Վնասված խնձորը 28 դրամով են մթերում. կարկուտը մինչեւ 70 տոկոս վնասել է հասցրել

Սեպտեմբերի 24-ին Կոտայքի մարզում տեղացած առատ կարկուտի հետեւանքով կարկտահարված բերքատու այգիների վնասը չափվում է: Գյուղատնտեսության նախարարությունը դեռ չի ստացել վնասի չափը հաշվարկող հանձնաժողովի տվյալները: Կոտայքի մարզպետարանից մեզ չհաջողվեց ստանալ այդ տվյալները, չնայած նրան, որ կարկուտից հետո արդեն անցել է մոտ երկու շաբաթ ժամանակ:

Կոտայքի մարզի Արագյուղ համայնքի ղեկավարից փորձեցինք պարզել, թե որքան վաս է կրել իր ղեկավարած համայնքը: Համայնքապետ Արայիկ Իսպիրյանն ասաց, որ վնասված բերքը կազմում է ամբողջ բերքի գրեթե 50-60 տոկոսը: Այս գյուղում կա մոտ 100 հեկտար խնձորի այգի: Հարցին՝ վնասված բերքը մթերո՞ւմ են, Արայիկ Իսպիրյանը պատասխանեց. «Պայմանավորվել ենք, որ Առինջում 30 դրամով ընդունեն, դեռ չենք հավաքել եղած միրգը, իսկ Պռոշյանի գործարանը 28 դրամով է ասել, որ կմթերեն»: Համայնքապետի խոսքով՝ մթերողների հետ պայմանավորվածություն է ձեռք բերվել Կոտայքի մարզպետարանի միջոցով: Համայնքի ղեկավարը կարծում է, որ եթե նույնիսկ նշված գներով մթերեն վնասված խնձորը, դժվար թե այս տարվա ծախսերը կոմպենսացնեն: Հարցին՝ քննարկվե՞լ է գյուղացիներին հողի հարկը զիջելու հարցը, որպես աջակցություն, նա պատասխանեց. «Դե գրել ենք, ուղարկել ենք մարզպետարան: Հիմա ինչքանով պետությունը կօգնի, չգիտեմ»:

Նույն մարզի Արզական գյուղի ղեկավար Նորիկ Մովսիսյանն էլ ասաց, որ իրենց համայնքում վնասի չափը հաշվարկվել է անհատապես, թե որ այգին ինչ չափով է վնասվել: «Մոտավորապես՝ մի 10 միլիոն դրամի չափ է վնասը: Մեզ մոտ խնձորի բերքն է: Մարդիկ վերամշակողներին ոչ ապրանքային գնով, վնասված խնձորի գնով հանձնում են»,- ասաց Նորիկ Մովսիսյանը՝ նշելով, որ ծառի վրայի ամբողջ բերքը վնասվել է: «Դրա վնասները հետո է երեւում, մրգի ապրանքային տեսքը լրիվ ընկել է, մոտավորապես իրական արժեքի 70 տոկոսը կորցրած է: Շուկայի բան չի»,- ասաց համայնքի ղեկավարը՝ նշելով, որ ինքն էլ է լսել, որ Պռոշյանի եւ Առինջի գործարանները պատրաստակամ են եղել մթերել վնասված բերքը:

«Պետք է համապատասխան ակտերը կառավարություն ներկայացվի, ըստ դրա կկողմնորոշվեն եւ կասեն: Ես կարծում եմ՝ որոշակի բան կլինի, հողի հարկ կամ ջրի: Եթե չլինի էլ, ինձնից կախված չի, սպասում ենք համապատասխան վերաբերմունքի»,- ասաց համայնքի ղեկավարը՝ խոսելով հնարավոր փոխհատուցման մասին: Արզական համայնքում խնձորի այգիները շատ չեն՝ մոտ 15 հեկտար, սակայն կան նաեւ նորատունկ այգիներ, որոնք դեռ բերք չեն տալիս:

Կոտայքի մարզի Նոր Գեղի համայնքում չնայած նրան, որ բերքատու այգիներին կարկուտը վնաս չէր հասցրել, սակայն վնասվել էին գյուղի Բանավան թաղամասի տնամերձ հողակտորների մշակաբույսերը: Համայնքի ղեկավար Ֆրոնտիկ Թեւոսյանը մեր զրույցում ասաց, որ վնասն իրենց համայնքում մոտ 10 միլիոն դրամի չափով է, որի մասին տեղեկացրել են մարզպետարանին: Այս համայնքի գյուղացիների շրջանում էլ խոսակցություն է տարածվել, թե իբր, եթե վնասը 80-ից 100 տոկոսի չափ չեղավ պետությունից որեւէ փոխհատուցում չեն ստանալու: Համայնքի ղեկավարը չգիտի, թե գյուղացիներին ով է նման բան ասել:

Տպել
9054 դիտում

Աուտիզմով հիվանդ տղայի որոնումներն այսօր վերսկսել են Այնթափում, ավարտել անարդյունք

Եթե Արթուր Վանեցյանը առաջադրվի, ես չեմ առաջադրվի. ըստ Tert.am-ի ասել է Ռուբեն Հայրապետյանը

Նախագահ Արմեն Սարգսյանն ու մի խումբ երեխաներ նախագահականի մոտ ուսումնասիրել են աստղերը

Վրաստան գնալիս մեքենայի սեփականատիրոջ լիազորագրի պահանջը ժամանակավոր հետաձգվում է

Երեք գյուղերը սպասարկող տրանսպորտը չի աշխատում, բայց կաշխատի. պարզաբանում է փոխնախարարը

Բողոքների տեղատարափից հետո «Օդից փող» հաղորդաշարն այլեւս եթերում չի լինի

73-ամյա միայնակ թոշակառուի դեմ հայցը 6 տարի է՝ լուծում չի ստանում. բաց նամակ վարչապետին

Վարչապետի աշխատակազմի գործերի կառավարիչը պաշտոնից ազատման դիմում է գրել

Բազմաթիվ կոնֆլիկտներից հետո, վերջապես տեղի ունեցավ Արամ Մանուկյանի արձանի բացումը

Պաշտպանության բանակում որևէ արտառոց պատահար տեղի չի ունեցել, Ադրբեջանը ստում է. ՊԲ

ԶԼՄ ներկայացուցիչները մտահոգված են՝ կա այլակարծության նկատմամբ անհանդուրժողականություն

Փախստական, քաղաքացիություն չունեցող անձանց պաշտպանության հարցերը՝ ՀՀ դատախազությունում

Ոստիկանության պետը ծաղիկներ խոնարհեց զոհված ոստիկանների հիշատակը հավերժացնող հուշարձանին

Արամ Մանուկյանը գտավ հաղթանակ՝ պարտությունների տեղատարափի ներքո. վարչապետ (լուսանկարներ)

Մարտի 1-ի գործով հարցաքննության կանչված Յուրի Խաչատուրովը տեղափոխվել է շքեղ առանձնատուն

Վարչապետի այսօրվա երեւանյան զբոսանքը. զվարճալի միջադեպեր

Հայաստանի ու Վրաստանի օմբուդսմանները կխորացնեն համագործակցությունը

Քաղաքացին հայտնել է Գագիկ Խաչատրյանի կողմից իրականացված հետապնդումների մասին. ՊԵԿ

Վարչապետը հանձնարարել է պատշաճ վիճակի բերել Սևանա լճի շրջակայքի օբյեկտների պայմանագրերը

ՌԴ 102-րդ ռազմաբազայի զինվորականները տանկերով մտել են Փանիկ եւ խուճապի մատնել մարդկանց