Էրդողանին խաբեցին Գյուլենը, Բարզանին, «Պուտինն էլ խաբեց» հայտարարությունը ճանապարհին է

Թուրքական «Sozcu» թերթում սյունակ վարող Զեյնեփ Գյուրջանլըն, հիշեցնելով հյուսիսային Իրաքում անցկացրած հանրաքվեից հետո Թուրքիայի նախագահ Ռեջեփ Թայիփ Էրդողանի՝ «Բարզանիի հարցում սխալվել ենք» արտահայտությունը, գրում է, որ շուտով եւս մեկ նմանատիպ հայտարարության ենք ականատես լինելու, գրում է ermenihaber.am-ը: 

««Պուտինն էլ խաբեց». հայտարարությունը ճանապարհին է» հոդվածում Գյուրջանլըն գրում է, թե մեծ է հավանականությունը, որ շուտով Էրդողանը վերոնշյալ հայտարարությունն անի Պուտինի վերաբերյալ, ում համարում է իր ընկերը:

Գյուրջանլընը, մասնավորապես, գրել է. «Հյուսիսային Իրաքում տեղի ունեցած անկախության հանրաքվեից հետո նախագահ Ռեջեփ Թայիփ Էրդողանի արած հայտարարությունը բոլորին հայտնի է՝ «Բարզանիի հարցում էլ ենք սխալվել»: Սակայն շատ մոտ է նաեւ նոր «սխալվեցինք/խաբվեցինք» հայտարարության ժամը:

Իսկ խաբող/դավաճանող նոր գործիչը այս անգամ մեծ հավանականությամբ կլինի Ռուսաստանի առաջնորդ Վլադիմիր Պուտինը, որին Էրդողանն իր ընկերն է համարում:

Այդ խաբվելու նախանշանները ի հայտ եկան Պուտինի՝ Թուրքիայի կատարած այցի ընթացքում նախագահների համատեղ ասուլիսի ժամանակ: Էրդողանն ասաց, որ Իրաքի եւ Սիրիայի տարածքային ամբողջականության վերաբերյալ լիարժեք համակարծիք են: Պուտինը ուղղակի անդրադարձ չարեց թեմային՝ հղում անելով այդ թեմայով ՌԴ արտգործնախարարության ավելի վաղ արած հայտարարությանը:

Ռուսաստանի ԱԳՆ-ի հայտարարության մեջ կա հետեւյալ նախադասությունը՝ «Ռուսաստանը հարգում է անկախություն ունենալու քրդերի ցանկությունը»: Ավելին՝ Պուտինի խոսնակ Դմիտրի Պեսկովը Էրդողանի հայտարարությունից հետո լրացուցիչ հայտարարարությամբ է հանդես եկել՝ ասելով հետեւյալը. «Պուտինի ու Էրդողանի միջեւ Իրաքի Քուրդիստանի տարածաշրջանային ղեկավարության անցկացրած անկախության հանրաքվեի վերաբերյալ լուրջ տարակարծություն չկա»:

Պեսկովը ուղղակիորեն ասել է, որ թեեւ ոչ մեծ, բայց քրդական հանրաքվեի հարցում նախագահների միջեւ, այնուամենայնիվ, կան հակասություններ:  

Լավ, իսկ Սիրիայի հարցը՞: Այն ժամանակ, երբ տեղի էր ունենում Էրդողանն-Պուտին հանդիպումը, մեկ հայտարարություն էլ Սիրիայի եկավ: Ասադի ռեժիմի առանցքային գործիչներից մեկը՝ արտգործնախարար Վելիդ Մուալլիմը հայտարարեց, որ պատրաստ են քրդերի ինքնավարության վերաբերյալ բանակցություններ սկսել: Ռուսաստանի շնորհիվ ոտքի վրա մնացած Ասադի ռեժիմը «ԻՊ»-ին (Իսլամական պետություն ահաբեկչական կազմակերպություն) հաղթելուց անմիջապես հետո հայտարարում է, որ կարող է բանակցություններ սկսել Սիրիայի  քրդական PYD/YPG-ի հետ (Ժողովրդավարական միություն կուսակցություն), որին Անկարան ամեն առիթով ահաբեկչական կազմակերպություն է անվանում: Էրդողանի՝ անձամբ Պուտինին ուղղված բողոքներից հետո Մոսկվայում շարունակում է բաց մնալ PYD-ի գրասենյակը:

Փաստորեն Սիրիայի հարցում նույնպես հնարավոր չէ խոսել Անկարայի եւ Մոսկվայի լիակատար համաձայնության մասին: Վերը թվարկածները իրար գումարելուց հետո պետք է սպասել մի նոր հայտարարության:

«Սխալվել եմ» կամ «խաբվեցինք» բովանդակությամբ հայտարարությունը կարծես արդեն ճանապարհին է…

Տպել
1309 դիտում

110 մլրդ դրամ. 2019 թ.-ի պետական բյուջեն ներկայացվել է Արցախի խորհրդարանին

Օսիպյանի ներկայացրած նախագիծը Փաշինյանին հայտնի անեկտոդ հիշեցրեց

Մոտ 460 մլն դրամ կտրամադրվի աղետի գոտու 44 բնակելի տան շինարարությունն ավարտելու համար

«Այո»-ն պոլիտեխնիկում. ձայնս գաղտնի թող մնա

Գործ. որդեգրել է շահադիտական նպատակով

Փակուղիներ. գժի կանխավարկա՞ծ, թե՞ անորակ փաստաթուղթ

Նախկին նախարարը 102 հազար դոլար եւ 45 հազար ֆունտ ստերլինգ ունի

Արամ MP3-ը միայն ձմռան վերջին կհասցնի նոր տեսահոլովակ ներկայացնել

Հանգիստ չեմ լինի մինչեւ ժապավենը չկտրենք. Մնջախաղի թատրոնին Մակունցը նոր տարածք է խոստացել

«Դուռ-լուսամուտ կփակենք, որ կռիսները եկեղեցի չմտնին». խնդիրներ Կումայրի պատմական միջուկում

Փաշինյանը Սեւանի հետ կապված Ավինյանին հատուկ հանձնարարական տվեց

Սպիտակում գողացված մոտ կես տոննա քաշ ունեցող բրոնզե արձանը գտնվել է

Վրաստանի նախագահն ափսոսում է, որ կառավարությունը չի ստեղծել Անվտանգության խորհրդին փոխարինող կառույց

Նույնիսկ նրանք, որ քննադատում են կառավարությանը, ՀՀԿ-ին չեն ընտրելու․ որ ուժերը կանցնեն խորհրդարան. քաղաքագետ

Գերմանիան Հայաստանին 13 միլիարդ դրամի դրամաշնորհ կտա. քննարկում կառավարությունում

Ինտերպոլն ունի նոր նախագահ, իսկ Կրեմլը մտահոգված է ընտրության մթնոլորտով

«Արարենք միասին». այսօր մեկնարկում է Համահայկական հիմնադրամի 21-րդ հեռուստամարաթոնը

Ազգային ժողովն ընդունեց 2019-ի պետբյուջեի նախագիծը

Հայաստանի առեւտրային քաղաքականությունը վերաքննվում է ԱՀԿ-ում

Ժիրայր Սեֆիլյանը կոչ է արել սփյուռքահայերին ընտրությունների օրերին լինել ՀՀ-ում եւ աջակցել իրենց