: Ավելին, ձեզ ասեմ՝ նախաձեռնողը ես եմ եղել, զանգահարել եմ ԱԺ նախագահին եւ հայտնել եմ, որ ես ցանկություն ունեմ, պատրաստակամ եմ հանդիպել ֆրակցիաների հետ: Խնդրել եմ նրան կազմակերպել ու պայմանավորվել ենք ժամը 6-ին հանդիպել, ես երեկ՝ ժամը 6-ին, եղել եմ, զարմացա, որ «Ելք» դաշինքը չկա»,- պարզաբանեց վարչապետ Կարեն Կարապետյանը՝ ընդգծելով, որ «ժամանակ չունեմ» կամ «ցանկություն չունեմ» ձեւակերպումներ ուղղակի չեն եղել: Կարեն Կարապետյանը նորից ցանկություն հայտնեց հանդիպել խմբակցությանը:

Էդմոն Մարուքյանն արձագանքելով վարչապետի պարզաբանմանը՝ նշեց, որ ներկայացված տեղեկատվությունն իրականությանը չի համապատասխանում, քանի որ երեկ՝ ժամը 18:00-ին, «Ելք» խմբակցության հետ հանդիպելու պայմանավորվածություն չի եղել: Մարուքյանը պարզաբանեց, որ իրենց առաջարկվել է հանդիպել խմբային՝ «Ծառուկյան» դաշինքի հետ միասին:

Կարեն Կարապետյանը հակադարձեց պատգամավորին՝ նշելով, որ եթե ցանկություն կա, ինքն էլ ցանկություն ունի, կարող են հենց այսօր հանդիպումը կազմակերպել:

ԱԺ նախագահ Արա Բաբլոյանը փորձեց հստակեցում մտցնել՝ տեղեկացնելով, որ այո՛, առաջարկվել է երկու խմբակցությունների հետ համատեղ հանդիպում, սակայն «Ելք» դաշինքը հրաժարվել է առաջարկվող ձեւաչափից: «Ելք» խմբակցության ղեկավար Նիկոլ Փաշինյանն ԱԺ նախագահից պահանջեց սխալ տեղեկություններ չհրապարակել: «Պարոն Փաշինյան, ես գերադասում եմ մարդկային հարաբերությունները քաղաքական հարաբերություններից»,- ասաց Արա Բաբլոյանը, որին ի պատասխան Նիկոլ Փաշինյանն ասաց. «Ստի վրա մարդկային հարաբերություններ չեն կառուցում»:

ԱԺ նախագահը մանրամասն պատմեց, թե ինչպես է եղել պայմանավորվածությունը: «Դուք ասացիք, որ մենք չենք հանդիպի փոխվարչապետի հետ, խնդրում ենք ապահովել վարչապետի ներկայությունը քննարկումներին: Ես ասացի՝ շատ լավ, ընդունում եմ ձեր առաջարկը, որովհետեւ տրամաբանական է եւ հաշվի առնելով, որ ժամը 7-ին դրված էր ուրիշ հանդիպում, այն ժամանակ մենք վարչապետին կառաջարկենք սկզբում հանդիպել ընդդիմության հետ եւ հետո հանդիպել մեծամասնության հետ: Ձեր բառացի արտահայտությունը՝ առնվազն 40 րոպե վարչապետը մեր հետ պետք է հանդիպի, ես ասացի՝ այո: Հավանաբար, դուք համոզված չէիք, որ վարչապետը կհամաձայնվի»,- ասաց Արա Բաբլոյանը՝ նշելով, որ եթե խմբակցություններից որեւէ մեկը գտնում է, որ պետք չէ իրենց հետ ԱԺ նախագահը բանակցի, ապա ինքը կարող է իր օգնականին ասի, որ բանակցի նրանց հետ:

