ՃՈ-ն պահանջում է փոխել աջ ղեկով մեքենաների կառուցվածքը. նոր զարգացումներ են սպասվում

Armtimes.com-ի տեղեկություններով, առաջիկայում աջակողմյան ղեկ ունեցող ավտոմեքենաների ներկրման համար խոչընդոտներ կստեղծվեն: Մեզ դիմած քաղաքացիներն անհանգստացած հայտնեցին, որ ճանապարհային ոստիկանությունը, իհարկե, գրանցում է աջ ղեկ ունեցող ավտոմեքենաները, սակայն զգուշացնում է, որպեսզի, անպայման, ղեկային համակարգի կառուցվածքը փոխեն:

Մենք որպես մեքենա ներկրող փորձեցինք ստուգել լուրի իսկությունը՝ զանգահարելով ճանապարհային ոստիկանություն:

- Բարեւ ձեզ, ես մեքենա եմ պատվիրել, որը շուտով կհասնի Փոթի: Ճի՞շտ է, որ ՃՈ-ում չեն գրանցում աջ ղեկ ունեցող մեքենաները:

- Գրանցում ենք, բայց պետք է հետո փոխեք: Գրանցելը գրանցում են՝, բայց պետք է փոխեք:

- Իրավական ակտ կա՞ ընդունված:

- Երեկ է ուժի մեջ մտել, բայց, ճիշտն ասած, որոշում… նման որոշում չի ընդունվել: Խոսակցություն է, գրանցեք, բայց հետո պետք է փոխեք:

- Եթե չփոխեցի, ՃՈ-ն ինձ տուգանելո՞ւ է:

- Դա չեմ կարող ասել արդեն, հետո պարզ կլինի:

- Հիմա մեքենայի համար 3 հազար ԱՄՆ դոլար գումար եմ վճարել, եթե բերեմ այստեղ փոխեմ, պետք է մի հազար դոլար էլ տամ փոխելու համար:

- Ինչ ասե՜մ:

Խնդիրը պարզաբանելու համար դիմեցինք ՀՀ ոստիկանություն, Տրանսպորտի, կապի եւ ՏՏ նախարարություն, Կառավարություն: Երեք կառույցից էլ խոստացան պարզել թե ինչու է նման խնդիր առաջացել, եւ օրվա մեջ մեզ պարզաբանում տրամադրել:

Մինչ պաշտոնական պատասխան ստանալը փորձեցինք բաց աղբյուրներից հասկանալ, թե ինչո՞ւ կարող էր նման խնդիր առաջանալ: Պարզվում է՝ ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը ՀՀ վարչապետի հանձնարարականով հուլիսի 7-ին ընդունել է մեքենաներ ներմուծող մի շարք ընկերությունների ղեկավարների։ Նրանք դիմել էին վարչապետին՝ նշելով այն օրենսդրական բացերը, որոնք խոչընդոտում են իրենց գործունեությանը։

«Ընկերությունների ղեկավարները նախարարին ներկայացրեցին մեքենաների ներմուծմանը, հնամաշ, ինչպես նաև աջակողմյան երթևեկության համար նախատեսված ավտոմեքենաների ներկրմանն ու շահագործմանը, տեխնիկական զննության կարգին  առնչվող մի շարք խնդիրներ: Նրանց փոխանցմամբ՝ մեքենաների 90%-ից ավելիի առք ու վաճառքի գործարքները կատարվում են ֆիզիկական անձանց միջոցով: Նշվեց նաև, որ մեքենաների գերակշիռ մասը 10-ը տարուց ավելի հին արտադրության են, բնապահպանական տեսանկյունից էլ դրանց արտանետումները՝ շատ։ Քննարկվեցին ներկայացված խնդիրների լուծմանն ուղղված մի շարք տարբերակներ»,- ասված է նախարարության պաշտոնական կայքում հրապարկված հաղորդագրության մեջ:

Վահան Մարտիրոսյանն առաջարկել է ստեղծել աշխատանքային խումբ, որում ընդգրկված կլինեն ներմուծող կազմակերպությունների ներկայացուցիչներ և նախարարության համապատասխան ստորաբաժանումների պատասխանատուներ, ովքեր բարձրացված խնդիրների և առաջարկությունների հիման վրա կմշակեն օրենսդրական փոփոխությունների փաթեթ:

Եթե ավելի պարզ ասենք, խոշոր ներկրողներն անհանգստացած են, որ անհատները ավտոմեքենաներ են ներկրում, հիմնականում հարկ չեն վճարում՝ բացառությամբ մաքսատուրքը, եւ հիմնական ներկրողների բերած մեքենաներն այդպես էլ մնում են ավտոսրահներում: Իսկ անհատները հիմնականում մեքենա են բերում Ճապոնիայից, Չինաստանից, Արաբական միացյալ էմիրություններից (ԱՄԷ) եւ այլ երկրներից, ու հատկապես ներկրվում են աջակողմյան ղեկ ունեցող մեքենանները:

Խոշոր ներկրողները հիմնական պաշտոնական ներկայացուցիչներն են: «Ավանգարդ Մոթորսը» ներկրում է «Մերսեդես-բենս» ապրանքանիշի արտադրանքը, «Եվրոմոթորս» ընկերությունը ներմուծում է «ԲՄՎ», «Մինի» եւ «Ռոլլս-Ռոյս», որը կապվում է ԱԺ պատգամավոր Գագիկ Ծառուկյանի անվան հետ: «Մուլտի Մոթորս» ընկերությունն էլ հանդիսանում է Opel և ГАЗель մակնիշի ավտոմեքենաների պաշտոնական ներկայացուցիչը Հայաստանում։  Ընկերությունը զբաղվում է նոր ավտոմեքենաների ներմուծմամբ, վաճառքով և անհրաժեշտ ծառայությունների մատուցմամբ՝ ավտոմեքենաների տեխնիկական սպասարկմամբ, պահեստամասերի վաճառքով: Այս ընկերությունն ուղիղ կապ ունի ԲՀԿ նախագահ Գագիկ Ծառուկյանի հետ:

«Տոյոտա Երեւան» ընկերությունը ներկրում է «Տոյոտա» տեսակի ավտոմեքենաները: Այս ընկերության հիմնադիրներից մեկը Ռոբերտ Քոչարյանի որդին է՝ Սեդրակ Քոչարյանը: «Կարկոմաուտո» ընկերությունը ներկրում է «Գազ» «Ուազ», «Զազ» եւ «Պազ» ավտոմեքենաները: Այս ընկերությունն էլ պատկանում է ԱԺ նախկին պատգամավոր Կարեն Շախմուրադյանին: «Նիսսան» ավտոմեքեններ ներկրող «Մուրան» ընկերությունը նույնպես կապված է Շախմուրադյաններ եղբայրների անվան հետ:

Կառավարությունը դժվար թե կարողանա աջակողմյան ղեկ ունեցող մեքենաների ներկրումն արգելելու մասին որեւէ որոշում ընդունել, սակայն որեւէ դժվարություն չի առաջանա, եթե երրորդ երկրից ներկրվող մեքենաների մաքսազերծման արժեքը արհեստականորեն թանկացնեն:

Տպել
24299 դիտում

Անակնկալ ստուգումներ Երևանի մանկապարտեզներում. հայտնաբերվել են խախտումներ, կլինեն հետևանքներ (լուսանկարներ)

Վաղվա առաջնորդ կդառնան աշխարհում կատարվող սրընթաց փոփոխությունների կարևորությունը գիտակցողները. նախագահ

Դատարանը որոշեց բեկանել Քոչարյանի վերաբերյալ գործը եւ ուղարկել նոր քննության. Ռոբերտ Քոչարյանը հրապարակմանը ներկա չէր

Արդեն 25 անձ արյուն է հանձնել վթարի ենթարկված բալետի 23-ամյա արտիստի համար

Դպրոցները կառավարվելու են նոր համակարգով. ԿԳՆ-ում քննարկումներ են

«Իմ քայլը» դաշինքը կարգախոս չունի. ՔՊ խոսնակ

Խուսափել են հարկեր վճարելուց. քրգործերն են հարուցվել «Արփի գազ» եւ «Գլաձոր Մ.Գ.Հ.» ընկերությունների նկատմամբ

Ռոբերտ Քոչարյանի խափանման միջոցի վերաբերյալ բողոքների քննությունն ավարտվեց

Ցանկացած իրավիճակում մեր թիմը մնացել է ամուր. «Բիզնես Արմենիա»-ի գործադիր տնօրենը հրաժարականի դիմում է ներկայացրել

Հայաստանի շախմատի ֆեդերացիայի նախագահի առաջին տեղակալը պաշտոն է ստացել ՖԻԴԵ-ում

ՀՀ ԶՈՒ գլխավոր շտաբի պետի գլխավորած պատվիրակությունն այցելել է Բուլղարիա

Սերժ Սարգսյանի Վաչոն կալանավորվեց

Սերժ Սարգսյանի Վաչոն կրկին կկալանավորվի. դատախազի բողոքը բավարարվել է

Դիլիջանի ոլորաններում փլուզված հենապատը ժամանակավորապես վերականգնվել է

Միլիոնավոր դրամների հափշտակություններ. բացահայտվել եւ կանխվել են կոռուպցիոն հանցագործություններ. ԱԱԾ

Այս պահին քննվում է Ռոբերտ Քոչարյանի խափանման միջոցի վերաբերյալ ներկայացված բողոքը. Քոչարյանը դատարանում է

ՀՀ ֆուտբոլի հավաքականի համար ավարտվում է Ազգերի լիգան.... առա՞նց Եվրոյի 2020 ուղեգրի

Տարոն Մարգարյանը Երեւանում չէ. նրան լուսանկարել են Մոսկվայի «Շերեմետեւո» օդանավակայանում (լուսանկարներ)

Ինչու է ՊԵԿ-ը մտել Գազպրոմ. պարզաբանում է Դավիթ Անանյանը

Քաղաքական գործիչը ձգտում է առավելագույնի. Արայիկ Հարությունյանն՝ ԱԺ նախագահ լինելու մասին