Գոտեպնդիչ, բայց անիրական պատկեր. որտեղի՞ց Սերժ Սարգսյանին այսպիսի տվյալներ

					
					Հայկ Գեւորգյան
				
					02/11/2017
					schedule16:36
				
																	#Սերժ Սարգսյան
																							#Ռուսաստանի Դաշնություն

							
Մոսկվա կատարելիք այցից առաջ Սերժ Սարգսյանը հարցազրույց է տվել ռուսական ԶԼՄ-ներին եւ բնականաբար խոսել է հայ-ռուսական հարաբերությունների աննկարագրելի զարգացման ու նաեւ այդ հարաբերությունները էլ ավելի զարգացնելու մտադրությունների մասին:
Հուսադրող պատկեր է նկարագրել Սերժ Սարգսյանը հատկապես տնտեսական հարաբերությունների ներկայի եւ ապագայի վերաբերյալ: Կարելի է ասել՝ գոտեպնդիչ: Մի քիչ էլ սպասենք ու վերջ՝ ռուսական շուկան ողողվելու է հայկական արտադրանքով: Ոնց ենք այդքանը արտադրելու՝ դժվար է ասել: 
«Եվրասիական տնտեսական միության անդամ երկրի կարգավիճակում մենք առաջին հերթին հետապնդում ենք այս նպատակները, այսինքն` ԵԱՏՄ անդամ երկրների հետ առեւտրաշրջանառության ծավալների ավելացումը: Անցյալ տարի գյուղատնտեսական արտադրանքի արտահանման ծավալները դեպի Ռուսաստան աճել են 40 տոկոսով: Այս տարի ցուցանիշները փոքր-ինչ նվազել են, սակայն կազմում են ավելի քան 35 տոկոս: Հայաստանում լավ տեմպերով զարգացնում ենք նաեւ ջերմոցային տնտեսությունները»,- ասել է Սերժ Սարգսյանը «ՌԻԱ նովոստի» պարբերականին:
Որտեղի՞ց են այդ ցուցանիշները հայտնվում Սերժ Սարգսյանի մոտ՝ մնում է անհայտ: Այդ ի՞նչ 35 տոկոս արտահանման աճի մասին է խոսքը: Փորձենք պարզել: Ռուսական ԶԼՄ-ի հետ զրույցում Սերժ Սարգսյանը չի նշել, թե կոնկրետ ինչ նկատի ունի՝ ասելով «գյուղատնտեսական արտադրանք»: Կարող է լինել երկու տարբերակ: Կամ խոսքը զուտ գյուղմթերքի մասին է, կամ էլ գյուղմթերքը եւ դրա վերամշակված արգասիքները՝ միասին: Այսինքն, օրինակ՝ սմբուկ եւ սմբուկի խավիար:
ՀՀ մաքսային ծառայության շտեմարաններում այս տարվա առաջին կիսամյակի արտահանումներին վերաբերող վիճակագրությունից պարզ երեւում է որ նշված ժամանակահատվածում ՀՀ-ից ՌԴ արտահանվել է 30 մլն դոլարի գյուղմթերք: Խոսքը մսի, կաթնամթերքի, բանջարեղենի, մրգերի, ծաղիկների եւ այլնի մասին է: Անցած տարվա նույն ժամանակահատվածում նույն այդ ապրանքատեսակների արտահանումը դեպի ՌԴ կազմել էր 43.5 միլիոն դոլար: Փաստորեն զուտ գյուղմթերքի արտահանման առումով ունենք ոչ թե 35 տոկոս աճ, այլ ավելի քան 27 տոկոս անկում: Սա՝ մեղմ ասած: Իրականում 27 տոկոսը անկում չէ, այլ գահավիժում:
Իսկ եթե Սերժ Սարգսյանը նկատի ունի գյուղմթերքը եւ դրա վերամշակումից ստացվող արտադրանքը, ապա վիճակագրությունը հետեւյալն է: Այս տարվա առաջին կիսամյակում արտահանվել է 138.5 միլիոն դոլարի ապրանք, անցած տարի՝ 117 միլիոն դոլարի: Այստեղ աճ ունենք իհարկե՝ մոտ 21 միլիոն դոլարի կամ 18 տոկոսի: Էլի վատ չի: 18 տոկոս աճը ուրախանալու հիմքեր տալիս է, բայց ախր որտեղից այդ 35 տոկոս աճը: Ընդ որում, այդ 18 տոկոս աճը ստացվել է միայն ու բացառապես կոնյակի արտահանման աճի շնորհիվ: Եթե այս հաշվարկից հանենք կոնյակը, ապա մյուս բոլոր ապրանքների մասով միասին վերցրած կրկին ունենք անկում: Այս տարի առանց կոնյակի դեպի ՌԴ գյուղատնտեսական արտադրանքի արտահանման ծավալը կազմել է 53 միլիոն, այն դեպքում, երբ անցած տարի այդ ցուցանիշը 56.5 միլիոն դոլար էր: Այսինքն, ունենք 3.5 միլիոն դոլարի կամ 6.6 տոկոսի նվազում:
 Սարգսյանը ռուսական ԶԼՄ-ների հետ զրույցում ասել է, թե Հայաստանը ՌԴ կարող է արտահանել բանջարեղեն, մրգեր, դրանցից պատրաստված պահածոներ ու պանիր: Նա նշել է նաեւ, որ Հայաստանը կարող է մրցակցել ՌԴ տոմատների հայտնի ներկրողների հետ: Կարող է իհարկե: Շատ տեսականորեն, անշուշտ, հնարավոր է: Բայց վիճակագրական նույն աղբյուրի տվյալներով, մասնավորապես, բանջարեղենի, մրգերի, պանրի ու լոլիկի արտահանման առումով այս տարի ունեցել ենք «հզոր» անկում անցած տարվա նույն ժամանակահատվածի ցուցանիշների համեմատ:
Այլ կերպ ասած, հայ-ռուսական տնտեսական հարաբերությունների՝ Սերժ Սարգսյանի նկարագրած պատկերը իրականությունից, մեղմ ասած, տարբերվում է: Թե որքանով են մոտ իրականությանը նրա ասած մյուս ծրագրերը, ցույց կտա ժամանակը: Երեկ ռուսական լրատվամիջոցների հետ զրույցում Սերժ Սարգսյանը մասնավորապես խոսել է գինեգործության ու կոշկագործության զարգացման մասին:

