Երևան
28 °C
Սեպտեմբերի 7-ը Հայաստանի ինժեներական զորքերի օրն է.1992 թվականի այս օրը ավարտվեց Հայաստանի Հանրապետության Զինված ուժերի ինժեներական ստորաբաժանման կազմավորումը: Եվ օրվա խորհուրդն ավելի է ընդգծվում հատկապես Սիրիայում ականազերծման աշխատանքներին հայ սակրավորների մասնակցության պատրաստակամության մասին լուրերի ֆոնին:
Օգոստոսի վերջին՝ «Արմիա-2017» համաժողովի շրջանակներում, ինչպես հայտնում էր ռուսական «ՌԻԱ Նովոստի» գործակալությունը, Ռուսաստանի պաշտպանության նախարարության միջազգային ռազմական համագործակցության գլխավոր վարչության պետ գեներալ-մայոր Ալեքսանդր Նովիկովը հայտարարել էր, որ Հայաստանն ու Սերբիան պատրաստակամություն են հայտնել մասնակցել Սիրիայում ականազերծման աշխատանքներին: Այս նախաձեռնությունը հենց Ռուսաստանինն է, եւ Նովիկովի խոսքերով՝ ռուսական կողմը Սիրիայի տարածքն ականազերծելու միջազգային կոալիցիա ստեղծելու ուղղությամբ աշխատանքներ է տանում: Նովիկովը հայտնել էր, թե այդ կապակցությամբ համապատասխան դիմումներ են ուղարկվել Հայաստանի, Սերբիայի, Իրանի, Եգիպտոսի, Արաբական Միացյալ Էմիրությունների և Թուրքիայի պաշտպանական գերատեսչություններին, որոնցից առայժմ Հայաստանն ու Սերբիան են պատրաստակամություն հայտնել իրենց համապատասխան ստորաբաժանումները Սիրիա ուղարկել. դիտարկվում է նաև չինացի սակրավորներին ներգրավելու հնարավորությունը:
Նովիկովի այս հայտարարությունը մեկնաբանելու խնդրանքով Aysor.am-ը դիմել էր ՀՀ նախագահի մամուլի խոսնակ Վլադիմիր Հակոբյանին՝ փորձելով պարզել, թե կա արդյո՞ք կոալիցիային միանալու մասին համապատասխան որոշում: Նախագահի խոսնակն էլ նշել էր, թե՝ «Երբ որոշում կայացվի և բոլոր հարցերը հստակեցվեն, այդ ժամանակ էլ հանրությունը պատշաճ կարգով կտեղեկացվի»:
Հատկանշական է, որ այս՝ առաջին հայացքից պարզ ու ոչ մի «դավադրություն» չենթադրող հարցը հետագայում, պետական տարբեր կառույցների ու գործիչների լռությամբ ու կեցվածքով պայմանավորված, ինչ-որ խորհրդապահական ու հանելուկային կերպարանք ընդունեց:
Ինչ վերաբերում է Սիրիայում ականազերծման աշխատանքներին Հայաստանի միանալու պատրաստակամության վերաբերյալ հարցին, ապա փոխարտգործնախարար Շավարշ Քոչարյանը artimes.com-ի հետ զրույցում զերծ մնաց որևէ կերպ այն մեկնաբանելուց, նշելով, թե դեռ պետք է սպասել դրա պաշտոնական մեկնաբանությանը: Իսկ հարցին, թե դա, ինչպես նաև Ռուս-հայկական միացյալ զորախմբի ու միասնական ՀՕՊ համակարգեր ստեղծելու քայլերն ի՞նչ առավելություններ կտան Հայաստանին՝ գոնե դիվանագիտական հարթությունում, Շավարշ Քոչարյանն արձագանքեց. «Այդտեղ դիվանագիտական հարց չկա՝ միայն ռազմական է»:
Այս հարցին ՀՀ պաշտպանության նախարարի առաջին տեղակալ Արտակ Զաքարյանը չպատասխանեց՝ հարցը լսելուց հետո կտրուկ արձագանքելով՝ «Անցանք»:
Ամեն դեպքում՝ եթե պաշտոնապես հաստատվի, որ Հայաստանն իսկապես ինժեներա-սակրավորային ստորաբաժանում է ուղարկելու Սիրիա, ապա դա ի՞նչ կտա Հայաստանին, հետաքրքրվեցինք նաև ԱԺ պաշտպանության եւ անվտանգության հարցերի մշտական հանձնաժողովի նախագահ Կորյուն Նահապետյանից:
«Պետք է նկատի ունենաք, որ Հայաստանը տևական ժամանակ, հաստատակամորեն իրականացնում է մի քաղաքականություն, որի նպատակն է մասնակցել միջազգային անվտանգության ապահովմանը: Մենք տարբեր խաղաղապահ առաքելություններում բավականին արդյունավետ մասնակցություն ունենք՝ լինի դա ՄԱԿ շրջանակներում, թե ՆԱՏՕ-ի հովանու ներքո, կամ երկկողմ ռազմական համագործակցության շրջանակներում, կամ հավաքական անվտանգության պայմանագրի կազմակերպության շրջանակներում. Հայաստանն ունի հստակ դիրքորոշում և կեցվածք, որ մենք միջազգային անվտանգության ապահովման մասն ենք կազմում, եւ եթե Հայաստանում մենք ունեն նման հստակ քաղաքական դիրքորոշում, ապա Հայաստանի զինված ուժերը մասնակցում են համապատասխան գործողություններին: Ինչ վերաբերում է ականազերծման հետ կապված գործողություններին, ապա մենք այստեղ նույնպես գնահատել ենք, որ սա եւս իսկապես բխում է մեր ընդհանուր գաղափարախոսությունից և նման որոշում ենք կայացրել ու ՀՀ զինված ուժերը նաև նման մասնակցություն են ունենում»,- ասաց Կորյուն Նահապետյանը:
Եվ իրոք՝ ՀՀ զինված ուժերը միջազգային խաղաղապահ առաքելությամբ հանդես է գալիս դեռևս 2004թ. փետրվարից, երբ հայ խաղաղապահների 34 հոգանոց զորախումբը մեկնեց Կոսովո, և այդ խաղաղապահ առաքելությունը շարունակվում է մինչ օրս: Բացի Կոսովոյից, մեր ստորաբաժանումները 2005-ից մինչեւ 2009 թվականը մասնակցում էին նաև Իրաքում իրականացվող բազմազգ խաղաղապահ առաքելությանը` հիմնականում մասնակցելով ականազերծման, բեռնափոխադրումների և բժշկական ապահովման աշխատանքներին: Ներկայումս մեր խաղաղապահներն առաքելություն են իրականացնում նաեւ Աֆղանստանում, իսկ 2014 թվականից սկսած՝ ՄԱԿ-ի հովանու ներքո իրականացվող UNIFIL առաքելության շրջանակներում, մասնակցում ենք նաեւ Լիբանանի խաղաղապահ առաքելությանը: Այսինքն՝ խաղաղապահ առաքելություններում ներգրավված լինելը նորություն չէ մեր երկրի ու մասնավորապես՝ մեր զինված ուժերի համար:
Այդ դեպքում, ինչո՞վ է պայմանավորված այդ խորհրդապահությունը: Քանի որ դրա մասին առաջինը հայտարարեց ռուսական կողմը, իսկ մեր գերատեսչություններն ու պետական պաշտոնյաները լուռ են, տպավորություն է ստեղծվում, թե իրականում Հայաստանն այդ ականազերծման կոալիցիային միանալու առանձնապես մեծ ցանկություն չունի, բայց նաեւ չի էլ կարող հրաժարվել Ռուսաստանի այդ առաջարկից:
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
Բեռլինում կայացել է Շոլց-Ալիև հանդիպումը
Աննա Հակոբյանը լուսանկարներ է հրապարակել Գյումրի կատարած այցից
Ռուսաստանը նամակ է ուղարկել Հայաստան. այն հասել է Ազգային ժողով
ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)
Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն
Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)
Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել
Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը
Բագրատ սրբազանն օգտագործում է նույն խոսույթը, ինչ ՀԱՊԿ-ը, որն իրականում աղետ է Հայաստանի համար. Տարոն Չախոյան
ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին
Մի քանի օրից կարճատև տեղումները կվերադառնան Երևանում ու մարզերում
ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները
Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում
Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը
ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել
© 2024 Հայկական ժամանակ