Ուզում էինք ճամփան փակել, Ծառուկյանը չթողեց.Առինջ մոլ 3 շտապօգնություն է կանչվել (վիդեո)

Քիչ առաջ տեղեկացրել էինք, որ այսօր «Առինջ մոլում» կրկին բախում է տեղի ունեցել հարկային ծառայության աշխատակիցների եւ մոլի առեւտրականների միջեւ:

Բանը հասել է նրան, որ հարկային ծառայության աշխատակիցն, ըստ մոլի առեւտրականների, իրենց գործընկերներից մեկին դիտմամբ ավտոմեքենայի տակ է գցել:

«Մեր Արթուրին են քցել ավտոյի տակ: Ցերեկը հարկայինի աշխատողները եկան, գնացին տնտեսական բաժին, մտան Արթուրի տաղավար, սկսեցին բարձր ձայնով հետը խոսալ,  հետո դուրս եկան, նստեցին մեքենան ու քշեցին Արթուրի վրա, որ ձեռքերով չպահեր ու ընկներ մեքենայի վրա, ընկնելու էր տակը: Դրանից հետո մենք օգնեցինք՝ բարձրացավ, իսկ հարկայինի աշխատողը արագ հեռացավ»,- պատմեց առեւտրականներից մեկը:

Մեր նկարահանման պահին մոլի առեւտրականները փակել էին իրենց տաղավարները եւ դուրս էին եկել, որպեսզի փակեին Երեւան-Աբովյան ճանապարհը, սակայն առեւտրականների խոսքով, մոլի սեփականատեր Գագիկ Ծառուկյանը թույլ չի տվել: Մոլի մոտ մեծ թվով ոստիկաներ կային:

Առեւտրականները նաեւ պատմեցին, որ այսօր հարկային ծառայության աշխատակիցների այցից հետո ինքնազգացողության հետ կապված խնդիրներ է ունեցել նաեւ «Համերաշխություն» ՀԿ նախագահ Արմեն Ներսիսյանը: Մոլի բուժկետից տեղեկացրին, որ նա ճնշման տատանում ունի, ինչպես նաեւ տեղեկացրին, որ ՊԵԿ-ի աշխատակիցների այցից հետո շատերն են նույն վիճակում հայտնվում: Վաճառականների փոխանցմամբ, միայն այսօր երեք շտապբուժօգնության բրիգադ են կանչել:

«Ես մեքենայի տակ ընկածին չեմ տեսել, բայց մոլում բոլորը գոռալով այդ կողմ գնացին: Հիմա էլ մեր ՀԿ-ի ղեկավարն է վատացել, շտապօգնություն են կանչել, ահավոր վատ վիճակում է: Բոլորի համար մտածում է, գնացեք, տեսեք, թե հարկայինը ինչ է անում մեզ հետ: Նոր մի քիչ առաջ էլի եկան, տուգանեցին: Որոշել էինք, որ գնանք ճանապարհը փակեինք, բայց պարոն Ծառուկյանն ասաց, որ նման բան չանենք, գնացեք աշխատեք, էլ ձեզ չեն անհանգստացնի»,- ասաց մեկ այլ առեւտրական:

Հիշեցնենք, առեւտրականները դժգոհ են, որ հարկայինը յուրաքանչյուր ապրանքի շարժի համար առանձին փաստաթուղթ է պահանջում, որը եւ ժամանակատար է, եւ ծախսատար, եւ այս առիթով արդեն մի քանի բողոքի ակցիա են արել ԱԺ-ի մոտ, մոլի տարածքում, ինչպես նաեւ բախվել են մոլ այցելած ՊԵԿ աշխատակիցների հետ: Իրենց խնդրով առեւտրականները եկել էին նաեւ կառավարություն, սակայն վարչապետ Կարեն Կարապետյանը նրանց չէր ընդունել:

 

Տպել
7061 դիտում

Նիկոլ Փաշինյանը, Սասուն Միքայելյանը, Արարատ Միրզոյանը ուժով հեռացվել են հավաքի վայրից

Գյումրիում ծայրահեղ լարված իրավիճակ է, ցույցին են միացել շուկաների առեւտրականները

Նիկոլ Փաշինյանին ուժայինները տարան, ցույցը ցրելու հատուկ միջոցներ են կիրառում. թարմացվող

Հայաստանի նոր նախագահը հանդիպել է ցուցարարների հետ. BBC-ի անդրադարձը

Եթե Սարգսյանը հրաժարական չտա՝ ժողովուրդը չի դադարեցնի գործողությունները. Սերժ Թանկյան

Վանաձորում բերման ենթարկվածներից մեկը տեղափոխվել է հիվանդանոց (լուսանկարներ)

«Դուք մարտի 1-ից դասեր չեք քաղել, ժողովրդի անունից մի խոսեք». ասաց Ս. Սարգսյանն ու հեռացավ

Ձերբակալել են ՄերժիրՍերժին նախաձեռնության անդամ Դավիթ Սանասարյանին

Գյումրի.«Նիկոլ, դուխով, հավեսով». պայքարը նոր թափ է հավաքում, ոտքի է կանգնել ողջ Գյումրին

Գյումրիում լարված իրավիճակ է, ցույցերի մասնակիցներին բերման են ենթարկում, տանում Երեւան

Հրատապ. Վաղը Նիկոլ Փաշինյանն ու Սերժ Սարգյանը բանակցելու են վարչապետի հրաժարականի շուրջ

Արմեն Սարգսյանը հանդիպել է Սերժ Սարգսյանին

Յուրաքանչյուրը պետք է զիջումների գնա, որպեսզի պահպանի ազգի միասնությունը. Շառլ Ազնավուր

ԹԻՀԿ-ի հայտարարությունը` Լեւոն Բարսեղյանի և Արմեն Գրիգորյանի բերման ենթարկվելու մասին

Վանաձորում ցույցերը շարունակվում են. դարձյալ բերման ենթարկվածներ կան

ՀՀ ԱԻՆ-ի կոչը քաղաքացիներին` լինել զգոն, խուսափել հանրային անվտանգության խաթարումից

Փաշինյանը կբանակցի Սերժ Սարգսյանի հրաժարականից հետո, բայց ոչ կառավարական շենքերում

Արցախա-ադրբեջանական շփման գծում հակառակորդի կողմից խախտվել է հրադադարի ռեժիմը. ԱՀ ՊՆ

Ոստիկանները Վանաձորում փորձեցին ցրել ցույցը, սակայն չհաջողվեց

Բացառել ցանկացած տեսակի բռնություն, ատելության ու բռնության կոչերի տարածում. ՄԻՊ