Ստանդարտ քայլերով գործելու դեպքում այս ռեժիմի դեմ չես կարող խաղեր տալ. Պետրոս Մակեյան

23/11/2017 schedule20:24

Դեռեւս սեպտեմբերին «Հայ կանանց ճակատ» շարժման ներկայացուցիչ Սյուզան Սիմոնյանը լրագրողներին հայտնեց, որ անազատության մեջ գտնվող Ժիրայր Սեֆիլյանը երկրում խաբեություններին վերջ տալու համար մի շարք քաղաքական գործիչների դիմեց համախմբվելու եւ ազգային դիմադրության ճակատ ստեղծելու կոչով: Դրանից հետո ստեղծվել է «Հանուն Հայաստան պետության ճակատ»-ի աշխատանքային խումբ, որն այս ամբողջ ընթացքում ակտիվորեն աշխատանքներ է իրականացնում Սեֆիլյանի կոչը կյանքի կոչելու ուղղությամբ:

Աշխատանքային խումբը նոյեմբերի սկզբին հրապարակեց հռչակագիրը, որով, մասնավորապես, նշվում է, որ վիճակն օրհասական է, և հիմա է որոշվում Հայաստանի Հանրապետության՝ ներառյալ Արցախի հետագա գոյության  ճակատագիրը, եւ առանց անկախ, ինքնիշխան Հայաստան պետության գոյության վտանգվում է հայ ազգի հարատևումն ընդհանրապես:

«Նպատակ ունենալով՝ 

-Կասեցնելու Հայաստանի Հանրապետության վերջնական փլուզումն ու ինքնիշխանության կորուստը,

- Վերացնելու Հայաստանի Հանրապետության՝ 1990 թ. Անկախության հռչակագրի դրույթներին հակասող սահմանադրական, օրենսդրական բոլոր ակտերը, պայմանագրերը և փաստացի դրսևորումները՝ վերջ դնելով երկրի գաղութացման բոլոր նկրտումներին,

- Բացառելու Հայաստանի Հանրապետության՝ ներառյալ Արցախի տարածքային ամբողջականության վերաբերյալ որևէ առևտուր կամ սակարկություն,

- Հաստատելու ազգային համերաշխության, գիտակցված և ազատ կամարտահայտման վրա հիմնված սահմանադրական իրավակարգով ինքնիշխան, ժողովրդավարական, իրավական, սոցիալական պետություն, Հռչակում ենք «Հանուն Հայաստանի պետության ճակատ»-ի ստեղծումը»,- նշվում է այդ հռչակագրում:

Այնտեղ նաեւ նշված է, որ ճակատը, առաջնորդվելով նոր որակի, ինքնիշխան, ազատ ու արդար հայկական պետություն կառուցելու տեսլականով, թվարկված նպատակների իրագործումը տեսնում է միմիայն համաժողովրդական համախմբմամբ ու միասնական ջանքերով նոր, ժողովրդավարական, օրինական-սահմանադրական կարգի հաստատմամբ, ՀՀ ներկայիս վարչախմբի հեռացմամբ ժողովրդական վստահության ժամանակավոր անցումային կառավարության ձևավորման ու գործող պետական կառավարման համակարգի ամբողջական փոփոխության միջոցով:

«Ակնկալում ենք կամք ունեցող Հայաստանի բոլոր քաղաքացիների ու արտերկրում բնակվող մեր հայրենակիցների՝ այս խնդրով մտահոգ մարդկանց համախմբումը, համազգային ներուժի ձևավորումը»,- ասվում էր այդ հռչակագրում:

Աշխատանքային խմբի անդամներից Պետրոս Մակեյանից հետաքրքրվեցինք, թե ի՞նչ քայլեր է արել ու անում նախաձեռնող խումբն այս հռչակագրի հրապարակումից հետո: Մակեյանը հայտնեց, որ հիմա ձեւավերվել են աշխատանքային մի քանի խմբեր, որոնցից ամեն մեկը մի կոնկրետ ուղղությամբ աշխատում են ճանապարհային քարտեզի վրա:

«Ինտենսիվ գործընթաց է գնում: Կարելի է ասել, մի քիչ դանդաղ, բայց էֆեկտիվ ենք աշխատում: Բոլոր քայլերի նպատակը մեկն է՝ հասնել այս վարչախմբի հեռացմանը. դա հնարավոր է միայն ժողովրդին փողոց դուրս բերելու ճանապարհով: հիմա մենք աշխատում ենք այն փաստաթղթերի, այն բանաձեւերի վրա, որոնցով հնարավոր կլինի հասարակությանը հանել հրապարակ: Հակառակ դեպքում՝ մենք լուրջ վտանգում ենք մեր երկիրը. ոչ թե միայն Ղարաբաղը՝ Ղարաբաղը վաղուց արդեն առեւտրի միջոց է դարձել վարչախմբի համար՝ իշխանություն պահելու, երկարաձգելու, փող աշխատելու եւ թալանելու համար, այլեւ մենք Հայաստանն ենք կորցնելու: Հետեւաբար մեր հիմնական նպատակն է հասնել երկիրը դրանցից ազատագրելուն»,- նշեց Պետրոս Մակեյանը:

Մեր հարցին, ուսումնասիրե՞լ են, թե ժողովուրդը որքանով է հաղորդակից իրենց հռչակագրում նշված խնդիրներին, ինչպիսի՞ արձագանք են գտնում իրենց քայլերը ժողովրդի շրջանում, Մակեյանը պատասխանեց, որ դեռ չեն սկսել աշխատել ժողովրդի հետ, այլ աշխատում են այն փաստաթղթերի վրա, որոնցով պետք է դիմեն ժողովրդին ու ժողովրդի արձագանքն ընկալեն:

