Կապուտիկյանի անվան դպրոցում պահանջում են 18 հազարական դրամ՝ նոր պատուհանների համար

Երեւանի Սիլվա Կապուտիկյանի անվան համար 145 դպրոցի ծնողներից ահազանգում են, որ աշակերտներից պահանջվում է 18 հազարական դրամ՝ պատուհանները փոխելու համար:

«18 հազար դրամ պահանջվում է պատուհանները փոխելու համա՞ր: Ոչ մեկն իրենցից ոչ մի բան չի պահանջել»,- մեր զրույցում մեկնաբանելով ստացված դժգոհությունը՝ հայտարարեց դպրոցի տնօրեն Գայանե Աղասարյանը:  

«Մեզ մոտ երկու դասարանի աշակերտների ծնողները որոշել են պատուհաններ փոխել: Ինձ մոտեցան, ասացին, որ բոլոր հարցերը լուծված են: Դպրոցը դրա հետ ընդհանրապես կապ չունի: Իրենց նախաձեռնությամբ փոխել են: Ես՝ ինքս, անձամբ մասնակցել եմ մի դասարանում, ասացի՝ համարեք՝ ես էլ եմ աշակերտ: Ես իմ գրպանից գումար տվեցի»,- հավելեց տնօրենը:

Նա հավաստիացրեց, թե տեղյակ չէ՝ աշակերտներից որքան գումար է պահանջվել: Ասաց, որ նախաձեռնությունը եղել է 1-ին եւ 6-րդ դասարանների ծնողներինը, որովհետեւ դասասենյակներում ջերմություն ապահովել հնարավոր չէր լինում, իսկ այժմ արդեն այդ դասարաններից ամեն մեկում +20 աստիճան ջերմություն է:

Գայանե Աղասարյանը նշեց, որ պատուհաններն արդեն իսկ փոխված են, իսկ ուրիշ դասարաններում այդպիսի նպատակ չկա:

«Բայց ծնողները ծնողական ժողով են անցկացրել... Ես իրենց ասացի՝ դա ձեր կամքն է, ուզում եք՝ փոխեք, ուզում եք՝ ոչ: Եթե դեմ մարդ կա, ոչ մեկին չստիպեք: Ես տեսա վեցերորդ դասարանի թիվը քիչ է, ասացի՝ համարեք ես էլ եմ ծնող, 20 հազար դրամ դրեցի սեղանին, ասացի՝ ես էլ մասնակցում եմ որպես աշակերտի մայր»,- շարունակելով՝ ասաց Կապուտիկյանի անվան դպրոցի տնօրենը:  

Այս դպրոցում նաեւ ֆոնդի գումար է հավաքվում՝ ամսական 500 դրամ: Գայանե Աղասարյանը չի հերքում, բայց դարձյալ վստահեցնում է, որ դա կամավորության սկզբունքով է:

«Դա ոչ մեկին չի պարտադրվում, ով ուզում, տալիս է: Եվ շատ անապահով ընտանիքներ մենք ունենք, այնպես որ պարտադրելու ոչ մի բան չկա ընդհանրապես: Գումարը ծախսվում է, օրինակ, ձմեռվա ցելոֆաններ, մաքրող նյութեր ձեռք բերելու համար»,- ասաց նա:

Համար 145 դպրոցում 176 աշակերտ կա: Թե նրանցից քանիսն են վճարում այդ 500 դրամները, կամ ավելի ճիշտ՝ քանիսն են հրաժարվում, տնօրենն ասաց, որ չգիտի:

«Նույնիսկ դասարաններում է մնում այդ հավաքված գումարը: Օրինակ, ջեռուցման մարտկոցները փչացել էին, այդ  գումարներն էլ միացրել ենք, սարքել են: Զոդող ենք կանչել, այդ գումարից ենք տալիս: Դպրոցը ուրիշ ֆոնդ չունի: Եթե դա կա, ծախսում ենք, եթե չէ, մեր՝ ուսուցիչներիս, գրպանից ենք տալիս: Մեծ գումար չի հավաքվում, հավատացեք ինձ: Կոպեկներ են կազմում»,- նշեց Գայանե Աղասարյանը:

Այս դպրոցի վերաբերյալ ահազանգող ծնողներից լրացուցիչ ճշտեցինք, որ խոսքըը վերաբերում է արդեն փոխված պատուհաններ ունեցող դասարաններին: Այսինքն՝ գումարը հավաքվում է՝ արդեն կատարված-ավարտված աշխատանքի համար:

Տպել
5810 դիտում

ՔՊ-ում երեկոները բուռն են, ամեն օր թեժ քննարկումներ են իրականացնում. օրակարգում ԱԺ-ի կազմն է

Խոշոր չափերով թմրամիջոցների ապօրինի շրջանառություն Երեւանում. մեկ անձի մեղադրանք է առաջադրվել

Շուշաննա Թովմասյանը, Լուիզա Ներսիսյանը՝ մանկական ամանորյա հեքիաթ ֆիլմում

Մեկ հարկային տարում երկու ավտոմեքենա նույն անձի կողմից ներկրելը ձեռնարկատիրական գործու­նեութ­յուն է. ՊԵԿ

Շինթույլտվության բարդությունները. քաղաքապետարանում տեղյակ են, բայց միջամտել չեն կարող՝ օրենքին դեմ է

Համայնքային ծառայողներն այսուհետ հանդես կգան միասնական ձայնով. ընդունվեց հայտարարություն

Եթե ձեզ թվում է, որ պետք է մեքենա բերեք ու նվիրատվության անվան տակ ֆռցնեք ավտոները՝ չի լինելու. ՊԵԿ նախագահ

Նազարբաեւը ՀԱՊԿ գլխավոր քարտուղարի պաշտոնում աջակցում է Բելառուսի թեկնածուին

Հայաստանն անվտանգ է. ոստիկանությունը հակադարձում է ԱՄՆ-ի դեսպանատանը

Արցախի նախագահ Բակո Սահակյանը հանդիպել է ՀՀ վարչապետի պաշտոնակատար Նիկոլ Փաշինյանի հետ

Երեւանի ու Բաքվի միջեւ երկխոսություն կա, եւ այն վարվում է. ՌԴ ԱԳՆ

ՀՀ նախկին փոխվարչապետ Արմեն Գեւորգյանի խափանման միջոցի վերաբերյալ հարցի քննությունը վերսկսվեց

Զինկոմիսարիատների օպտիմալացման իմաստն ավելորդ աշխատատեղեր չպահելն է. Արծրուն Հովհաննիսյան

Քարոզչության ժամանակ հիմնականում շահարկվեց եկեղեցու, Արցախի եւ ԼԳԲՏ համայնքի թեմաները. փորձագետ

Լեհաստանից հետ կանչված ՀՀ դեսպանը 7 հողամաս, 2 բնակարան, 1 առանձնատուն ունի

Հնարավոր է. Արայիկ Հարությունյանն՝ ԱԺ-ում «Իմ քայլը» խմբակցությունը ղեկավարելու մասին

Արմեն Գեւորգյանը Ռոբերտ Քոչարյանի հետ շփում չի ունեցել. նա ցուցմունք է տվել. պաշտպան

Թեժ բանավեճ՝ կառավարությունում. Նիկոլ Փաշինյանը գործ չանողներին հատուկ զգուշացում տվեց

Կիմ Երիցյանը Կոմիտասի անվան պանթեոնում թաղված չէ, լրատվամիջոցները դեզինֆորմացիա են տարածել. պարզաբանում

Սպանություն՝ Գյումրիում. «Սասնա ծռերը» հորդորում են գործադրին վերանայել ՌԴ-ի ռազմական ներկայության պայմանները