Նիկոլ Փաշինյանը ցանկացավ վարման կարգով արձագանքել Արա Բաբլոյանին, սակայն նրան ձայն չտրվեց: «Ելք» խմբակցության ղեկավարն իր դիտարկումն ամեն դեպքում ներկայացրեց Կարեն Կարապետյանին հարց ուղղելուց առաջ:

«Պարոն Բաբլոյան դուք հիշատակեցիք ձեր օգնականին: Գուցե իսկապես նման լուրջ հարցերը ձեր օգնականին հանձնարարեք, կարող է նա ավելի լուրջ հմտություններ ունենա նման բարդ հարցեր կարգավորելու համար»,- ասաց Նիկոլ Փաշինյանը՝ նշելով, որ իրենք մերժել են «Ծառուկյան» խմբակցության հետ հանդիպումը եւ առաջարկեց նայել վարչապետին հարց ուղղելու համար հերթագրված պատգամավորների ցանկին: «Հիմա «Ծառուկյան» եւ «Ելք» խմբակցության համատեղ հանդիպումն է վարչապետի հետ, մյուսներն ինչի համար են եկել, դժվար է պատկերացնել»,- հեգնեց Նիկոլ Փաշինյանը:

Տպել
15174 դիտում

Աշխատանքային այցով Լեհաստանում էր ՀՀ ՊՆ պատվիրակությունը

Կորեայի ձորում կորած քաղաքացու որոնողական աշխատանքները շարունակվում են

Սկսում ենք երկարատեւ պայքար. պահանջում են Քոչարյանին ազատ արձակել

«Ստեփանավանի Բ/Կ»-ում պաշտոնեական կեղծիքով յուրացման համար տնօրենին առաջադրվել է մեղադրանք

Կրկին նախապայմաններ. Էրդողանի աշխատակազմը արձագանքել է Փաշինյանի հայտարարությանը

Դոլարը Հայաստանում թանկանում է, եվրոն՝ էժանանում

Մի՛ վառիր կամ թաղիր ՀՀԿ-ին․ Դիանա Գասպարյանի տարբերվելու կոչը

Ադրբեջանում ընթանում է Կարեն Ղազարյանի դատավարությունը (տեսանյութ)

Աննա Հակոբյանն աշխատանքային այցով կմեկնի Շվեյցարիայի Համադաշնություն

«Բալ-Է»-ն Ադրբեջանի համար չէ. ՌԴ ՊՆ-ում մտավախություններ ունեն

Իրոք անտանելի է ու օրհասական․ Երվանդ Վարոսյանը՝ ՓՊ-ում ստեղծված իրավիճակի մասին

Արմեն Սարգսյանը կմասնակցի Վրաստանի նորընտիր նախագահի երդմնակալության արարողությանը

Լիահույս ենք, որ Հայաստան-Սփյուռք հարաբերությունները կամրապնդվեն․ CCAF-ը շնորհավորել է Փաշինյանին

Լիլիթ Մակունցն այցելել է 9-րդ օրը հացադուլի մեջ գտնվող կինոռեժիսորին

Ջավախքում հայ երիտասարդի սպանության պատճառով հրկիզումները շարունակվում են. այրվել է եւս երկու տուն

Լիոնում ձերբակալվել է վրաց-հայկական-ադրբեջանական հանցավոր խումբ (տեսանյութ)

Թավշյա հեղափոխությունից հետո մտադիր եմ ընդլայնել բարեգործական ծրագրերը ՀՀ-ում․ Աննա Կարան՝ Աննա Հակոբյանին

Վովայի պատվերով բռնել են, անմեղ տեղը նստած ենք. քրեական հեղինակություններ Նորատուսցի Ալիկի և Գեղամի նյարդերը տեղի տվեցին

Գյումրիում ռուս զինվորական է ձերբակալվել դեկտեմբերի 2-ին ծեծի հետեւանքով մահացած Ջուլիետա Ղուկասյանի դեպքով

Թուրքիան սկսել է Սեւ ծովում բազա կառուցել