Ծառայությունից տարկետումը հանում է մի իշխանություն, որը խրախուսել է բանակում չծառայելը

««Զինծառայության եւ զինծառայողների կարգավիճակի մասին» ՀՀ օրենքի նախագծով, որով մենք ընդհանրապես ասում ենք, որ այլեւս չի լինելու տարկետում անընդհատ կրթությունը ստանալու համար, դա ինձ հավատ չի ներշնչում, որովհետեւ սա ներկայացվել է մի իշխանության կողմից, որը երկար տարիներ խրախուսել է բանակում չծառայելը»,- հոկտեմբերի 25-ին ԱԺ ամբիոնից հայտարարեց «Ելք» խմբակցության պատգամավոր Էդմոն Մարուքյանը։

Իր ասածը Մարուքյանը հիմնավորեց այն մեդալներով ու շքանշաններով, որոնցով տարիներ շարունակ ՊՆ-ն պարգեւատրել է բանակում չծառայած բարձրաստիճան պաշտոնյաներին։ Մարուքյանը նշեց, որ եթե կրթության նպատակով տարկետում ստանալու ճանապարհը փակում են, այդ մարդկանց ուղղորդելու են այլ ճանապարհներով գնալ, որոնցով մինչ օրս ազատվում են բանակից այլոք, եւ ոչ թե նրանք, ովքեր փորձում են ինչ-որ բան սովորել, գիտությունուվ ինչ-որ կերպ զբաղվել։

«Եվ մենք գիտությունն էլ չենք զարգացնում, պետությունը տարեկան պատվեր է տվել, ասել է՝ այսքան մարդ ինձ պետք է, որ գնա այս-այս մասնագիտությունների գծով սովորի, ու պետք է այդ մարդիկ տարկետում ստանան։ Հիմա ոչ մեկը չի հարցնում, ի՞նչ է եղել, որ պետությունը էլ չի ուզում, որ այս մարդիկ գիտությամբ զբաղվեն։ Ախր իշխանության վիճակն այս առումով շատ վատ է․ եթե գա ու ասի, որ այս մարդիկ գիտությամբ չեն զբաղվել, դրա համար ենք պատվերը հանում, բա 2000 թվից դուք եք իշխանության, հիմա 2017 թիվն է, այնպես անեիք, որ զբաղվեին։ Եթե ասեք, որ կան կոռուպցիոն ռիսկեր, էլի դուք եք իշխանությունը, կոռուպցիայի դեմ պայքարեիք։ Եթե ասի, որ պայմաններ չկան, որ այս մարդիկ գիտությամբ զբաղվեն, այս իշխանությունն ամեն տարի գիտությանը տրվող ֆինասավորումը կրճատել է։ Այիսնքն՝ ոչ մի կոնտեքստում դուք կոմֆորտ չունեք նման նախաձեռնությամբ հանդես գալու։ Ուրիշ կառավարություն գար, ուրիշ»,- հայտարարեց Էդմոն Մարուքյանը։

Այնուհետեւ Մարուքյանը հիշեցրեց, որ Հայաստանը միլիտարիզացիայի գլոբալ ինդեքսի համաձայն, այս պահին աշխարհում 4-րդ տեղում է, եղել է նաեւ երրորդ տեղում, 2013 թվականին, որ մեր երկրից այս ցուցանիշով առաջ են միայն Իսրայելը, Սինգապուրն ու ՌԴ-ն, ու այս առումով ասաց, որ Հայաստանը շատ փխրուն ձեւավորված ինստիտուտներ ունի, որը հետընթացի մեջ է, եւ միլիտարիզացիայի մի նոր ալիքը մեզ ետ կշպրտի, անպատկերացնելի հետ։

«Ըստ էության, մենք ինքներս մեզ չենք կարողանում համոզել, որ սա հավասարության մոտեցում է, որ սա աղքատների հավասարության մոտեցում է, առանց այդ էլ մենք հավասար ենք, այնքան ենք հավասար, որ մենք նաեւ իրենց ասում ենք՝ դուք գիտությամբ էլ մի զբաղվեք, որովհետեւ զբաղվողներն արդեն զբաղվելիս կլինեն, կամ էլ կգնան ու կզբաղվեն»,- հայտարարեց Մարությանը։

