Աշակերտների գլխին ընկնող դասասենյակի դուռը Հացիկում «սկոչով»  են ամրացրել. ՖՈՏՈՌԵՊՈՐՏԱԺ

Մի քանի  օրից կմեկնարկի 2017-18 ուսումնական տարին, սակայն Շիրակի մարզի Հացիկ գյուղի միջնակարգ դպրոցի շենքային պայմանները, մեղմ ասած, աղետալի են:  Կառույցը թեեւ տիպային է, սակայն, տնօրենի խոսքով՝ կառուցվել է մի շարք թերություններով:

«Տանիքը կաթում է, հատակը քայքայված է: Մարզպետը խոսք է տվել, որ սեպտեմբերին լինելու է ֆինանսական աջակցություն, որ հատակի խնդիրը լուծենք»,-armtimes.com-ի հետ զրույցում ասում է դպրոցի տնօրեն Աստղիկ Սարիբեկյանը:

Դպրոցը նախորդ ուսումնական տարում՝2016-17-ին,  6 շրջանավարտ է տվել, այս տարի առաջին դասարանում սովորելու է 8 աշակերտ: Ընդհանուր առմամբ այս ուսումնական տարում դպրոցի աշակերտների թիվը 90-ի է հասնում:

«Աշակերտները տարեցտարի  նվազում են՝ դրա համար կա մի քանի պատճառ: Գյուղից շատ են արտագաղթում, հետո էլ քաղաքին է շատ մոտ, ծնողները նախընտրում են երեխաներին տանել Գյումրու դպրոցներ, որոնք ավելի գեղեցիկ են: Ունեցել ենք աշակերտներ, որ ընտանիքով արտերկիր են մեկնել, ուսումնական տարվա կեսից վերցրել են գործերը ու գնացել»,-ասում է տնօրենը:

Հացիկի դպրոցի շենքը խարխուլ է ամբողջությամբ: Քայլելիս հատակը երերում է, առաստաղից պարբերաբար քարաթափումներ են լինում: Կառույցի կապիտալ վերանորգման նախագծանախահաշվային արժեքը 50 մլն դրամ է, որը պետությունը չի հատկացնում: Armtimes.com-ի նկարահանման պահին որոշ դասարանների գույքը փորձում էին վերանորգել աշակերտների ծնողները: Դասարաններից մեկի դուռն էլ այնքան հին էր, որ ցանկացած պահի պատրաստ է ընկնել աշակերտների գլխին, գուցե զավեշտ թվա, բայց  ծնողներն այն ամրացրել են կպչուն ժապավենով:

Դպրոցի բյուջեն 36 մլն դրամ է, որը բավարարում է միայն 25 աշխատակցի աշխատավարձին: Տնօրեն Աստղիկ Սարիբեկյանն ասում է, որ նախկինում գյուղի մեծահարուստներն ամեն կերպ աջակցել են դպրոցին, բայց այժմ արտագաղթել են, դպրոցն էլ առանց հովանավորների է մնացել:

«Նախկինում ֆերմերները միշտ աջակցել են դպրոցին, բայց հիմա այդ լավ ավանդույթը չի պահպանվել: Հիմա չկա ոչ մի օգնություն, դպրոցը հատնվել է ծանր վիճակի մեջ: Մեծահարուստներն արտագաղթել են, իրենց երեխաներին էլ հետներն են տարել»-, եզրափակում է տնօրենը:

Տպել
4737 դիտում

Թափառող կենդանիների վնասազերծմամբ զբաղվող ընկերության ընտրության նոր մրցույթ կհայտարարվի

Արցախի ՄԻՊ Արտակ Բեգլարյանը շնորհավորել է արցախյան եռատոնի առթիվ

Զոհրաբ Մնացականյանն ընդունել է միջազգային դիտորդական առաքելությունների ներկայացուցիչներին

Շնորհավորում ենք խորհրդարան անցած երեք քաղաքական ուժերին. «Օրինաց երկիր»

Հայաստանը չի ձգտում դառնալ ՆԱՏՕ-ի անդամ. Նիկոլ Փաշինյան

Ուկրաինայի իշխանությունների որոշումն անխոհեմ է. Պեսկով

Շնորհավորանք ու եռագույն սրտիկ՝ ԱՄՆ դեսպանատնից հայ ժողովրդին

Սուրեն Շահվերդյանը հրաժարական է տալիս Համազգային թատրոնի գեղարվեստական ղեկավարի պաշտոնից

Մեյը հետաձգել է Brexit-ի հարցով քվեարկությունը

Սա աննախադեպ իրադարձություն է, կարևոր նվաճում 3-րդ հանրապետության պատմության մեջ (տեսանյութ)

Անվավեր քվեաթերթիկների վրա այս անգամ հումորներ համարյա չկային․ դրանք անցել էին համացանցի տիրույթ

Մարդու իրավունքների պաշտպանության օրվան նվիրված միջոցառումներ ՊՆ-ում (լուսանկարներ)

Ինչպես են բաշխվել քվեները 2-րդ ընտրատարածքում

Ունեցանք միաբևեռ Ազգային ժողով. «Մենք» դաշինքը՝ ընտրությունների մասին

Գյումրեցի Ջուլիետա Ղուկասյանի սպանությունից 8 օր անց դեռ կասկածյալ չկա

«Սասնա ծռերը» ճանաչել է ԱԺ արտահերթ ընտրությունների արդյունքները, մաղթել արգասաբեր աշխատանք

Ի՞նչ հաջորդականությամբ են ձայները բաշխվել 4-րդ ընտրատարածքում

Ռուսաստանի հետ բարեկամության և համագործակցության համաձայնագիրը դադարեցվում է Պորոշենկոյի որոշմամբ

Ինձ պասիվ էի պահում, որ նախընտրական այս շրջանում չքաղաքականացվեր. Հ. Գալստյանն արդեն 8-րդ օրն է՝ հացադուլի մեջ է

Թեկնածուներից մեկի օգտին քվեարկելուն հարկադրելու առերևույթ դեպք է արձանագրվել. հարուցվել է քրգործ