					 Տպել
				
					9987 դիտում
				
Share
Tweet

		schedule16:38, 26/04/2024Լևոն Տեր-Պետրոսյանը դուրս է գրվել հիվանդանոցից

		schedule16:34, 26/04/2024Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են

		schedule16:23, 26/04/2024Ժամը 15:30-ի դրությամբ Երևանում փակ ճանապարհներ չկան. ՆԳՆ

		schedule16:16, 26/04/2024Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել

		schedule15:56, 26/04/2024Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն

		schedule15:48, 26/04/2024Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր

		schedule15:37, 26/04/2024Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը

		schedule15:26, 26/04/2024Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց

		schedule15:16, 26/04/2024Բեռլինում կայացել է Շոլց-Ալիև հանդիպումը

		schedule15:04, 26/04/2024Աննա Հակոբյանը լուսանկարներ է հրապարակել Գյումրի կատարած այցից

		schedule14:53, 26/04/2024Ռուսաստանը նամակ է ուղարկել Հայաստան. այն հասել է Ազգային ժողով

		schedule14:48, 26/04/2024ՆԱՏՕ-ից Ուկրաինային տրամադրված և ՌԴ-ի կողմից գրավված տեխնիկան բերվել է ցուցադրության (լուսանկարներ, տեսանյութ)

		schedule14:35, 26/04/2024Շուրջ երկու տասնյակ ավտոմեքենա է տեղափոխվել տուգանային հրապարակ. վարորդները պատասխանատվության կենթարկվեն

		schedule14:27, 26/04/2024Ապագայի շատ կոնկրետ նախագիծ է դրվում սեղանին, Հայաստանի լինելիության հարցն է լուծվում. վարչապետ (տեսանյութ)

		schedule14:23, 26/04/2024Դիլիջանում կին վարորդը «Տոյոտա»-ով բախվել է կայանված «Մերսեդես»-ին, այնուհետ՝ գլխիվայր շրջվել

		schedule14:13, 26/04/2024Փոխվարչապետն ու ՎԶԵԲ տարածաշրջանային տնօրենը կարևորել են Երևանում եվրոպական բանկի տարեկան հանդիպման կազմակերպումը

		schedule14:06, 26/04/2024Բագրատ սրբազանն օգտագործում է նույն խոսույթը, ինչ ՀԱՊԿ-ը,  որն իրականում աղետ է Հայաստանի համար. Տարոն Չախոյան

