«VIZA» ռոք խմբի երաժիշտը եւ նրա կինը ոգեւորված են Հայաստան կատարած այցից

23/11/2017 schedule19:59

Սերժ Թանկյանի պրոդյուսինգային «VIZA» ռոք խմբի անդամ Էնդրյու (Անդրանիկ) Կզիրյանը եւ նրա ընտանիքը մեծ բավականություն են ստացել Հայաստան կատարած այցից: Նոյեմբերի 20-ին «VIZA»-ն, ինչպես նաեւ Գրեմիի մրցանակակիր «Capital Cities» խմբի երգիչ Սեբուն պետք է ելույթ ունենային հայ հանդիսատեսի առաջ Կարեն Դեմիրճյանի անվան մարզահամերգային համալիրում: Էնդրյուն առիթն օգտագործել է ընտանիքի հետ հայրենիքում ժամանակ անցկացնելու համար: Ընդգծում է, որ այցը կարեւոր իրադարձություն է դստեր կյանքում:

«Աղջիկս 16 ամսական է, նա 1-ին անգամ է այստեղ: Կարծում եմ՝ այն, որ ես եւ կինս նրան բերել ենք՝ իմ, իմ կնոջ ընտանիքին տեսնելու, կարեւոր է: Այստեղ շատ բարեկամներ ունենք, որոնց վաղուց չէինք տեսել: Կարելի է ասել՝ երաժշտության միջոցով ընտանիքս մեծանում է եւ երաժշտության միջոցով գալիս է՝ տեսնելու իր հայրենիքը»,- ասաց նա:

Հայաստանում անցկացրած ժամանակահատվածում հասցրել են շրջել մայրաքաղաքով, տեսնել «Մայր Հայաստան» հուշարձանը, Ծիծեռնակաբերդի հուշահամալիրը: Հիանալի ժամանակ են անցկացրել: Ճամփորդությունից հատկապես շատ է ոգեւորվել Էնդրյուի կինը, եւ դա պատճառ ունի:

«Մի հետաքրքիր փաստ կա: Կնոջս ազգանունը Ստեփանյան է, նրա պապիկը Հրաչյա Ստեփանյանն է: Նա քանդակագործ է եղել, որն աշխատել է Երեւանի ու Էջմիածնի շատ հուշարձանների վրա: Աշխատել է «Մայր Հայաստանի» դռան, Հանրապետության հրապարակի մի շարք շենքերի վրա: Դրանք տեսնելը նույնպես մեր ճամփորդության մաս էր կազմում, եւ կինս շատ ոգեւորված է»,- ասաց նա՝ ավելացնելով, որ Երեւանը շատ է գեղեցկացել:

«VIZA» խումբը, որում Էնդրյուն ուդ է նվագում, ներկայացնում է հայկական եւ հունական էլեմենտներով ռոք երաժշտություն: Վերջին անգամ Հայաստանում համերգ է ունեցել 2010 թվականին: Նոյեմբերի 20-ին խմբի անդամները կատարեցին ե՛ւ հույն, ե՛ւ հայ երաժշտասերներին արդեն ծանոթ երգեր: Էնդրյուն ընդգծում է, որ իրենք զգացված են հայ հանդիսատեսի սիրուց:

«Այն, որ մեզ հրավիրել են համերգային ծրագրով հանդես գալու, նշանակում է՝ այստեղ մարդիկ մեր երաժշտությամբ հետաքրքված են: Մենք դրանից շատ ոգեւորված ենք»,- ասաց նա:

Երեւանյան համերգի ընթացքում «VIZA»-ի հնչեցրած երգերից էին «A World of Broken Mirrors», «Breakout the Violins» եւ այլն: Առաջիկայում իրենց լսարանի դատին են հանձնելու նոր ստեղծագործություններ: Անդադար աշխատում են դրանց վրա եւ նորություններ են խոստանում:

 

Տպել
666 դիտում

ՔԿՀ-ներին մատակարարվող պահածոյացված միսը սահմանված չափորոշիչներին չի համապատասխանում. ՀՔԱՎ

Երեւանի եւ Էլ-Քուվեյթի միջեւ բարեկամության համաձայնագիրը պետք է շուտ վավերացվի. դեսպան

Հայաստանում կարմրուկի մեկ դեպք է գրանցվել. վարակը կարող է ջնջել մարդու իմունհիշողությունը

Ինչո՞ւ ՀՀԿ-ն Արցախյան շարժման 30-ամյակի հետ կապված տոնակատարություն չկազմակերպեց

Հայաստանի ԱԺ-ն ու Իսրայելի Կնեսեթը քննարկում են համագործակցության զարգացման ուղիները

Արտակ Զաքարյանի գլխավորած ՀՀ ՊՆ պատվիրակությունը կմեկնի Բելառուս

Ես ամաչելու բան չունեմ, Մարտի 1-ը ձեր ամոթն է. Նիկոլ Փաշինյանը՝ Գեւորգ Կոստանյանին, ՀՀԿ-ին

23-ամյա աղջիկը մեծ քանակությամբ դեղահաբեր է ընդունել. բժիշկները պայքարում են կյանքի համար

Բաքուն Ինտերպոլով հետախուզում է հայտարարել Եվրոպայի Հայ դատի հանձնախմբի ղեկավարին. Թուրան

Խոշոր վթար Ապարանում. ութ հոսպիտալացվածներից մեկը մանկահասակ երեխա է (լուսանկարներ)

Էստոնայում հայ եւ վրացի դիվանագետները կռվե՞լ են. Sputnik-ը գրել է, դեսպանը՝ հերքել

Վթարի են ենթարկվել «Սասնա ծռերի» գործով հանրային պաշտպանները

Հավանության են արժանացել 220 մլրդ դրամի 27 ներդրումային ծրագրեր. Կարայանը՝ Սարգսյանին

Սերունդներին. մրցույթի իմիտացիա

Իսրայելական ընկերությունը Գյումրիում ազատ առեւտրի գոտի կստեղծի եւ դուրս կգա ԵԱՏՄ շուկա

Մեղմ ասած. իմ հրաժարականի մասին լուրերը չափազանցված են

Չի կարող պատահել. Նոբելի հավակնորդը վաշխառո՞ւ

Դրա անունը դուք դնում եք բյուջե լցնել, ես դնում եմ առողջության անվտանգություն․ Մ. Եսայան

Ինչպե՞ս բացել բրազիլական շուկան հայ արտադրողի համար․ դեսպանը՝ Բաբլոյանին

ԱՄՆ-ն անում է հնարավորը ԼՂ խնդրի խաղաղ կարգավորման համար․ դեսպան