Ինչո՞ւ եք ընկել այդ ձեւակերպման հետեւից. ընդդիմությունը վտանգավոր միտում է տեսնում

12/09/2017 schedule16:48

Ազգային Ժողովի այսօրվա նիստում թեժ քննարկումների առիթ դարձավ նաեւ կառավարության կողմից ներկայացված «Հավաքների ազատության մասին» Հայաստանի Հանրապետության օրենքում փոփոխություններ և լրացում կատարելու մասին օրինագիծը:

ՀՀ արդարադատության նախարարի առաջին տեղակալ Արթուր Հովհաննիսյանի խոսքով` փոփոխությունը պայմանավորված է նոր՝ փոփոխված Սահմանադրությամբ, որում ավելի հստակ են արտացոլված որոշ դրույթներ: Բայց պատգամավորներն այլ կարծիք ու դիտարկումներ ունեին:

Մասնավորապես՝ «Ելք» խմբակցության ղեկավար Նիկոլ Փաշինյանն ուշադրություն հրավիրեց կառավարության այն առաջարկի վրա, որով հավաքների ազատությունը կարող է սահմանափակվել միայն սույն օրենքով սահմանված դեպքերում՝ այս, այս, այս, պատճառներով, կամ այլոց հիմնական իրավունքների եւ ազատությունների պաշտպանության նպատակով, այնուհետեւ ընթերցեց, թե գործող օրենքով ինչ է շարադրված ու ասաց.

«Այսինքն՝ ըստ էության, մի ամբողջ փիլիսոփայություն է փոխվել համապատասխանեցման հիմնավորմամբ: Գործ ունենք այն դեպքի հետ, որ Սահմանադրության անվան տակ ինչ կարողանում, սղղացնում եք: Ասում եք` տեխնիկական փոփոխություն է, բայց մի նախադասության մեջ մի ամբողջ փիլիսոփայություն է փոխվում, այսինքն` մենք վերադառնում ենք այն իրավիճակին, որ թաքուն, քողարկելու մեթոդներով վերադառնում ենք 2008թ. արտակարգ ռեժիմի ընթացքում եղած օրենքի վիճակին»,- նշեց Փաշինյանը:

«Ծառուկյան» խմբակցության պատգամավոր Սերգեյ Բագրատյանը ուշադրություն հրավիրեց առաջարկվող փոփոխությունների այն դրույթին, որ ուժային կառույցների ներկայացուցիչները հավաքների ժամանակ պետք է չեզոքություն ու զսպվածություն ցուցաբերեն, իսկ մեկ այլ դրույթով՝ որ հավաքներին համազգեստով մասնակցելու իրավունք չունեն:

«Եթե պետք է մասնակցեն չեզոքության պայմաններում ու առանց համազգեստի, դա ու արգելքն ի՞նչ տարբերություն ունեն: Կարելի է առհասարակ արգելել, թե չէ այդ ձեւով մասնակցում են, որ լրտեսե՞ն»,- նշեց Բագրատյանը:

Իսկ ԱԺ «Ելք» խմբակցության պատգամավոր Էդմոն Մարուքյանի խոսքով` գործող օրենսգիրքը չի հակասում փոփոխված Սահմանադրությանը, և այն փոխելու կարիք չկա: Նա ԱԺ պետական-իրավական և մարդու իրավունքների պաշտպանության մշտական հանձնաժողովի նախագահ Հրայր Թովմասյանից հետաքրքրվեց` արդյո՞ք գործող ձեւակերպումը հակասում է նոր Սահմանադրության ձևակերպմանը:

Ի պատասխան` Հրայր Թովմասյանն ասաց, որ չի հակասում:

«Եթե չի հակասում, ինչո՞ւ ենք ընկել այդ ձևակերպման հետևից, որ հետևողական կերպով դա փոխենք, որպեսզի բանավեճն էլ չլինի, մենք էլ կողմ քվեարկենք»,- արձագանքեց Էդմոն Մարուքյանը:

Արդարադատության փոխնախարար Արթուր Հովհաննիսյանը օրինագծի հեղինակների անունից խոստացավ վերաձեւակերպել կամ ընդհանրապես հանել խնդրահարույց ձեւակերպումները՝ հավաստիացնելով, թե այս փոփոխությունները որեւէ կերպ, անգամ թաքուն, փորձ չի արվել սահմանափակել հավաքների ազատությունը:

Տպել
1390 դիտում

Տուշոնկան բանակին կրկնակի թանկ է մատակարարվել. ստուգել ՊՆ-ի անցած տարիների բոլոր գնումները

Առաքել Մովսիսյանը (Շմայս) երեկ երեկոյան ԱԱԾ-ում հարցաքննվելուց հետո տուն է վերադարձել

Շղթայական ավտովթար Տավուշի մարզում. կան վիրավորներ

ԱԱ 2018-ում կհաղթի Բրազիլիան. ֆուտբոլային հայ փորձագետներ

Առաջին փոխվարչապետի գրասենյակի ղեկավարն ազատման դիմում է գրել

Շարքից հանվել է ադրբեջանական 22 անօդաչու թռչող սարք. Սենոր Հասրաթյան

Վանաձոր-Վրաստան միջպետական ավտոճանապարհը շարունակում է փակ մնալ բեռնատարների համար

Ավտովթար Երեւանում. կան վիրավորներ

Առաջին փոխվարչապետի գրասենյակի ղեկավարն ազատման դիմում է ներկայացրել

Մարգար Եսայանն այցելել է Թուրքիայի հրեաների հոգեւոր առաջնորդին

Առաջիկա օրերին երեկոյան ժամերին ամենուր տեղումներ կլինեն. անձրեւ ու ամպրոպ է սպասվում

ԱԳ նախարար Զոհրաբ Մնացականյանը կմեկնի Մինսկ

Լավրովն անդրադարձել է Ղարաբաղի խնդրի կարգավորման ՄԱԿ-ի 4 բանաձեւերին. լուծման տարբերակը

Մեսսիի Արգենտինան մոտ է մոտ է ԱԱ 2018-ը ձախողելուն

Երթևեկության ու կայանման կազմակերպման փոփոխություն Երևան քաղաքի Սայաթ-Նովայի պողոտայում

ՀՀ Բարձրագույն խմբի առաջնությանը կմասնակցի 8 թիմ

Սփյուռքի նախարարն ընդունել է Ռազմիկ Փանոսյանին եւ Համազասպ Դանիելյանին

Ոստիկանապետը, ԱԱԾ պետն ու վարչապետը՝ ոստիկանության զորքերի 26-ամյակին (լուսանկարներ)

Նոր մանրամասներ՝ Գեւորգ Կոստանյան Արմեն Դանիելյան հեռակա սկանդալային բանավեճից

ՀԽ քարտուղարությունը վերահաստատում է նոր իշխանություններին ամբողջական սատարումը