Բրյուսելի գագաթնաժողովից առաջ ԼՂ հիմնախնդրի շուրջ տարաձայնությունները պահպանվում են

Լեռնային Ղարաբաղի հիմնախնդրի կարգավորման վերաբերյալ Եվրամիության դիրքորոշումը մշտապես նույնն է եղել` ի աջակցություն եռանախագահող երկրների ջանքերին և մոտեցումներին: Այս մասին այսօր լրագրողների հետ հանդիպմանն ասաց ՀՀ ԱԳ նախարար Էդվարդ Նալբանդյանը՝ ներկայացնելով Եվրամիության Արևելյան գործընկերության առաջիկա բրյուսելյան գագաթնաժողովի հռչակագրի հետ կապված իրավիճակը:

Նալբանդյանի խոսքով, ԵՄ դիրքորոշումը ԼՂ հակամարտության վերաբերյալ կոնյունկտուրային չէ: «Դա մտածված, բավական գիտակցված և այնպիսի մոտեցում է, որ վնաս չհասցնեն Լեռնային Ղարաբաղի հիմնախնդրի կարգավորմանը, այլ նպաստելով եռանախագահող երկրների ջանքերին և մոտեցումներին՝ նպաստեն նաև հիմնախնդրի բացառապես խաղաղ կարգավորմանը: Երբևէ այս դիրքորոշումը Եվրամիության չի փոխվել», - Երևանում բրազիլացի գործընկերոջ հետ համատեղ ասուլիսի ժամանակ հայտարարել է նա:

Նոյեմբերի 24-ին Բրյուսելում կայանալիք Արևելյան գործընկերության գագաթնաժողովի վերջնական հռչակագիրը, ըստ «Ազատություն» ռադիոկայանի հաղորդման, հայտնվել է փակուղում՝ ղարաբաղյան խնդրի պատճառով: Բանն այն է, որ պաշտոնական Երևանն ու Բաքուն դեռ համաձայնության չեն եկել հակամարտությանը վերաբերող ձևակերպումների շուրջ, իսկ փաստաթղթի մնացյալ տեքստը համաձայնեցված է:

Նալբանդյանի խոսքով, տարբերությունը բազմիցս ակնհայտ է եղել, և  նաև նախորդ գագաթնաժողովների ժամանակ, նաև՝ Արևելյան գործընկերության: «Ինչ վերաբերում է այդ հռչակագրին, ապա բանակցությունները շարունակվում են, և մինչև որ բանակցությունները չեն վերջացել, ինչ-որ բանի մասին այսօր հայտարարելը այդ հայտարարության, հռչակագրի վերաբերյալ դեռ վաղաժամ է: Մի քանի օր դեռ կա, տեսնենք», - նշեց Հայաստանի արտգործնախարարը:

Միեւնույն ժամանակ այս համատեքստում անդրադառնալով ԼՂ հակամարտությա կարգավորման գործընթացին՝ ԱԳ նախարարը նշել է, որ պետք է խոսել ոչ թե Հայաստանի և Ադրբեջանի միջև Լեռնային Ղարաբաղի հիմնախնդրի կարգավորման վերաբերյալ տարբեր մոտեցումների, այլ Ադրբեջան-Եվրամիություն, Ադրբեջանի և միջազգային հանրության միջև մոտեցումների տարբերության մասին:

Պատասխանելով հարցին՝ արդյո՞ք ՌԴ ԱԳ նախարար Սերգեյ Լավրովն առաջիկայում Հայաստան այցելության ընթացքում նոր առաջարկներ է անելու հակամարտության կարգավորման վերաբերյալ, Նալբանդյանը նշեց, որ իր ռուս գործընկերը գալիս է պաշտոնական այցով՝ նոյեմբերի 20-21-ին, և այցը նվիրված է ՀՀ-ՌԴ միջև դիվանագիտական հարաբերությունների հաստատման 25-ամյակին:

«Նա նաև հանդիպում կունենա ՀՀ նախագահ Սերժ Սարգսյանի հետ: Ռուսաստանը բավականին կարևոր դերակատարություն ունի ԼՂ հիմնախնդրի կարգավորման գործում», - ասել է նա:

Ինչ վերաբերում է Լավրովի առաջարկների հետ կապված հարցին, ապա Նալբանդյանի խոսքով «հեծանիվ հնարելն այս կարգավորման գործընթացում դժվար է»: «Այս բոլոր տարիների ընթացքում բազում աշխատանքային փաստաթղթեր ենք քննարկել, բայց իրականության մեջ հենքը նույնն է մնում, և եթե Ադրբեջանը մի փոքր ավելի աչալուրջ լինի այն կոչերին ու մոտեցումներին, որ եռանախագահողները ներկայացնում են, ապա առավել հնարավորություններ կբացվեն այս գործընթացն առաջ տանելու ու արդյունքներ ունենալու համար», - եզրափակել է նա:

Տպել
3193 դիտում

Երկու տղամարդ գնում են ԶԱԳՍ ու ասում են՝ ուզում ենք ամուսնանալ, կա՞ օրենք, որ նրանց ամուսնությունը կգրանցվի. վարչապետ

ՀՀ-ում լայն կիրառում է ունեցել «հեռախոսային արդարադատությունը». Զեյնալյանը՝ ՄԱԿ-ի հատուկ զեկուցողին

Քրեակատարողական հիմնարկները կվերանորոգվեն. կառավարությունը 270 մլն հատկացրեց

Մայրապետյանին թույլ կտան տեսակցել ընտանիքի անդամներին եւ ֆինանսավորել «Հ2»-ը. դատախազության պարզաբանումը

Կառավարության նիստերն այսուհետ դռնբաց կլինեն՝ անկախ վարչապետի ցանկությունից

Նոյեմբերի 21-ին կհրավիրվի Ազգային ժողովի արտահերթ նիստ

Ընտանեկան բռնություն. ինչո՞ւ կնոջը ծեծելու համար կասկածվող ամուսինը չի ձերբակալվել դեպքի օրը. պարզաբանում

Պատրաստ ենք հաջորդ հաջողությունները կրկնապատկել. Ամերիկայի հայկական համագումարն ամփոփեց տարին

Ընտրություններին «ասողների» ինստիտուտը չի լինելու. Նիկոլ Փաշինյան

Դիլիջանի ոլորանները դժվարանցանելի են, մի շարք ճանապարհներին ձյուն է տեղում, Գորիսում, Սիսիանում եւ Բերդում մառախուղ է

Ցուցակում ընդգրկվածների հետ հարցազրույց ենք անցկացրել. Ալեն Սիմոնյան

Երթեւեկության կազմակերպման փոփոխություն Երեւանի Սասունցի Դավիթի եւ Բելինսկու փողոցների խաչմերուկում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում