«Հայբուսակ» համալսարանը բացատրություն կպահանջի Իսրայելի առողջապահության նախարարությունից

Երեւանի «Հայբուսակ» համալսարանը պատրաստվում է նամակով դիմել Իսրայելի առողջապահության նախարարություն եւ բացատրություն պահանջել՝ իրենց գործունեության վրա ստվեր գցելու առնչությամբ:

Արդեն տեղեկացրել ենք, որ ՀՀ առողջապահության նախարար Լեւոն Ալթունյանն այսօր ընդունել է Իսրայելի առողջապահության նախարարի եւ առողջապահության նախարարության գլխավոր տնօրենի հատուկ հարցերով գլխավոր խորհրդական, պրոֆեսոր Շաուլ Յացիվիին եւ Իսրայելի առողջապահության նախարարության բժշկական մասնագիտությունների արտոնագրման բաժնի ավագ աշխատակից Ավիտալ Վիեներ-Աուրմանին, որոնք մասնավորապես անդրադարձել են «Հայբուսակ» համալսարանին:

Նախարարության հաղորդմամբ, նրանք տեղեկացրել են, որ «Հայբուսակն» ավարտած իսրայելցի ուսանողների ընդամենը 12 տոկոսն է կարողանում իրենց երկրում համապատասխան քննություն հանձնել եւ աշխատելու իրավունք ստանալ, իսկ այդ ցուցանիշն իրենց չի գոհացնում:

«Հայբուսակի» ռեկտորի խորհրդական Անահիտ Հարությունյանն armtimes.com-ին ասաց, որ Իսրայելի առողջապահության նախարարության ներկայացուցիչները երկու օր առաջ հյուրընկալվել են նաեւ իրենց մոտ, եւ նման խնդիր առաջ չի քաշվել:

«Մեզ մոտ այդպիսի կարծիք իրենք չեն հայտնել: Մեզ մոտ ասել են, որ մեր մասնագիտական կրթական ծրագրերը շատ լավն են: Մենք դեռ մայիսին էինք դրանք ուղարկել նախարարություն: Նայել էին, ասացին, որ հրաշալի ծրագրեր են՝ միջազգային ստանդարտներով կազմված»,- նշեց տիկին Հարությունյանը:

Նա նաեւ հավելեց, որ բուհը իսրայելցի ուսանողներ է ընդունել 2015 թվականից սկսած եւ այս ընթացքում ունեցել են մոտ 70 շրջանավարտ, որոնցից ոչ ոք դեռեւս որպես բժիշկ չի աշխատում, քանի որ սահմանված կարգով Իսրայելում քննություն դեռեւս չի հանձնել:

«Բոլոր 70 շրջանավարտները մոտ տասը օր առաջ Իսրայելում ստացել են թույլտվություն մասնագիտական քննություն հանձնելու համար: Դեռ ոչ մի հոգի չի հանձնել, որտեղի՞ց է այդ տվյալը, որ 12 տոկոսն է միայն հանձնում: Որտեղի՞ց է մարդկանց այդ քանակը, որ տոկոսի է վերածվել: Քննություն հանձնած եւ աշխատող շրջանավարտ դեռ չունենք: Չգիտեմ՝ սա ինչ թյուրիմացություն է, որովհետեւ ոչ մի տոկոսի մասին այսօր խոսել հնարավոր չէ»,- հայտարարեց ռեկտորի խորհրդականը:

«Մենք նամակ ենք ուղարկելու եւ կպահանջենք բացատրություն, որովհետեւ պաշտոնյա անձ լինել եւ գալ այստեղ տոկոսներ հայտարարել, նշանակում է ստվեր գցել մեր գործունեության վրա: Ես այդ ստվերի դեմ ոչինչ ասել չեմ կարող, եթե դա լինի փաստերի վրա հիմնված, բայց այստեղ փաստերը դեռ նոր պետք է սկսեն ի հայտ գալ, երբ այդ 70 հոգին կհանձնի քննություն, եւ պարզ կդառնան արդյունքները»,- հակաքայլերի մասին խոսեց «Հայբուսակի» ռեկտորի խորհրդականը:

Մեր զրույցի վերջում նա նաեւ ակնարկեց. «Ես այստեղ ուրիշ մոտիվներ եմ տեսնում, որոնց մասին դեռ չեմ բարձրաձայնի»:

Նշված բուհում այս պահին սովորում է իսրայելցի 106 ապագա բժիշկ:

Տպել
5101 դիտում

Համայնքային ծառայողներն այսուհետ հանդես կգան միասնական ձայնով. ընդունվեց հայտարարություն

Եթե ձեզ թվում է, որ պետք է մեքենա բերեք ու նվիրատվության անվան տակ ֆռցնեք ավտոները՝ չի լինելու. ՊԵԿ նախագահ

Նազարբաեւը ՀԱՊԿ գլխավոր քարտուղարի պաշտոնում աջակցում է Բելառուսի թեկնածուին

Հայաստանն անվտանգ է. ոստիկանությունը հակադարձում է ԱՄՆ-ի դեսպանատանը

Արցախի նախագահ Բակո Սահակյանը հանդիպել է ՀՀ վարչապետի պաշտոնակատար Նիկոլ Փաշինյանի հետ

Երեւանի ու Բաքվի միջեւ երկխոսություն կա, եւ այն վարվում է. ՌԴ ԱԳՆ

ՀՀ նախկին փոխվարչապետ Արմեն Գեւորգյանի խափանման միջոցի վերաբերյալ հարցի քննությունը վերսկսվեց

Զինկոմիսարիատների օպտիմալացման իմաստն ավելորդ աշխատատեղեր չպահելն է. Արծրուն Հովհաննիսյան

Քարոզչության ժամանակ հիմնականում շահարկվեց եկեղեցու, Արցախի եւ ԼԳԲՏ համայնքի թեմաները. փորձագետ

Լեհաստանից հետ կանչված ՀՀ դեսպանը 7 հողամաս, 2 բնակարան, 1 առանձնատուն ունի

Հնարավոր է. Արայիկ Հարությունյանն՝ ԱԺ-ում «Իմ քայլը» խմբակցությունը ղեկավարելու մասին

Արմեն Գեւորգյանը Ռոբերտ Քոչարյանի հետ շփում չի ունեցել. նա ցուցմունք է տվել. պաշտպան

Թեժ բանավեճ՝ կառավարությունում. Նիկոլ Փաշինյանը գործ չանողներին հատուկ զգուշացում տվեց

Կիմ Երիցյանը Կոմիտասի անվան պանթեոնում թաղված չէ, լրատվամիջոցները դեզինֆորմացիա են տարածել. պարզաբանում

Սպանություն՝ Գյումրիում. «Սասնա ծռերը» հորդորում են գործադրին վերանայել ՌԴ-ի ռազմական ներկայության պայմանները

Ոսկեպարում երեք ամսական երեխային մայրը կալիումի պերմանգանատ է տվել. փոքրիկը երեկ մահացել է

Հունվարին բացառվում է գազի սակագնի բարձրացում. նախարարի պաշտոնակատար

Ջավախքում գնացքի վագոններ են շուռ եկել. Վահագն Չախալյան (տեսանյութ)

Սերգեյ Լավրովը մեկնում է Բաքու

Մարտի 1-ի գործով քննչական խմբի նախկին ղեկավար Վահագն Հարությունյանին կալանավորելու դատարանի որոշումը վերացվել է