Տարկետման մասին բաց նամակին միացել է նաեւ 1 ակադեմիկոս. նա կարծում է իրենց ձայնը դեռ կլսեն

«Զինվորական ծառայության եւ զինծառայողի կարգավիճակի մասին» օրենքի նախագիծն այսօր Ազգային ժողովում ընդունվելուց առաջ բազմաթիվ գիտնականներ ու գիտաշխատողներ բաց նամակով դիմել էին ՀՀ Նախագահին, Ազգային ժողովին, Կառավարությանը՝ ներկայացնելով խնդրի լուծման իրենց տարբերակները:

Իշխանությունները, սակայն, չփորձեցին էլ դրանք քննարկել եւ օրենքն արդեն իրողություն է:

Վերոնշյալ բաց նամակի տակ, վերջին տվյալով, ստորագրել է 140 մարդ: Նրանց առաջարկն ընդհանուր առմամբ վերաբերում է ակադեմիական տարկետման իրավունքը պահպանելուն՝ այդ ճանապարհին էականորեն խստացնելով տարկետման իրավունքի տրամադրման կարգը, որպեսզի նման հնարավորությունը կապվի կրթական տարբեր աստիճաններում դրսեւորած առաջադիմության հետ եւ այլն:

Նամակի տակ ստորագրած գիտական տարբեր աստիճաններ ու կոչումներ ունեցող գիտնականների շարքում կա նաեւ մեկ ակադեմիկոս՝ Գուրգեն Խաչատրյանը:

Խնդրահարույց օրինագծի ընդունումից հետո մեզ հետ զրույցում Գուրգեն Խաչատրյանը հույս հայտնեց, որ գիտնականների առաջարկած փոփոխություններն, այնուամենայնիվ, կընդունվեն, թեկուզ՝ հետագայում օրենքում փոփոխությունների տեսքով:

«Ես այդ նամակի նախաձեռնողներից եւ հեղինակներից չեմ, ինձ առաջարկել են ստորագրել եւ քանի որ համաձայն էի գրվածի հետ, ստորագրել եմ: Նամակում այնպիսի առաջարկներ են, որ ինձ թվում է՝ չեն կարող հաշվի չառնել, որովհետեւ դրանք պետության շահերից են բխում եւ հնարավոր չէ դրանց դեմ առարկել»:

Ակադեմիկոսը նշեց, որ իր ասպիրանտների օրինակով համոզվել է, որ թեպետ նրանց մեծ մասն արժանավոր է եւ իսկապես գիտության հետաքրքրված, որոշ մարդիկ գիտությունն իրոք դիտարկում են որպես բանակից խուսափելու միջոց:

«Եվ դրա համար մեր նամակի իմաստն է, որ իրենք ֆիլտրը ավելի ուժեղացնեն, բայց արժանիներին թույլ տան մտնել գիտություն: Չնայած ասում են, որ այդ բանը չեն բացառում, բայց անհասկանալի է՝ ինչպես չեն բացառում»,- տարակուսեց մեր զրուցակիցը:

Այսօր արդեն ընդունված օրինագծի դեմ դասադուլ, իսկ ավելի ուշ նաեւ հացադուլ հայտարարած ուսանողների վերաբերյալ իշխանության տարբեր ներկայացուցիչներ հայտարարում էին, թե նրանք փոքրամասնություն են կազմում ու փոքրամասնության կարծիքը երբեք էլ որոշիչ չի լինում: Իսկ բաց նամակի տակ ստորագրած գիտնականների քանակը որքանո՞վ ծանրակշիռ կարող է լինել նրանց աչքում ու չհամարվել փոքրամասնության կարծիք:

«Դժվարանում եմ ասել: Եթե թվով վերցնենք, իհարկե, փոքրամասնություն է, բայց ես ճանաչում եմ նամակի տակ ստորագրած մարդկանցից շատերին, եւ նրանք բոլորն էլ լուրջ գիտնականներ են»,- փաստեց ակադեմիկոսը: Նաեւ կարծիք հայտնեց, որ բաց նամակում առաջ քաշված տեսակետները կիսում են շատ ավելի մեծ թվով գիտնականներ, քան ստորագրել են դրա տակ:

Տպել
2683 դիտում

Ն. Փաշինյանին շնորհավորական հեռագիր է հղել ՀԱՊԿ գլխավոր քարտուղարի պաշտոնակատար Վ. Սեմերիկովը

Սենատը հաստատել է Լին Թրեյսիի թեկնածությունը Հայաստանում ԱՄՆ դեսպանի պաշտոնում

«Սուրբ Գրիգոր Լուսավորիչ» բժշկական կենտրոնի տնօրենի պաշտոնում նշանակվել է Արման Հովակիմյանը

Կենդանաբանական այգում ուսումնասիրությունների արդյունքները կներկայացվեն հանրությանը. Վիրաբյան

ԱՄՆ-ի «Հայ դատի» հանձնախումբը պաշտոնյաներին կոչ է արել չխուսափել «Ցեղասպանություն» բառն օգտագործելուց

Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար

Ձեր օրինակը կարող է վարակիչ լինել. Մարիան Ստրեյֆ-ֆելլերը՝ Աննա Հակոբյանին (լուսանկարներ)

Բուռն պայքար ու հաղթանակ. Հարություն Ուռուտյանը շնորհավորել է Նիկոլ Փաշինյանին ու Սասուն Միքայելյանին

Իսակովի պողոտայում 4 մեքենա է այրվել. կան տուժածներ

Լրագրողին ծեծի ենթարկելու մեջ մեղադրվող ոստիկանները դատապարտվել են տուգանքի

ՀՀԿ-ն գնաց, մնաց ՀՀԿ-իզմը

ՀԱՊԿ գլխավոր քարտուղարի նշանակման հարցը դեկտեմբերի 6-ին չի լուծվել և չէր կարող լուծվել. Եղոյանը արձագանքում է Նազարբաևին

ԵՊԲՀ դիպլոմը կճանաչվի Շրի Լանկայի բժշկական խորհրդի կողմից

Գյումրու 102-րդ ռազմակայանի զինծառայողին կալանավորել են

Մահացածները եղել են մարդատար ավտոմեքենայում. մանրամասներ Սյունիքի ավտովթարից

Ղազախստանում ՀՀ դեսպան Գագիկ Ղալաչյանն իր հավատարմագրերը հանձնեց ՂՀ նախագահին

Նիկոլ Փաշինյանը հեռախոսազրույց է ունեցել Վրաստանի վարչապետ Մամուկա Բախտաձեի հետ

Իրական ընդդիմությունը ԱԺ-ից դուրս է ձեւավարվելու. ինչպես են պայքարելու արտախորհրդարանական ուժերը

ՀՀ ՊՆ է այցելել Մարդու իրավունքների պաշտպանի գրասենյակի պատվիրակությունը

Նազարբաեւը Բելառուսի թեկնածուին աջակցությունն է հայտնել ՀԱՊԿ գլխավոր քարտուղարի պաշտոնում