«Ամեն ինչ վերահսկվում է Հայաստանում վարչախմբի, ռեժիմի կողմից՝ տոտալիտար համակարգ է: Եվ հետաքրքրությունը կլինի երկու դեպքում, մեկը՝ որ արդեն վարչախմբի վերահսկողությունից դուրս կլինի՝ պրոցեսն արդեն ընթացքի մեջ լինի, այդ ժամանակ: Իսկ մնացած դեպքերում դեռ կշեռքի նժարը չի տատանվում այնպես, որպեսզի այն մարդիկ ովքեր չեն գտնվում վարչախմբի համակարգի ներսում, արձագանքեն եւ փորձեն մասնակցել կամ իրենց տեսակետն արտահայտել: Դա անորոշության ժամանակաշրջանն է, որը շատ կարճ է տեւելու»,- ասաց Մակեյանը՝ հավելելով, որ մշտապես եղել են նման ռեժիմներ՝ Հայաստանն առաջին երկիրը չէ, եւ ոչ էլ վերջինն է լինելու այդ տեսակ ռեժիմների առումով:

Մակեյանը նաեւ շեշտեց՝  իրենք փորձում են ստանդարտ քայլերից, գործողություններից դուրս գալ, քանի որ հասկանում են, որ ստանդարտ քայլերով գործելու դեպքում այս ռեժիմի դեմ չես կարող խաղեր տալ:

«Հայաստանը վերածվել է ոստիկանապետության, փաստորեն ամբողջ քաղաքական պրոցեսն իրականացնում ու վերահսկում է ոստիկանությունը: Նույնիսկ ապրիլյան քառօրյա պատերազմում ոստիկանությունը Երեւանից դուրս չբերեցին. երբ ամբողջ ժողովուրդը սահման էր գնում, նրանք մնացին մայրաքաղաքում: Դա նշանակում է, որ այս վարչախումբը ռեալ պատկերացնում է իրավիճակն ու մնում է այդ իրավիճակը ռեալ քաղաքական ընդդիմությունը, քաղաքական ուժերը ճիշտ պատկերացնեն ու կարողանան ճիշտ օգտագործել: Հիմա մնում է, որ մենք այդ ճիշտ օգտագործման բանալին գտնենք»,- եզրափակեց Պետրոս Մակեյանը:

Տպել
2842 դիտում

Վարչապետն ու նախագահը տիկնանց հետ միասին ճաշել են Էլթոն Ջոնի հետ. ավարտին՝ լուսանկար

Տեսախցիկով օդապարիկը հեռակառավարվող խաղալիք է, որը կարելի է գնել խանութներում. ԱԱԾ

Էլթոն Ջոնն ու նախագահը մասնակցել են առողջական խնդիրներով երեխաների միջոցառմանը (լուսանկար)

Երեւանում բախվել են միանգամից 5 մեքենաներ, 3 մարդ տեղափոխվել է հիվանդանոց

ՀՀԿ-ի էլիտան այս տարի անտեսել է Սոգյութլուի հերոսամարտի 100-ամյա տարեդարձը

Վերեւի հարկից ջրալցվել է Երևանի Քաջազնունու փողոցի անձնագրային բաժանմունքը

Թուրքիան էլեկտրամագնիսական հրանոթներ արտադրող սակավաթիվ երկրներից է

Հայոց եկեղեցին եւ հոգեւորականը պետք է լինի հայրենյաց պաշտպանների կողքին. Գարեգին Բ

Մշակույթի նախարար Լիլիթ Մակունցը նոր ֆլեշմոբի շրջանակներում օնլայն հեքիաթ է կարդում

Թուրքիայից Հայաստան է անցել տեսախցիկներով սարքավորված օդապարիկ, ընկել Նոր Ամասիա գյուղում

Էլթոն Ջոնը այսօր Երեւանում մասնակցելու է Starkey ընկերության բարեգործական միջոցառմանը

Հույս ունեմ կարմիր լույսի տակ չկանգնող պաշտոնյաների մոտ ընդամենը թյուրըմբռնում է. վարչապետ

Ունեցանք հեղափոխություն՝ հայկական ձեւով. Ա. Սարգսյանը հանդիպել է վիրահայոց համայնքի հետ

Փակ է Գյումրի-Երեւան ճանապարհը. պահանջը՝ վերադարձնել «Շիրակ» ֆուտբոլային թիմի 12 միավորը

Երեւանում կրակոցներ են հնչել, այնուհետ դանակահարված 3 երիտասարդ հայտնվել է հիվանդանոցում

«UWC Դիլիջան» միջազգային դպրոցը կարող է լինել ոգեշնչանքի, լավատեսության կենտրոն. Փաշինյան

Ամենայն Հայոց Կաթողիկոսն ընդունեց Արգենտինայից ժամանած ուխտավորների

Լոռու մարզի դատախազները բացատրական աշխատանք են տանում դպրոցներում, անչափահասների շրջանում

Վթարվել են Տաշիրի ոստիկանության ծառայողները. ջոկի հրամանատարը մահացել է, 3 վիրավոր կա

Զորամասի ննջարանում հայտնաբերվել է կապիտանի դին՝ կրծքավանդակի շրջանում ստացած վիրավորումով