Մինչ այդ, հարց ուղղելով ԱԺ պաշտպանության եւ անվտանգության հարցերի մշտական հանձնաժողովի նախագահ Կորյուն Նահապետյանին, ով նույնպես չի ծառայել բանակում, բայց ունի պահեստազորի լեյտենանտի կոչում, Մարուքյանն ասաց, որ ինքը ծառայել է բանակում, բայց ունի պահեստազորի շարքայինի աստիճան, Նահապետյանը՝  լեյտենանտի. « Ու եթե պատերազմ լինի, միգուցե ես լինեմ ձեր հրամանատարությամբ գործող դասակում։ Սա անարդար չի»,- ասաց Մարուքյանը: Սրան Կորյուն Նահապետյանը պատասխանեց, թե ինքն ինչքան լավ ու ակտիվ պատգամավոր է, ու տեղեկացրեց, որ ինքը «զինվորական ամբիոն» է անցել, որի շրջանակներում էլ ստացել է իր զինվորական կոչումը։

 

Տպել
2666 դիտում

Մեղրի-Ագարակ ավտոճանապարհին բեռնատար ավտոմեքենայում հրդեհ է բռնկվել

Արձանագրվել է ենթադրյալ ընտրական հանցագործության 252 դեպք. 108-ով նախապատրաստվում են նյութեր.

Ընտրություններին ՔԿՀ-ներում մասնակցել է 56 կալանավորված անձ և դատապարտյալ

Վարդենյաց լեռնանցքը փակ է բեռնատարների, դժվարանցանելի՝ թեթև մարդատարների համար

Ինչպես էին Աննա Հակոբյանն ու Նիկոլ Փաշինյանը հետեւում ընտրությունների արդյունքներին

Հզո՛ր, հզո՛ր, հզո՛ր ժողովուրդ. Նիկոլ Փաշինյանը՝ ԱԺ ընտրությունների քվեարկությանն ի պատասխան

Առերևույթ ընտրախախտումների վերաբերյալ ՀՀ քննչական կոմիտեն ստացել է 51 հաղորդում

«Իմ քայլ»-ը ստացել է 70.43 %, ՀՀԿ-ն չի անցել շեմը. ԿԸՀ-ն հաշվել է 2010 տեղամասերի տվյալները

10/50 ընտրատեղամասի թեկնածուների առաջատար եռյակն «Իմ քայլը» դաշինքից է, Ա. Սիմոնյանը՝ 1-ին տեղում

Այդ թիվը բացակա ընտրողներն են, մահացած ընտրողներն են, գրանցված լինելն ու ապրելը տարբեր են. Ն. Փաշինյան

Առափիում հաղթել է «Իմ քայլը» դաշինքը, ՀՀԿ-ն չորրորդ տեղում է

33/15. Արեւշատում նախնական տվյալներով առաջին տեղում է Սոֆիա Հովսեփյանը

10/49 ընտրատեղամասում դարձյալ հաղթեց «Իմ քայլը» դաշինքը

էրեբունու 10/50 ընտրատեղամասում «Օրինաց երկիր» կուսակցությունը 0 ձայն է ստացել

«Իմ քայլը» դաշինքը Գյումրիում չի զիջում առաջատարի դիրքը, 2-րդ տեղում ԲՀԿ-ն է, 3-րդում՝ Լուսավոր Հայաստանը

Լոռու 25 ընտրատեղամասերի արդյունքներով «Իմ Քայլը» առաջատար է՝ 67,17 տոկոսով, ՀՀԿ-ն չորրորդն է

6/05 ընտրատեղամասում «Իմ քայլը» կուսակցությունների դաշինքը հաղթում է՝ 517 ձայնով

Մահացել է Մաքսիմ Հակոբյանը

7/34 ընտրատեղամասում «Ազգային առաջընթաց» կուսակցությունը 0 ձայն է ստացել

Բաղրամյան գյուղում ռեյտինգայիններից հաղթել է «Իմ քայլը» դաշինքի թեկնածու Արուսյակ Մանավազյանը