Ցանկություն կա, բայց սայլը տեղից չի շարժվում. ՎՊ նախագահը՝ բյուջեի կատարողականի մասին

ԱԺ հանձնաժողովների համատեղ նիստում ՀՀ 2016 թվականի պետական բյուջեի կատարողականի քննարկման ժամանակ ՀՀ Վերահսկիչ պալատի նախագահ Լեւոն Յոլյանը հայտարարեց, որ ՎՊ-ի կողմից սկզբունքային է եւ լուծման կարիք ունի այն, որ պետական բյուջեւում արտացոլված վարկային միջոցները պետք է սպասարկվեն գանձապետական համակարգի միջոցներով: ՎՊ նախագահը նշեց, որ տարիների ընթացքում կառավարությունն այս հարցը կարգավորել է, եւ առեւտրային բանկերի կողմից այլեւս չեն իրականացվում վարկային միջոցների սպասարկման գործընթաց:

«Գիտեք, որ 2016 թվականի վերջին կառավարությունն իրականացրեց ծրագրերի իրականացման գրասենյակների օպտիմալացման գործընթաց եւ այսօրվա դրությամբ, ըստ մեր գնահատականների, բավականին մեծ ֆինանսական ռեսուրսներ գանձապետական միասնական հաշվով չեն շրջանառվում: Մեր կարծիքով, մոտակա ժամանակներս կառավարությունն այդ ուղղությամբ պետք է համապատասխան գործողություն իրականացնի: Պարզ ճշմարտություն է, որ եթե այդ միջոցները շրջանառվեն գանձապետական միասնական հաշվով, դրանք կլինեն շատ ավելի թափանցիկ եւ վերահսկելի»,- ասաց Լեւոն Յոլյանը:

ՎՊ նախագահի խոսքով, պետական բաժնեմասով ընկերությունները, հիմնադրամներն իրենց ֆինասական ռեսուրսները պետք է շրջանառեն գանձապետական միասնական հաշվով: «Ցանկություն կա, բայց մինչեւ այս պահը սայլը տեղից չի շարժվում: Հուսով եմ, որ մոտակա ժամանակներս այդ հարցերին էլ կտրվեն համապատասխան լուծումներ»,- ասաց Լեւոն Յոլյանը՝  նշելով, որ գումարները բերելով գանձապետական հաշիվ՝ խնդրի մի մասն է լուծվում: Գանձապետարանին պետք է լիազորել նախնական հսկողություն իրականացնել այդ գումարների նկատմամբ:

Խոսելով բյուջեի կատարողականի արժանահավատ լինելու վերաբերյալ ՎՊ նախագահն ասաց, որ իրենք կատարողականը ստանում են մայիս ամսին եւ ընդամենը մեկ ամիս ժամանակ են ունենում ստուգումներ իրականացնելու համար: Այդ ստուգումները շատ հաճախ ունենում են կամերալ վիճակագրական բնույթ: Այսինքն՝ աշխատասենյակներում նստած փաստաթղթեր ուսումնասիրելով, այլ ոչ թե ներկայացված թվերն աշխատասենյակից դուրս ստուգելով:

«Սահմանադրությունը նոր պահանջ է դրել: 2018 թվականից մեր վերահսկողությունը պետք է լինի իրականացված աուդիտի արդյունքների հիման վրա: Այդ ժամանակ մենք ավելի շատ հարցեր կներկայացնենք»,- ընդգծեց Լեւոն Յոլյանը:

Տպել
24417 դիտում

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