Գերմանիայում տապալվեցին կոալիցիոն բանակցությունները. Մերկելը երկընտրանքի առջեւ է

20/11/2017 schedule18:40

Գերմանիայում խորհրդարանական ընտրություններից հետո 4 քաղաքական ուժերի միջեւ չի հաջողվել իշխող կոալիցիա կազմել, ինչից հետո այդ երկրի ձախակողմյան ուժերը ներկայացնող «Այլընտրանք Գերմանիայի համար» կուսակցության առաջնորդներ Ալեքսանդր Հաուլանդն ու Ալիսա Վայդելը կոչ են արել կանցրել Անգելա Մերկելին հրաժարական տալ:

«Տիկին Մերկելը ձախողեց և եկել է ժամանակը, որպեսզի նա լքի կանցլերի պաշտոնը»,- հայտարարել է Հաուլանդը, որի խոսքը մեջբերում է gazeta.ru-ն:

Նոյեմբերի 19-ին Գերմանիայի Ազատ դեմոկրատական կուսակցությունը (ԱԴԿ) դուրս է եկել իշխող կոալիցիայի բանակցային գործընթացից, որից հետո գործընթացը փաստացի ձախողվել է: «Բանակցություններին մասնակցող կողմերը չէին վստահում միմյանց ու տարակարծիք էին մի շարք հարցերում, մասնավորապես՝ միգրացիայի ու էներգետիկայի թեմաների շուրջ», - հայտարարել է ԱԴԿ առաջնորդ Կրիստիան Լինդները:

«Կարծում ենք՝ ավելի լավ է չկառավարել, քան թե վատ կառավարել»,- մեկնաբանել է նա:

Հայտնի է, որ սեպտեմբերին կայացած դաշնային ընտրություններից հետո Մերկելը ցանկում էր այսպես կոչված «Ճամայկա» կոալիցիան ձևավորել Քրիստոնեա-դեմոկրատական միության, Քրիստոնեա-սոցիալական միության, Ազատ դեմոկրատական կուսակցության և «կանաչկների» միջև:

Ինքը՝ Անգելա Մերկելը, մեկնաբանելով բանակացությունների ձախողումը, ափսոսանք է հայտնել Ազատ դեմոկրատական կուսակցության դուրս գալու առնչությամբ՝ նկատելով, որ, այնուհանդերձ, կողմերին կհաջողվեր ընդհանուր հայտարարի գալ:

ԱԴԿ-ի առաջնորդին, ինչպես նշում է DW-ն, քննադատել են նաեւ «կանաչների» ներկայացուցիչները: «Նա ընտրել է պոպուլիստական ագիտացիայի ճանապարհը, պետական քաղաքական պատասխանատվության փոխարեն», - իր Twitter-ի միկրոբլոգում գրել է կուսակցության ներկայացուցիչ Ռեյնհարդ Բյուտիկոֆերը:

Քննադատաբար է արտահայտվել ԱԴԿ-ի ղեկավարի հայտարարության նկատմամբ նաեւ Քրիստոնեա-դեմոկրատական միության գլխավոր քարտուղարի տեղակալ Յուլիա Կլյոկները: Այն, ինչպես լիբերալ քաղաքական գործիչն արտահայտվել է Twitter-ում, նա անվանել է «լավ պատրաստված սպոնտանություն»: «Պարկեշտ կլիներ, եթե բանակցություններին մասնակից բոլոր քաղաքական ուժերը միասին հանդես գային հայտարարությամբ», - նշել է նա:

Հիշեցնենք, որ Գերմանիայում սեպտեմբերին կայացած խորհրդարանական ընտրություններից հետո այսպես կոչված «Ճամայկա» կոալիցիան ձևավորելու նպատակով բանակցությունները շարունակվել են շուրջ 4 շաբաթ:

Թեպետ Գորմանիայի սահմանադրությունը հստակ ժամկերներ չի նշում իշխող կոալիցիա ձեւավորելու մասին, սակայն, ըստ BBC-ի, ոչ ոք այժմ չի ցանկանում ժամանակ ձգել: Այժմ, ըստ մեկնաբանների, կա երկու տարբերակ. կա՛մ կառավարությունը կկազմի փոքրամասնություն, ինչը Գերմանիայի պատմության մեջ աննախադեպ է, կա՛մ էլ նոր ընտրություններ կանցկացվեն:

Միեւնույն ժամանակ ավանդական քաղաքական ուժերը չեն ցանականում նոր ընտրությունների գնալ՝ մտավախություն ունենալով զիջել դիրքերը ազգայնականներին եւ պոպուլիստներին: Հակառակ դեպքում գործին պետք է խառնվի Գերմանիայի նախագահ Ֆրանկ-Վալտեր Շտայնմայերը:

Նա իրավասու է Մերկելի թեկնածությունն առաջադրել կանցլերի պաշտոնում: Եթե առաջին անգամ չստացվի ստանալ մեծամասնության ձայները Բունդեսթագում, ապա երկու շաբաթ անց տեղի կունենա երկրորդ քվերակությունը, այնուհոտեւ՝ երրորդը, որի ժամանակ նրան բավարար կլինեն հարաբերական մեծամասնության ձայները, որպեսզի նշանակվի կանցրելի պաշտոնում:

Այժմ Շտայնմայերն ունի ընտրություն, ընդունել Մերկելին, որպես կանցրել եւ առաջադրել նրա թեկնածությունը, կամ ցրել Բունդեսթագը եւ նշանակել նոր ընտրություններ, որոնք պետք է տեղի ունենան երկու ամսվա ընթացքում:

Հետաքրքրական է, որ Գերմանիայում կոալիցիոն բանակցությունների տապալման ֆոնին եվրոն անկում է արձանագրել:

Տպել
1165 դիտում

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն