Եթե հացադուլավորներին մեկ անգամ ընդառաջենք, դա կդառնա անընդհատ. Վահրամ Բաղդասարյան

Մարդը, քաղաքացին, ժողովրդավարական երկրում համարվում է բացարձակ ու գերագույն արժեք: Հայաստանում էլ, համենայն դեպս Սահմանադրության 3-րդ հոդվածով, հենց այդպես էլ սահմանվում է՝ «Հայաստանի Հանրապետությունում մարդը բարձրագույն արժեք է»:

Հենց այս առումով էլ հացադուլը, սովորաբար, համարվում է բողոքի, հասարակական դժգոհության ու հանրային ընդվզման ծայրահեղ դրսեւորում: Եվ երբ ինչ-որ մեկը հացադուլ է հայտարարում՝ այդպիսով արհեստական սպառնալիք ու վտանգ ստեղծելով իր կյանքի նկատմամբ, դա սովորական, պատահական դրսեւորում չէ. այդպիսով մարդն իր՝ բարձրագույն արժեք լինելն է դնում իշխանության առջեւ, որպեսզի նրանք ընտրություն կատարեն իրենց քաղաքական վարքագծի կամ մարդու ու քաղաքացու կյանքի միջեւ:

Որովհետեւ մեր Սահմանադրության նույն 3-րդ հոդվածի 3-րդ կետն էլ հստակ սահմանում է՝ «Հանրային իշխանությունը սահմանափակված է մարդու եւ քաղաքացու հիմնական իրավունքներով եւ ազատություններով՝ որպես անմիջականորեն գործող իրավունք». այսինքն՝ եթե ընտրություն կա քաղաքական գործողությունների ու մարդու միջեւ, իշխանությունները պետք է ընտրեն մարդուն:

Նոյեմբերի 14-ին 5 ուսանողներ  հացադուլ հայտարարեցին՝ հենց այդ սկզբունքն օգտագործելով՝ չնայած դա չխանգարեց, որպեսզի հաջորդ օրն առավաոտյան իսկ քաղաքական մեծամասնությունը կողմ քվեարկեր ու ընդուներ այն օրենքը, որի դեմ ուսանողները դրել էին իրենց կյանքն ու առողջությունը: 

Ու հարց է ծագում՝ արդյո՞ք այստեղ խնդիր չկա, եւ չի՞ նշանակում դա, որ քաղաքական որոշումներ կկայացվեն՝ անկախ նրանից, թե դրա արդյունքում քանի հոգու կյանք կամ առողջություն վտանգի կենթարկվի՝ ծայրահեղի մասին չխոսենք:

Armtimes.com-ի այս հարցին ԱԺ ՀՀԿ խմբակցության ղեկավար Վահրամ Բաղդասարյանը պատասխանեց, թե չի կարող լինել մի այնպիսի օրենք, անգամ ամենաանմեղները, որոնց դեպքում՝ հատկապես խորհրդարնական ու արտախորհրդարանական նման ընդդիմության պայմաններում, մեկ-երկու հոգի չգտնվեն, որոնք որեւէ պատճառաբանությամբ հացադուլ կարող են հայտարարել:

«Այդ դեպքում մենք ինչպե՞ս պետք է շարունակենք մեր աշխատանքը: Եթե մենք դա դարձնենք պրակտիկա ու ընկրկենք, ապա ցանկացած օրենքի դեպքում 3 միլիոն քաղաքացու մեջ հաստատ կգտնվեն մեկ, երկու կամ երեք հոգի, որոնք ինչ-որ պատճառաբանությամբ կարող են հացադուլ հայտարարել: Այսինքն՝ մենք դրանով կպարալիզենք Ազգային ժողովի աշխատանքը: ինձ թվում է, որ մենք պետք է մեր աշխատանքը շարունակենք, բացատրական աշխատանք տանենք: Ամբողջ աշխարհում տարբեր նկատառումներով հացադուլներ, միտինգներ լինում են, բայց ես չեմ կարծում, թե մենք անընդհատ պետք է ընդառաջ գնանք հացադուլին ու մեր երկրի զարգացումը, մեր պառլամենտի աշխատանքը մենք անընդհատ հետաձեգենք, ձգձգենք՝ համոզելու համար, որ այդ մարդիկ հետ կանգնեն իրենց որոշումներից: Եթե թեկուզ մեկ անգամ մենք դա անենք, դա պարզապես կդառնա անընդհատ»,- նշեց Վահրամ Բաղդասարյանը:

Իհարկե, նոյեմբերի 15-ին, երբ խորհրդարանը քվեարկեց ու  ընդունեց օրենքը, որը հարուցել էր ուսանողների դժգոհությունը, ուսանողները դադարեցրեցին իրենց հացադուլը: Վահրամ Բաղդասարյանին հարցրեցինք նաեւ, թե եթե Աստված չաներ, այդ ուսանողները հացադուլը չդադարեցնեին ու այն ճակատագրական ավարտ ունենար, ինչը գոնե տեսականորեն կարող էր լինել, իշխանությունը պատրա՞ստ էր դրա համար քաղաքական պատասխանատվություն ստանձնել:

ՀՀԿ խմբակցության ղեկավարը նշեց, թե իհարկե, մենք վատագույն դեպքերի, ծայրահեղ դեպքերի մասին ենք խոսում: Իսկ այս դեպքում բժշկական հսկողությունը ապահովված էր ու նման տիպի երեւույթներ կարող էին առաջանալ, բայցեւ կրկնեց.  «Եթե մենք ամեն անգամ, հենց մեկնումեկը հացադուլ հայտարարի, կասեցնենք կամ հետաձգենք մեր գործողությունները, դա կարող է դառնալ պարբերաբար կլրկնվող մի երեւույթ, եւ ամեն պարագայում կլինեն կամիկաձեներ, կլինեն անձնազոհներ, ովքեր կարող են տարբեր առիթներով գնալ հացադուլների»:

«Ինչ-որ մեկը կարո՞ղ է երաշխավորել, որ այնպիսի օրենքներ կընդունի, որից հետո այլեւս միտինգներ չեն լինի, ցույցեր չեն լինի, հացադուլներ չեն լինի՝ իհարկե ոչ. իսկ այդ պարագայում, եթե մենք ասենք՝ գիտե՞ք ինչ, եթե այս օրենքը մենք ընդունենք, երկու հացադուլավոր կա, կարող է վտանգ սպառնալ նրանց կյանքին, այդպես էլ չի լինի: Մենք պետք է բացատրական աշխատանք տանենք. այլ խնդիր է, եթե իշխանությունն ընդհանրապես անուշադրության մատնի եւ այդ մարդկանց հարցերին չպատասխանի, այդ մարդկանց հետ չբանակցի, այդ անտարբերության ինստիտուտը ես դատապարտում եմ, այդպես չի կարելի»,- նշեց Վահրամ Բաղդասարյանը եւ հավելեց, թե նույնիսկ մեկ հոգու կարծիքի հետ չի կարելի հաշվի չնստել՝ պետք է բացատրվի, պիտի փորձել լեզու գտնել բոլորի հետ: Նա հիշեցրեց, որ «Զինվորական ծառայության եւ զինծառայողների կարգավիճակի մասին. օրենքն ընդունվեց պատգամավորների 86 կողմ եւ 6 դեմ ձայների հարաբերակցությամբ:

«Իսկ այդ քվեարկողները, վերջիվերջո, ժողովրդի կողմից ընտրված մարդիկ են, մենք չենք կարող 86 հոգով գնալ երեք հոգու քմահաճույքին ընդառաջ»,- ասաց ՀՀԿ խմբակցության ղեկավարը՝ եզրափակելով, թե մենք ավելի կարեւոր խնդիրներ ունենք լուծելու, որը մեր անվտանգությունն է, քանի որ ունենք անկանխատեսելի թշնամի եւ չենք կարող վստահ ասել, թե ինչ կլինի մեկ օր հետո:

Տպել
3717 դիտում

ՀՀ ֆուտբոլի հավաքականի անդամները հանդիպել են երկրպագուների հետ

Կոտայքում բախվել են Ոստիկանության և ՊՆ ծառայողների մեքենաները. 4 ամսական երեխան հիվանդանոցում է

Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

ՀԱՊԿ ԽՎ նիստը Երեւանի փոխարեն կկայանա Մոսկվայում

Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

Թունջբոյաջյանն այցելել է «Հայաստան» համահայկական հիմնադրամ, պատրաստ է դառնալ սփյուռքի դեսպանը

Չեչնիայի նախագահ Կադիրովը Փաշինյանի ու Մակրոնի պարից հետո պարի մարաթոն սկսելու կոչ է արել քաղաքական գործիչներին

Քրեական հեղինակություն Նորատուսցի Արան կրակոցների պահին ալկոհոլի ազդեցության տա՞կ է եղել. նա օգտվում է լռելու իրավունքից

Վարչապետ Նիկոլ Փաշինյանը և տիկին Աննա Հակոբյանը ներկա են գտնվել Յուրի Բաշմետի համերգին (լուսանկարներ)

Թեկնածուներից մեկը դիմել է ստոր մեթոդների. ահազանգում է Էջմիածնի քաղաքապետի պաշտոնակատարը (լուսանկար)

Թուրքիայում Իրանի դեսպանատունը ուժեղացված հսկողության տակ է

20 տարվա փչացրածը, 20 օրում չի ուղղվի. Վանեցյանը հանդիպեց հավաքականի ֆուտբոլիստների հետ

Սիսիանում տներից մեկի պատշգամբի փլուզման հետեւանքով 75-ամյա քաղաքացին մահացել է

Ակումբի տեսախցիկներով ֆիքսվել են Քրեական հեղինակություն Նորատուսցի Արայի կրակոցները (տեսանյութ)

Նիկոլ Փաշինյանի հրաժարականից հետո վարչապետ ընտրելու համար ԱԺ հատուկ նիստեր չեն գումարվի

Շատ արդյունավետ հանդիպումներ էին. Ջասթին Թրյուդո

Հանդիպում ոչ պետական բուհերի ռեկտորների հետ

Մանվել Գրիգորյանի կալանքի ժամկետը եւս երկու ամսով երկարաձգվեց

ԲԴԽ-ն ընդունել է Նիդերլանդների Թագավորության Դատական խորհրդի պատվիրակությանը

Արագածոտնի ավազահանքում փլուզման տակ 25-ամյա երիտասարդ է մնացել ու մահացել