Իրավապահ համակարգում վիրուս է. ՀՀԿ-ականներին վարակելու վտանգ կա

Այսօր Հայաստանի Ազգային ժողովում պետական-իրավական եւ մարդու իրավունքների պաշտպանության հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում շարունակվեց «Հայաստանի Հանրապետության 2018թ. պետական բյուջեի մասին» ՀՀ օրենքի նախագծի նախնական քննարկումները:

Այսօր օրակարգում էր օրենքի նախագծում նախատեսված եկամուտների հատկացումները իշխանության պետական եւ դատական մարմիններին, մարդու իրավունքների պաշտպանի աշխատակազմին:

Նախագահականից, կառավարությունից եւ ԱԺ-ից ներկա էին գերատեսչությունների ղեկավարները, ինչպես նախապես հայտարարվել էր: Հետաքրքիր է, որ պետական կառույցների ներկայացուցիչների չափ պարտաճանաչ կերպով Կարեն Կարապետյանի կառավարության ներկայացրած բյուջեի քննարկմանը չէին ներկայացել իրավապահ համակարգի պաշտոնյաները: Մասնավորապես, գլխավոր դատախազ Արթուր Դավթյանի, քննչական կոմիտեի նախագահ Աղվան Հովսեփյանի եւ հատուկ քննչական ծառայության պետ Վահրամ Շահինյանի փոխարեն Ազգային ժողով էին եկել նրանց տեղակալները:

Սակայն ԱԺ պաշտոնական կայքում որպես զեկուցող նշված էին հենց գերատեսչության ղեկավարների անունները: Հարց է առաջանում՝ դատախազը, քննչական կոմիտեի նախագահը եւ ՀՔԾ-ի պետը դիտավորյա՞լ չէին եկել, թե ավելի կարեւոր գործեր ունեին, քան նրանց կառույցների 2018 թվականի բյուջեն էր:

Նշենք, որ արդարադատության նախարարի, ԿՀԸ նախագահի տեղակալների փոխարեն քննարկմանն անձամբ եկել էին Դավիթ Հարությունյանն ու Տիգրան Մուկուչյանը:

Երբ հատուկ քննչական ծառայության պետի տեղակալ Վլադիմիր Հովհաննիսյանից լրագրողներից մեկը հետաքրքրվեց, թե ինչու՞ վերադասը չի ներկայացել, Հովհաննիսյանը պատասխանեց, որ պետը վատառողջ է, վիրուսներ են: 

Նախօրեին լրատվամիջոցներից մեկում եղավ հրապարակում այն մասին, որ Կարեն Կարապետյանի կառավարության ներկայացրած բյուջեի քննարկումներին ներկա չեն եղել նաեւ որոշ ՀՀԿ-ականներ: Մնում է հուսալ, որ իրավապահ համակարգի վիրուսը չի տարածվել ու վարակել նաեւ նրանց: 

Տպել
4477 դիտում

Արմեն Գրիգորյանը պարզաբանում է ներկայացրել «Կոմերսանտ»-ում իր հարցազրույցի վերաբերյալ

Նարեկ Ղահրամանյանը նշանակվել է Կապանի համայնքի ղեկավարի պաշտոնակատար

Պետք է գիտությունը վերադարձնենք բուհեր. ԿԳ նախարարը բժշկական համալսարանում է

Այսօր ու վաղը կեսօրից հետո, գիշերը ՀՀ որոշ շրջաններում անձրեւ ու ամպրոպ է սպասվում

Հայաստան-ԵՄ, կրթական համագործակցության նոր հեռանկարներ. Սվիտալսկին ԿԳ նախարարությունում էր

Հայ դատի հանձնախումբը կոչ է արել ուսումնասիրել ԱՄՆ-ում և ՀՀ-ում եկամտահարկի համաձայնագիրը

Գեղարքունիքում մեքենան բախվել է ծառին. կա 1 զոհ, 18, 19, 20-ամյա տղաները հիվանդանոցում են

Թուրքիան և ԱՄՆ-ը բանակցում են «Pariot» ՀՕՊ զենիթահրթիռային համակարգերի շուրջ

Գորիս քաղաքում ամբողջությամբ այրվել, մոխրացել է բնակելի տուն

Աուտիզմով հիվանդ տղայի որոնումներն այսօր վերսկսել են Այնթափում, ավարտել անարդյունք

Եթե Արթուր Վանեցյանը առաջադրվի, ես չեմ առաջադրվի. ըստ Tert.am-ի ասել է Ռուբեն Հայրապետյանը

Նախագահ Արմեն Սարգսյանն ու մի խումբ երեխաներ նախագահականի մոտ ուսումնասիրել են աստղերը

Վրաստան գնալիս մեքենայի սեփականատիրոջ լիազորագրի պահանջը ժամանակավոր հետաձգվում է

Երեք գյուղերը սպասարկող տրանսպորտը չի աշխատում, բայց կաշխատի. պարզաբանում է փոխնախարարը

Բողոքների տեղատարափից հետո «Օդից փող» հաղորդաշարն այլեւս եթերում չի լինի

73-ամյա միայնակ թոշակառուի դեմ հայցը 6 տարի է՝ լուծում չի ստանում. բաց նամակ վարչապետին

Վարչապետի աշխատակազմի գործերի կառավարիչը պաշտոնից ազատման դիմում է գրել

Բազմաթիվ կոնֆլիկտներից հետո, վերջապես տեղի ունեցավ Արամ Մանուկյանի արձանի բացումը

Պաշտպանության բանակում որևէ արտառոց պատահար տեղի չի ունեցել, Ադրբեջանը ստում է. ՊԲ

ԶԼՄ ներկայացուցիչները մտահոգված են՝ կա այլակարծության նկատմամբ անհանդուրժողականություն