Այսօր Վարդավառ է

23/07/2017 schedule10:41

Վարդավառը կամ Քրիստոսի Պայծառակերպությունը Հայ Առաքելական Եկեղեցու հինգ տաղավար տոներից է։ Տոնը նշվում է Սուրբ Զատիկից 98 օր հետո՝ հունիսի 28-ից օգոստոսի 1-ն ընկած ժամանակահատվածում։ Սուրբ Երրորդություն եկեղեցու հոգեւոր հովիվ Տեր Պարթեւ քահանա Մուրադյանը armtimes.com-ի հետ զրույցում ներկայացրեց տոնի պատմությունը: 

«Պատմությունը պատմում է, թե ինչպես Քրիստոս իր մի քանի առաքյալների հետ բարձրանում է լեռան վրա, որպեսզի աղոթք անի, առաքյալները, որոնք ուղեկցում էին Քրիստոսին, այդ պահին քնում են, եւ երբ, որ արթնանում են, տեսնում են՝ Քրիստոս լեռան գագաթին կանգնած աղոթում է: Նրա մի կողմում հայտնվում է Մովսես մարգարեն, իսկ մյուս կողմում՝ Եղյա մարգարեն: Եվ Քրիստոսի զգեստն այնպիսի սպիտակ է դառնում, որ արեւի ճառագայթները խամրում են, եւ այստեղից էլ գալիս է տոնի անունը՝ պայծառակերպություն, այսինքն՝ Քրիստոս պայծառակերպվեց իր աշակերտների աչքի առաջ. սա եկեղեցական օրացույցով»,- ներկայացրեց Տեր Պարթեւ քահանա Մուրադյանը:

Անդրադառնալով ջրի խորհրդին՝ նշեց, որ Վարդավառը եւ ջուրն ազգային ադաթներն են, մեր բոլոր եկեղեցական տոներն ուղեկցվում են ազգային ադաթներով, եւ այս տոնը նույնպես համեմված է ազգային ադաթներով:

«Հայտնի է, որ տոնի նախորդ օրը եղել են վիճակահանություններ: Մարդիկ սափորների մեջ գցել են իրենց իրերը, եւ հաջորդ օրը նորահարսերից մեկը հանել է իրերը եւ յուրաքանչյուրին վիճակ է տրվել: Տոնն ուղեկցվել է երգ ու պարով, միմյանց վրա ջուր ցանելով»,- ներկայացրեց Սուրբ Երրորդություն եկեղեցու հոգեւոր հովիվ տեր Պարթեւ քահանա Մուրադյանը:

Հավելենք, որ տոնի պատմությունը գալիս է դեռեւս հեթանոսական ժամանակներից։ Հնում Վարդավառի տոնը կապում էին հայկական դիցարանի ջրի, սիրո, պտղաբերության ու գեղեցկության աստվածուհի Աստղիկի հետ։ Վարդավառի տոնը նշվում էր ժողովրդական մեծ հանդիսություններով։ Աստղիկին վարդեր էին նվիրում, աղավնիներ էին բաց թողնում եւ միմյանց վրա ջուր ցողում։ Ջուր ցողելու սովորությունը պահպանվել է նաեւ մեր օրերում։ Վարդավառի խորհուրդը նաեւ եղել է ջրի պաշտամունքը, երբ աղերսել են արգասավորությունն ու պտղաբերությունը հովանավորող ուժերին։ Վարդավառը նաեւ բերքահավաքի հետ կապվող առաջին տոներից էր, որի ծեսերը մասամբ նվիրված էին բերք ու բարին ապահովող աստվածություններին։

Վարդավառին սովորաբար եկեղեցուն նվիրաբերել են հասկեր, աղերսել, որ արտերն ու այգիները զերծ մնան աղետներից (կարկուտից, մորեխից), ծառերի դալար ոստերով զարդարել են տները, ծաղկեփնջեր նվիրել միմյանց, աղավնիներ թռցրել, կազմակերպել ջրախաղեր, զվարճություններ, խնջույքներ, անասնապահները ծաղիկներով զարդարել են անասունների ճակատները:

Այսօր եւս տոնի հետ կապված Երեւանում եւ շրջաններում կազմակերպված են մի շարք միջոցառումներ:

 

Տպել
8405 դիտում

ՀՀ բասկետբոլի հավաքականը մեծ առավելությամբ հաղթեց Ալբանիային

Իրաքում մահապատժի կենթարկվեն 16 թուրք կանայք՝ ԻՊ անդամների հետ ամուսնանալու, օգնելու համար

Նիդերլանդների կողմից Հայոց Ցեղասպանության ընդունումը «վատ հետք» կթողնի. Թուրքիայի մեջլիս

Մոսկվայում դարձյալ տասնյակ չվերթներ են հետաձգվել ու չեղարկվել. այսօր ամենացուրտ օրն էր

Երկրաշարժ Վայոց ձորի մարզում. ուժգնությունը կազմել է 4-5 բալ

Ալթունյանի խորհրդականը կոռուպցիոն սկանդալում. դատախազությունը կմիջամտի՞

Տիգրան Պետրոսյանը շարունակում է մնալ առաջատարների եռյակում. Աէրոֆլոտ օփեն

Փհենչհան-2018-ի օլիմպիական կրակը հանգցրել են. խաղերը պաշտոնապես ավարտված են

Սեւ Լեքսուսի հետքերով. հայտնաբերվածն իրական զինանոց է, որտեղ անգամ դիմակ կա (լուսանկարներ)

«Պոբեդան» դեմպինգի՞ է ենթարկել «Տարոն Ավիային»

Նախագահի թեկնածու Արմեն Սարգսյանը նորից Վիեննայում է, այցելել է Մխիթարյան միաբանություն

Նախկին վարչապետի ընկերությունը «սպանում» է մրցակցին. նախարարությունը լուռ հետեւում է

Բռնցքամարտիկ Արտյոմ Դալաքյանը դարձել է Ուկրաինայի երկրորդ գործող չեմպիոնը (տեսանյութ)

Մոսկվա-Աստրախան չվերթի ինքնաթիռն արտակարգ վայրէջք է կատարել՝ ուղեւորուհու մահվան պատճառով

Վրաստանի փոխվարչապետ Գիորգի Գախարիայի հետ հանդիպմանը Ս. Սարգսյանը հիշել է իր այցը Վրաստան

Բացահայտվել է կեղծ ոսկու գրավադրմամբ բանկից գումարների հափշտակությամբ զբաղվող խումբ

Արմավիրում 70-ամյա տղամարդն ինքնասպան է եղել՝ հրացանից կրակելով իր սրտին

Մեդալային հաշվարկում հաղթեց Նորվեգինան. Փհենչհան 2018

Հրադադարի խախտման 300 դեպք՝ 1 շաբաթում, Ադրբեջանը կիրառել է նաեւ 60 միլիմետրանոց ականանետ

Այսօր Զորավար Անդրանիկ Օզանյանի ծննդյան օրն է. հարգանքի տուրք՝ Եռաբլուրում