		schedule14:04, 26/04/2024ՀՀ-ն իր էներգառեսուրսը պետք է գնի այնտեղից, որտեղ ամենաէժանն է ու շահավետը. Թունյանը՝ Ադրբեջանից գազ գնելու մասին

		schedule13:53, 26/04/2024Մի քանի օրից կարճատև տեղումները կվերադառնան Երևանում ու մարզերում

		schedule13:42, 26/04/2024ՀՀ ֆինանսների նախարարն ու ԵՄ դեսպան Մարագոսը քննարկել են բռնի տեղահանված անձանց խնդիրները

		schedule13:32, 26/04/2024Երևան-Էջմիածին ճանապարհի երթևեկությունը վերականգնվել է. ՆԳՆ-ն հայտնել է՝ ինչ վիճակ է մայրաքաղաքի փողոցներում

		schedule13:28, 26/04/2024Մեծ Բրիտանիայի քրիստոնյա առաջնորդները կառավարությանը կոչ են արել ճանաչել Հայոց ցեղասպանությունը

		schedule13:17, 26/04/2024ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Պետել

		schedule13:06, 26/04/2024Մարմնամարզության երիտասարդների ԵԱ. Համլետ Մանուկյանն ու Մամիկոն Խաչատրյանը եզրափակչում են

		schedule12:55, 26/04/2024Հաստատվել է ՄԻԵԴ-ի դատավորի պաշտոնում Հայաստանի թեկնածուների ցանկը

		schedule12:43, 26/04/2024Ալիևը Գերմանիայում է. ինչ են քննարկելու Ադրբեջանի նախագահն ու Գերմանիայի կանցլերը

		schedule12:34, 26/04/2024Եղբայրները հարվածել են Կառավարության դռանը, ջարդելով, գույքը վնասելով՝ ներխուժել շենք. նախաքննությունն ավարտվել է

		schedule12:25, 26/04/2024Օտարերկրացի երիտասարդի մոտ թմրամիջոց է հայտնաբերվել. վերջինս ձերբակալվել է (տեսանյութ)

		schedule12:15, 26/04/2024Բելառուսը հրապարակել է ռազմական դոկտրին, համաձայն որի՝ ագրեսիայի դեպքում օգնություն կցուցաբերի ՀԱՊԿ անդամներին

		schedule12:02, 26/04/2024Բռնցքամարտի Եվրոպայի առաջնությունում Հայաստանը եզրափակչի 2 մասնակից կունենա

		schedule11:52, 26/04/2024Երևանում ապամոնտաժվել է շուրջ 10.500 ինքնակամ գովազդ (տեսանյութ)

		schedule11:38, 26/04/2024ԼՂ-ում տեղակայված թուրք-ռուսական համատեղ մշտադիտարկման կենտրոնը դադարեցրել է իր գործունեությունը

		schedule11:24, 26/04/2024Երևանում փակ փողոցներ չկան․ ՆԳՆ ոստիկանություն

		schedule11:16, 26/04/2024Ծեծկռտուք Երևանի դպրոցներից մեկում․ 14-ամյա տղաները ծեծել են համադասարանցուն, վերջինս տեղափոխվել է հիվանդանոց

		schedule11:04, 26/04/2024Ինչպես օտարերկրյա քաղաքացիները պետք է մուտք գործեն «Ֆիզիկական անձանց էլեկտրոնային ծառայությունների միասնական համակարգ»

		schedule10:51, 26/04/2024Նավուրի ճանապարհին իրականացվելու են հորատապայթեցման աշխատանքներ

		schedule10:43, 26/04/2024Հայաստանում նոր ԱԷԿ-ի կառուցման հետազոտություններին ներգրավված են նաև ամերիկյան կազմակերպություններ. ՏԿԵ փոխնախարար

		schedule10:31, 26/04/2024Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը. ԱԳՆ

		schedule10:18, 26/04/2024Ոստիկանություն դիմած ռուս կանայք հայտնել են, թե «Հաղթանակ» զբոսայգու սեփականատերը հարվածել է իրենցից մեկին, թքել դեմքին

		schedule10:10, 26/04/2024Վանաձորի նախկին քաղաքապետը կշարունակի մնալ կալանքի տակ

Armtimes.com
Armtimes.com

Գոտեպնդիչ, բայց անիրական պատկեր. որտեղի՞ց Սերժ Սարգսյանին այսպիսի տվյալներ

02/11/2017 schedule16:36

02/11/2017 16:36