Մեկը պճեղի մենինգիտ ունի, մեկն ականջի խրոնիկ մեծացում․ Նիկոլ Փաշինյան

Հայաստանում զինված ուժերի հետ հարաբերություններում կան երեք խումբ մարդիկ․ առաջին խումբը նրանք ենք, որոնք զինված ուժերի հետ ունեն օրինական հարաբերություններ՝ ե՛ւ դե ֆակտո ե՛ւ դե յուրե, երկրորդ խումբ մարդիկ արտոնյալներն են, ովքեր դե յուրե օրինական հարաբերությունների մեջ են, բայց դե ֆակտո կարողանում են իրենց երեխաներին բանակ չուղարկել․ հոկտեմբերի 25-ին այս մասին ԱԺ ամբիոնից հայտարարեց ԱԺ «Ելք» խմբակցության ղեկավար Նիկոլ Փաշինյանը։

Պատգամավորն իր միտքը շարունակեց ու ասաց, թե պետք է խոստովանել, որ այս երկրորդ խումբ մարդկանց կարեւոր գործինքերից մեկը բուհական համակարգն է իր կոռուպցիոն համակարգով, ու կարող է թվալ, թե այս հարցում ներկայացված «Զինծառայության եւ զինծառայողների կարգավիճակի մասին» օրենքի նախագծով խնդրի կոնցեպտը գտնված է, բայց այդպես չէ։

«Հայաստանում ահավոր մեծ թվով մարդիկ ամեն տարի, ամեն զորահավաքի ազատվում են բանակից, եւ 100 ազատվողներից 90-ն ազատվում են առողջական խնդիրների պատճառով, իսկ 10-ը՝ կրթության համար տարկետում ստացողներն են»,- գաղտնի գրիֆով նախարարից ստացած վիճակագրական տվյալներից իր ստացած պատկերացումները ներկայացրեց Նիկոլ Փաշինյանը՝ հավելելով, թե Հայաստանում ուր գնում ես մարդիկ համատարած ազատված են բանակից․

«Մեկը պճեղի մենինգիտ ունի, մյուսը ականջի խրոնիկ մեծացում ունի, ու այսպես շարունակ։ Այսինքն՝ մեր 100 տոկոսանոց պրոբլեմի 90 տոկոսը կապված է առողջապահության ոլորտի հետ, այլ ոչ կրթության։ Հիմա այս նախագծով մենք այս խնդիրը լուծո՞ւմ ենք, ո՛չ, չենք լուծում։ 90 տոկոսը թողնում ենք անձեռնմխելի, շատ-շատ վաղը մի քիչ սեղմենք մինչեւ 88 տոկոսի, էն 5-ը որ ակադեմիական կեղծ ուսանողներ են, կգտնեն իրենց պապաների շնորհիվ, որոնց մի մասն այս դահլիճում է, պճեղի մենինգիտի տակ կընկնեն ու կստացվի, որ այս օրենքն այն մարդկանց դեմ է, ովքեր իսկապես ազնիվ արդար ձեւով ուսանում են։ Ի դեպ՝ այդ 5-ից նրանք, ովքեր սոցիալական ապահովություն չեն ունենա, կհամալրեն ուրիշ բանակ։ Հայաստանում 2017 թվականի հունվարի մեկի դրությամբ կա 12 հազարից ավելի հետախուզվող, որոնցից 11286-ը հետախուզվում են բանակից խուսափելու համար, 80 տոկոսը, եւ 2014 թվականից մինչ օրս այս մարդկանց թիվը 1100-ով աճել է։ Ինչի՞ց են փախնում այս մարդիկ, փախենում են նրանից, որ ամեն տարի ասում են արդարություն ենք հաստատում, բայց նա աջ է նայում՝ չծառայածներն են, ձախ է նայում, չծառայածներ են ու ասում է, բա լավ ես ինչի՞ պիտի ծառայեմ, ու դա արդեն դառնում է արժանապատվության հարց։ Եվ մենք այս օրենքով չենք լուծում այս խնդիրը»,- հայտարարեց Նիկոլ Փաշինյանը։

Ուշագրավ մի համեմատություն էլ արեց Նիկոլ Փաշինյանը՝ շեշտելով, որ պետությունը ռադիոֆիզիկայի ֆակուլտետից 1-2 հոգու է տալիս զինծառայությունից տարկետում, բայց Գեւորգյան հոգեւոր ճեմարանում բոլորին է տալիս տարկետում, հետո էլ ասում ենք, թե ռազմաարդյունաբերությունն ինչու չի զարգանում։

«Ժամանակին գյուղնախարարն էր դաշտերը օրհնում, հիմա էլ մենք մեր հիմնական անվտանգության կոմպոնենտ է դառնում մեր առաջնագիծը օրհնելը»,- նշեց Փաշինյանը։

Տպել
2524 դիտում

Ռուսական կողմում կուտակված 279 բեռնատարներ դեռ սպասում են Լարսի ճանապարհի բացմանը

Սահմանամերձ Ջիլիզայի դպրոցում ընդամենը 12 աշակերտ է սովորում

Երազանք էր, որն իրականացավ. Մխիթարյանի 1-ին հարցազրույցը որպես «Արսենալի» խաղացող

Թուրքիայի պատերազմական գործողությունները չեն սահմանափակվելու միայն սիրիական Աֆրինով

Լեւոն Արոնյանը Հայաստանը կներկայացնի Ջիբրալթարի շախմատային փառատոնում

Հայաստանը 3 օլիմպիական ուղեգիր ունի դահուկասպորտից. ֆեդերացիայում կորոշեն՝ ում ուղարկել

Մխիթարյանը պաշտոնապես «Արսենալի» խաղացող է. (լուսանկարներ)

Բաթումիում տեղի է ունեցել Բաքվի ջարդերի 28-րդ տարելիցին նվիրված միջոցառում

Թեհրանի հարաբերությունները Եվրոպայի հետ զարգանում են՝ անկախ ԱՄՆ-ի դիրքորոշումից. Քասեմի

Թումանյանում ակտիվացել է սողանքը. ԱԻ նախարարությունում առաջարկում են բնակիչներին տարհանել

Խոսում ենք Ս. Սարգսյանի և նրա թիմի կողմից կազմակերպված հանցավոր խմբավորման մասին.Փաշինյան

Հարկադիր ծառայությունում ոմանց պարգեւատրել են, ոմանց՝ խրախուսել ու ամփոփել անցած տարին

Կիեւում հայկական Եկեղեցու ներկայացուցիչները մասնակցել են քրիստոնյաների միասնության աղոթքին

Շուկայում հայտնաբերվել է սուրճ առանց պիտանելիության ժամկետի

«ՄՏՍ Հայաստան» ընկերության 100 տոկոս բաժնետոմսերը կվաճառվեն

«Ուժերի զարթոնք». «ՀԺ»-ն կտպագրի հատվածներ Միխեիլ Սահակաշվիլու ինքնակենսագրականից

Եկեք բիզնեսով զբաղվեք Հայաստանում. վարչապետը՝ շվեյցարացի գործարարներին (լուսանկարներ)

Իտալիայի երիտասարդական հավաքականի մասնագետն աշխատել է «Փյունիկի» հետ

Սերժ Սարգսյանը հանդիպել է Փարիզի քաղաքապետ Անն Իդալգոյի հետ (լուսանկարներ)

Հունվարի 23-ից փետրվարի 4-ը Երևանի կենդանաբանական այգին փակ կլինի այցելուների համար