Ինչ ցնցումների մասին է ակնարկում Սերժ Սարգսյանը. չինացիների անեծքը մեզ չի կպչում

Երեկ ՀՀ կառավարության հերթական նիստին մասնակցած Սերժ Սարգսյանի ելույթը մի հետաքրքիր մեսիջ էր պարունակում:

Կարող ենք արձանագրել, որ ՀՀԿ-ն ինքն իրեն այսուհետ ներկայացնելու է որպես բարեփոխումների շոգեքարշ, որը մի կերպ հաղթահարելով հանրության համառ դիմադրությունը, արմատապես փոխելու է իրավիճակը: Այսինքն՝ հանրությունը ուզում է ապրել այնպես, ինչպես ապրում էր, բայց դա սխալ է, եւ ՀՀԿ-ն կտրուկ փոփոխությունների շնորհիվ հանրությանը դուրս է հանելու այս ճահիճից եւ տանելու է նրան դեպի պայծառ ապագա:

«Վերջին տարիներին հաճախ է հնչում չինացիներին վերագրվող ասացվածքը, շատերը սկսել են դա հնչեցնել, ըստ որի՝ անեծք է որեւէ մեկին մաղթել ապրել փոփոխությունների ժամանակ: Կարծում եմ, որ նման ժամանակներում ապրելն իսկապես դժվար է, սակայն նաեւ՝ հետաքրքիր»,- երեկ նիստի ժամանակ իր ելույթում հայտարարեց Սերժ Սարգսյանը: Թե որտեղ է «հաճախ հնչել» չինացիներին վերագրվող այս ասացվածքը, մամուլի արխիվները խնամքով թաքցնում են: Բայց կարեւորը դա չէ: Կարեւորն այն է, որ «փոփոխությունները» դառնում են յուրահատուկ բրենդ ու այսուհետ բոլոր այն բացասական երեւույթները, որին մենք ականատես կլինենք Հայաստանում, պայմանավորվելու են «փոփոխություններով»:

Սա բավականին հին հնարք է: Մոտ երեք տասնամյակ հետխորհրդային երկրներում, այդ թվում՝ նաեւ Հայաստանում տեղի ունեցող երեւույթները բացատրվում էին «անցումային փուլով»: Դե, սոցիալիզմ կառուցող հասարակարգից անցում ենք կատարում դեպի շուկայական, ազատական հասարակարգ, ու հենց դրանով են պայմանավորված կոռուպցիան, մենաշնորհները, բիզնեսի ու քաղաքականության սերտաճումը, իշխանության հղփացումը, անպատժելիությունը եւ այլն: Այ, շուտով այդ անցումը կավարտվի, ու ամեն ինչ լավ կլինի: 

Չստացվեց: Հետխորհրդային մի քանի երկրներ անցան այդ փուլը, իսկ մեծամասնությունը, այդ թվում՝ նաեւ մենք, գնացինք բոլորովին ուրիշ տեղ: Ու հիմա պետք է ՀՀԿ-ն մեզ ուղղորդի այլ տեղ, ու դրա համար պետք են փոփոխություններ: Եվ դա ինչպես Սերժ Սարգսյանն է բնորոշում՝ «նոր շրջափուլ» է: Ընդ որում, փոփոխությունները լինելու են այնքան կտրուկ, որ կարող են ցնցումներ լինել: «Կառավարության ծրագրի հաստատմամբ կարող ենք ազդարարել գործադիր իշխանության նոր շրջափուլի մեկնարկը: Մեր խնդիրն է այդ շրջափուլն անցկացնել արդյունավետ եւ հնարավորինս անցնցում»,- երեկ ասել է Սերժ Սարգսյանը:

Եթե խոսքը քաղաքական ցնցումների մասին է, ապա կառավարության ծրագիրը դրա հետ գրեթե ոչ մի առնչություն չունի: Իսկ եթե խոսքը սոցիալ-տնտեսական իրավիճակի մասին է, ապա որեւէ ցնցում մեզ չի սպառնում: Ցավոք սրտի: Կոռուպցիայի, տնտեսության կենտրոնացման, բիզնեսի ու իշխանության սերտաճման եւ երկրի զարգացումը արգելակող մյուս երեւույթների դեմ պայքարը կարող է առաջացնել ցնցումներ միայն իշխանության ներսում: Բայց դրանք երեւույթներ են, որոնց վրա հենված է նույն այն իշխանությունը, որի գագաթին Սերժ Սարգսյանն է: Չկան այդ երեւույթները, չկա ՀՀԿ-ի իշխանությունը: Ուստի մեզ մնում է «ըմբոշխնել» երկրի հետագա «կայունությունը»: Եվ իրական փոփոխությունների ժամանակաշրջանում ապրելու՝ չինացիներին վերագրվող «անեծքը» մեզ, գոնե առայժմ չի կպչում:

Տպել
5948 դիտում

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին

Մեր ֆուտբոլը ընդհանուր է հետ գնացել. Ռոբերտ Արզումանյան

Դաշնակցությունը չի պատրաստվում լքել համաձայնության կառավարությունը, դա ապատեղեկատվություն է. ՀՅԴ

Գործադիրը պետք է ԵՄ-Հայաստան համաձայնագրի վավերացման գործընթացը պահի ուշադրության կենտրոնում. Աշոտյան

Հայաստան կժամանեն Քըրք Քըրքորյանի ազգական Էրիկ Էսրաիլյանը եւ Կալիֆորնիայի համալսարանի ռեկտոր Ջին Բլոքը

Armenia! ցուցահանդեսը կկայանա Նյու Յորքի «Մետրոպոլիտեն» թանգարանում

Թմրանյութ են հայտնաբերել. Ադրբեջանցի ընդդիմադիր Օրհան Բախըշլըն դատապարտվել է 6 տարվա ազատազրկման

Օբաման Մերձավոր Արեւելքի երկրները ներքաշել է քաղաքացիական պատերազմի մեջ. փորձագետ

Նշանառու կրակոցներ են արձակել. Մարտի 1-ին «Չերյոմուխա-7»-ից վիրավորված քաղաքացին մանրամասներ է պատմում

Ադրբեջանը գնդակոծում է ՀՀ բնակավայրերը. Հովհաննիսյանը խնդիրը ներկայացրել է ԵԽԽՎ մոնիթորինգային հանձնաժողովին

Ովքեր կողմ են քվեարկել Նիկոլ Փաշինյանի թեկնածությանը, դա չեն արել ՔՊ-ի համար, եղել է ժողովրդի պահանջը

Կրթական համակարգն առաջին հերթին պետք է ծառայի երիտասարդների կարողությունների բացահայտմանը. Սարգսյան

Հեղափոխությունը գայլերի կեր չդարձնել. Սեպտեմբերի 23-ին ձայն տալ «Նոր Հայաստանի» օգտին. կոչ Եվրոպայից

Ucom-ը կրկնապատկել է uDaily կանխավճարային շարժական ինտերնետի ծավալը

Yerevan.today-ում կատարված խուզարկությունից առաջ կայքը հարձակման է ենթարկվել. խմբագիր

Նոր Հայաստանում միակուսակցականության վերադառնալու վտանգ չկա, ինչը վկայում է Փաշինյանի անցած ուղին. Վ. Գերավետյան

ՀՀ-ում մեկնարկել են զորամասերի հետախուզության ծառայության պետերի հրամանատարական հավաքներ