ՀՀ-ն հնդկաձավար է արտադրում. ներկրողների եւ արտադրողների համերաշխությունը երաշխավորված չէ

Այսօր՝ հուլիսի 14-ին, Շիրակի մարզի սահմանամերձ Բավրա գյուղում շահագործման հանձնվեց «Նոր հատիկ» հնդկացորենի վերամշակման գործարանը: Այն թվով արդեն երկրորդն է: Նմանատիպ մեկ գործարան բացվել էր նաեւ Գեղարքունիքի մարզի Ծովագյուղ համայնքում: Դժգոհություններ կան, որ այն չի գործում, բերքը փչանում է: Գյուղատնտեսության փոխնախարար Արմեն Հարությունյանը լրագրողներին վստահեցրեց, որ երբ ինքը այցելում է, այն գործում է, թեեւ խոստացավ ճշտել, թե ինչու են այժմ դադարեցված աշխատանքները:

Բավրայի եւ Ծովագուղի արտադրամասերին մշտապես հնդկացորենով ապահովելու համար 67 համայնքների 551 ֆերմերներ են ընդգրկվել հինգ մարզերի 33 կոոպերատիվներում: Բավրայի գործարանը համախմբում է 28 կոոպերատիվների Շիրակի, Լոռու և Արագածոտնի մարզերից: Սրան զուգահեռ տեղեկացնենք, որ Շիրակի մարզի Ախուրյան համայնքում այժմ առկա է հնդկացորենի կուտակված բերք, արտադրող անհատները ֆինանսական խնդիրների պատճառով չեն կարողանում բերքը վերամշակման գործարան հասցնել:

Անդրադառնալով հանրապետության տարածքում սպառվող հնդկաձավարի ծավալներին, նշենք, որ ըստ «Նոր հատիկ» հնդկացորենի վերամշակման գործարանի տնօրեն Կորյուն Սումբուլյանի՝ Հայաստանում յուրաքանչյուր տարի սպառվում է 8-9 հազար տոննա հնդկաձավար: Այն հիմնականում ներկրվում է Ռուսաստանի Դաշնությունից:

Սմբուլյանի տեղեկություններով՝ հնդկաձավար ներկրում են «Անուշ լինի» եւ «Գրանդ Քենդի» ընկերությունները: Armtimes.com-ի այն հարցին, թե ներկրողներն արդյո՞ք կխոչընդոտեն տեղական արտադրանքի սպառմանը, գործարանի տնօրենն ասաց.

«Մեզ չեն խոչընդոտելու՝ իրենք իրենց գործ են անում, մենք՝ մերը: Ես չեմ կարծում, որ մենք այնքան ենք արտադրելու, որ իրենց խանգարենք»,-ասաց Սումբուլյանը:

Տեղեկացնենք, որ Բավրայում արտադրված հնդկաձավարը նախատեսվում է 1 կգ-ն վաճառել  500 դրամով, իսկ այժմ շուկայում առկա է 350-400 դրամ արժեցող հնդկաձավար, թեեւ այն ձմռանը կտրուկ թանկանում է: Բավրայի գործարանը կարող է տալ տարեկան 200 տոննա վերամշակված արտադրանք, այն ժամում մշակում է մեկ տոննա հնդկացորեն: Գործարանում աշխատում առայժմ 7 հոգի, առաջիկայում նրանց թիվը 21 է դառնալու:

Գյուղնախարար Իգնատի Առաքելյանի տեղակալ Արմեն Հարությունյանն, անդրադառնալով armtimes.com-ի այն հարցին, թե ներկրող ընկերությունների եւ տեղական արտադրողների միջեւ հնարավո՞ր կլինի առողջ մրցակցություն կազմակերպել,  վստահեցրեց, որ խնդիրներ չեն լինի:

«Ես չգիտեմ՝ մենաշնորհային է, թե ոչ ներկրումը, բայց լրիվ արդարացված է հնդկացորենի ներկրումը: Միաժամանակ տեղեկացնեմ, որ մեզ մոտ արտադրողականությունը բավականին բարձր է, եւ մեր արտադրողները կարող են հանգիստ մրցել ներմուծողների հետ»,-armtimes.com-ին ասաց փոխնախարարը:

Տպել
21745 դիտում

Այսօր Երևանի ավագանու արտահերթ ընտրություններն են, 979 թեկնածու կպայքարի ավագանու 65 տեղի համար

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը