Ջահել տղեքը, սիրած ունեն, բայց չեն ամուսնանում, փող չկա. կյանքը սահմանամերձ Բավրայում.ՖՈՏՈ

Շիրակի մարզի սահմանային գյուղում՝ Բավրայում, հոգսերը շատ են, ապրուստի միջոցները՝ քիչ: Վերջին մարդահամարի տվյալներով սահմանամերձ այս համայնքում բնակվում է 570 մարդ: Գյուղում աշխատատեղ չկա: Բնակիչներն անասնապահությամբ են զբաղվում կամ մեկնում արտագնա աշխատանքի: Բավրային բնակիչներն  armtimes.com-ի հետ զրույցում դժգոհում են, որ նախ, որպես սահմանամերձ համայնք պետության կողմից որեւէ ուշադրության չեն արժանանում, հետո էլ մասնավոր ընկերությունները գյուղ մթերքը, մասնավորապես՝ կաթը գնում են էժան:

«Իրար ենք ուտում, աշխատանք չկա, մարդ չի մնացել, սաղ թողել, գնացել են, մենակ բիձեքն են մնացել: Անասուն ենք պահում, բայց կաթի գինը էժան է: Լավ է կաթը թափենք, քան թե տանք հավաքող ցիստերին: Իրանք տանին, մշակեն, քյարը տեսնին, գեղացուն էլ բերեն կոպեկներ կուդան, կսեն՝ գնա, յոլա գնա: Ալյուրը թանկ, ձեթը թանկ, մնացած ամեն ինչ թանկ, մեր կաթը՝ էժան»,- ասում է Բավրայի բնակիչ Հակոբ Բալյանը:

Գյուղմթերքի էժան գնով սպառմանը զուգահեռ, Բավրայում այս գյուղատնտեսական տարում մեկ այլ խնդիր էլ է առաջացել՝ անասնակեր չկա: Բնակիչներն ասում են տարին գյուղատնտեսական առումով հաջող չէր, անասունների հարկադիր մորթ է սպասվում:

«Խոտ չկա, Հոկտեմբերյանի կողմերից էլ են գալիս, բայց չկա: 1500 դրամ է, դաշտից 1200 դրամով են տանում մի տուկը: Սաղ ստիպված կովերին ձմեռը կմորթեն, տարին լավը չէր: Անձրեւ էկավ, սաղ խոտը խեղդեց, չթողեց, որ աճի: 1000 գլուխ անասուն, որ կմորթվի»,- armtimes.com-ին տեղեկացնում է Բավրայի բնակիչը:

Վրաստանին սահմանակից գյուղի բնակիչներն հարեւան երկրի գյուղերի հետ ապրանքափոխանակություն իրականացնելու հնարավորություն չունեն:

«Հնարավորություն չկա Վրաստանի հետ ապրանք փոխելու: Մուծում են ուզում: 5 կիլոյից ավելի չեն թողնում ապրանք բերենք: Խոսքի՝ ուզում եմ մի մեշոկ պիսոկ բերեմ, էդ քանի՞ հոգու վրա բաժանեմ, որ հենց ըմբես բերեմ: Գյուղացու ապրանքը չի ծախվում: Վրացին իրա միրգը կբերե մեր պանրի հետ կփոխանակե, կտանի: Պանիրը 1500 դրամ է, կաթը՝ 120: Մեր սարերը լրիվ քարեր է, խոտ չկա, որ անասունը գնա, արածի, գա: Կանաչը, որ երեւում է, դրան մի խաբնվի, լրիվ քար է: Տարածքն էլ քիչ է»,- ասում են Բավրայի բնակիչներն:

Բավրայի տղամարդիկ այս տարի մեծ դժվարությամբ են մեկնել արտագնա աշխատանքի:

«Խոպանի վիճակն էլ լավ չէ: Առաջ փետրվար-մարտից էին գնում: Հմի տարին կես է ընկնել, նոր կերթան: Մի 15 օր առաջ են գնացել: Գործ չկա»,-ասում են գյուղի կենտրոնում հավաքված գործազուրկ բնակիչները:

Սոցիալական վատ վիճակով պայմանավորված Բավրայում ծնելիությունը նվազել է: Գյուղի տարեցներն armtimes.com-ի հետ զրույցում ասում են, որ երիտասարդները չեն համարձակվում ամուսնանալ, քանի որ ընտանիք պահելը դժվարացել է:

«Երեխաներ չեն ծնվում: Էնքան ջահել տղեք կան, սիրած ունեն, բայց չեն ամուսնանում, փող չկա: Ընտանիք պահելը դժվար է, կնիկ չեն կրնա պահեն, երեխան ունենան ի՞նչղ պահեն: Շատ են ուզում ամուսնանալ: Առաջ մեր գյուղում 4 մայր հերոս կար, որոնցից ամեն մեկը 10 երեխա ուներ, բայց հիմա 1-2 հատ էլ չեն ունենում»,- armtimes.com-ին փոխանցում է Սլավիկ Սումբուկյանը:

Տպել
23017 դիտում

Հիացած եմ Հայաստանի գեղատեսիլ վայրերով և հայերի հյուրասիրությամբ. Ուկրաինայի ԱԳ պետքարտուղար

Արարատ Միրզոյանը ՌԴ դեսպանի հետ քննարկել է ՀՀ–ում ներքաղաքական զարգացումները

Թրանսփարենսի Ինթերնեշնլ-ը դիմել է ԵԽԽՎ՝ Հայաստանի՝ փողերի լվացման սխեմաներում ընդգրկված լինելու քննության համար

ՀՀԿ-ի՝ Բրյուսովի համալսարանի չհրկիզվող պահարանից գտնված 56 անդամատոմսերից 5-ը կապ չունեն բուհի հետ

Հայտնի են Արմավիրի, Արագածոտնի, Սյունիքի նոր մարզպետների անունները

Նիկոլ Փաշինյանը լուսանկար է հրապարակել Յուրի Բաշմետի հետ

Հունան Պողոսյանը նշանակվելու է Սյունիքի մարզպետ

ՀՀ ֆուտբոլի հավաքականի անդամները հանդիպել են երկրպագուների հետ

Կոտայքում բախվել են Ոստիկանության և ՊՆ ծառայողների մեքենաները. 4 ամսական երեխան հիվանդանոցում է

Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

ՀԱՊԿ ԽՎ նիստը Երեւանի փոխարեն կկայանա Մոսկվայում

Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

Թունջբոյաջյանն այցելել է «Հայաստան» համահայկական հիմնադրամ, պատրաստ է դառնալ սփյուռքի դեսպանը

Չեչնիայի նախագահ Կադիրովը Փաշինյանի ու Մակրոնի պարից հետո պարի մարաթոն սկսելու կոչ է արել քաղաքական գործիչներին

Քրեական հեղինակություն Նորատուսցի Արան կրակոցների պահին ալկոհոլի ազդեցության տա՞կ է եղել. նա օգտվում է լռելու իրավունքից

Վարչապետ Նիկոլ Փաշինյանը և տիկին Աննա Հակոբյանը ներկա են գտնվել Յուրի Բաշմետի համերգին (լուսանկարներ)

Թեկնածուներից մեկը դիմել է ստոր մեթոդների. ահազանգում է Էջմիածնի քաղաքապետի պաշտոնակատարը (լուսանկար)

Թուրքիայում Իրանի դեսպանատունը ուժեղացված հսկողության տակ է

20 տարվա փչացրածը, 20 օրում չի ուղղվի. Վանեցյանը հանդիպեց հավաքականի ֆուտբոլիստների հետ

Սիսիանում տներից մեկի պատշգամբի փլուզման հետեւանքով 75-ամյա քաղաքացին մահացել է