Վանաձորի գլխին կախված 94 տոննա ռումբը ամեն պահի կարող է պայթել. ահազանգ (լուսանկարներ)

«Վանաձոր Քիմպրոմ»-ը, ինչպես հայտնի է, գտնվում է լուծարման ու ապամոնտաժման փուլում, մինչդեռ գործարանում առկա քիմիական բազմաթիվ նյութեր լուրջ վտանգ են պարունակում վանաձորցիների համար: Գործարանում պահպանություն չի իրականացվում, քիմիական նյութերի պահման պայմանները առավել քան վտանգավոր ու անթույլատրելի են` վթարային ազդանշանի համակարգը գործարանում անջատված է:

«Վանաձոր Քիմպրոմ»-ում ամենավտանգավորը թերես գործարանում առկա մոտ 94տ հեղուկ ամոնիակն է եւ մոտ 4,25տ ամոնիակաջուրը, որոնք պահպանվում են նոր պահեստարանի 6 բաքերում:

Ժամանակի ընթացաքում ամոնիակի պահպանման բաքերը, խողովակները և սարքավորումները քայքայվել են: Պահեստարանում սպասարկման աշխատանքներ չեն իրականացվում:

Լոռու մարզային փրկարարական վարչության պետ Կարեն Հովհաննիսյանը մեզ հետ զրույցում նշում է, որ շոգ եղանակներին հեղուկ ամոնիակը տաքանալու հետևանքով սկսում է գոլորշիանալ, ապա բաքերում ճնշումը մեծանում է եւ կարող է վթարի պատճառ հանդիսանալ.«Նախկինում եղել է հսկողություն բաքերում ճնշման նկատմամբ և դրա բարձրացման ժամանակ գոլորշին ուղղորդվել է դեպի ամոնիակաջուր պարունակող բաք: Քանի որ պահեստարանում էլեկտրասնուցում չկա, ապա չի գործում նաև վթարային` վերգետնյա բաքերից մեկի վնասման դեպքում պահեստարանի տակ գտնվող ստորգետնյա պահեստային բաք ամոնիակի արտահոսքն ապահովող ավտոմատ համակարգը»:

Մասնագետնմերից կազմված խումբը ուսումնասիրություններ է իրականացրել գործարանի տարածքում, ներկա ու սպասվելիք վտանգների մասին տեղյակ են բոլոր կառույցներում, սակայն խնդրին վերջնական լուծում տալ եւ աղետը կանխել` չի շտապում եւ ոչ ոք:

«Նախ պարզ չէ, թե որ բաքում ինչքան ամոնյակ կա: Մենք միայն գիտենք, որ 6 բաքերում կա 94 տոննա ամոնյակ, եթե անգամ բաքերից մեկից արտահոսք լինի` քիմիական վտանգավոր նյութերից մասսայական թունավորումներ կլինեն»,-ասում է Կարեն Հովհաննիսյանը ու հավելում, որ ամոնյակի պահպանման ներկայիս պայմանները չեն համապատասխանում անհրաժեշտ չափանիշներին. «Լուծումը հետեւյալն է` կամ պետք է պահպանման համակարգ, էլեկտրասնուցում ու սպասարկող համակարգ, կամ` տեղափոխում, սակայն Հայաստանը չունի տրանսպորտային միջոց դրանք տեղափոխելու համար…»:

Կարեն Հովհաննիսյանի խոսքով` իրենք հարցը վերջերս մեկ անգամ եւս բարձրացրել են պատկան մամինների մոտ` հնարավոր լուծումը գտնելու եւ վտանգը կանխելու վերաբերյալ:

Հաջորդ ամենալուրջ ու օրակարգային խնդիրը քիմգործարանում հնարավոր վթարի դեպքում ահազանգի համակարգի բացակայությունն է, ինչն էլ կհանգեցնի աղետին ուշ արձագանքման: Բարձրացված խնդիրը պետք է լուծվի կառավարական մակարդակով:

Հ.Գ. Դեռ 2012թ-ի հունվարի 12-ին, առավոտյան ժամը 09:40-ին, «Վանաձոր Քիմպրոմ»-ի գազի արտադրամասում ամոնիակի տարայի պայթյունի հետևանքով արտադրամասի ապարատավար, 1990 թ. ծնված Դ. Ասատրյանը ստացած վնասվածքներից տեղում մահացել էր, եւս 3 աշատակից տարբեր աստիճանի վնասվածքներով տեղափոխվել էին հիվանդանոց: Այդ ժամանակ գործարանը հսկվում էր, ազդարարման համակարգը` գործում: Այսօր արդեն, փաստացի կա ռեալ պայթելու վտանգ, որի մասին գիտեն բոլորը:

Տպել
16586 դիտում

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն

Արտահերթ ընտրությունները սահմանադրական ճգնաժամի հաղթահարման միակ ճանապարհն է, խախտված է ԱԺ մեծամասնությունը. ԲԴԽ նախագահ

«Քվազի-համամասնական» ցուցակներն ապացուցեցին իրենց մանիպուլյատիվ բնույթը. Արարատ Միրզոյանը՝ Վենետիկի հանձնաժողովում

Դուք պետք է տեսնեք, որ դուք հաղթեցիք, ոչ թե փողը կամ լավ ախպերությունը. Ն. Փաշինյանը՝ Կապանում

«Քոնթուր Գլոբալ Հիդրո Կասկադ» ՓԲԸ-ի կողմից կազմակերպված աճուրդի մասին հրապարակային ծանուցում

Ի հիշատակ Արա Գյուլերի թուրք վիրտուոզ ջութակահարը նվագել է Կոմիտասի «Կռունկ»-ը

Նա պետք է ծառայի ժողովրդին, այլ կերպ լինել պարզապես չի կարող. Ն. Փաշինյանը՝ Հունան Պողոսյանի նշանակման մասին

Հունան Պողոսյանը հորս չի հարվածել. Շահեն Հարությունյան

Եւս մի նոր կուսակցություն է ստեղծվում, որը կմասնակցի առաջիկա խորհրդարանական արտահերթ ընտրություններին

Երեխաների իրավունքների երաշխավորումը պահանջում է սրտացավ աշխատանք. ՄԻՊ-ը՝ «Մխիթար Սեբաստացի» կրթահամալիրում

Առաջարկեց «լավով» հեռանալ աշխատանքից. այս մասին պետք է տեղյակ լինի վարչապետը. Գոհար Փանաջյան