Վախենամ մի օր էլ ասեք՝ եղբայրական Ադրբեջանին ինչի՞ կրակեցիք. Սանասար Գաբրիելյանի ճառը

«Իգլայի» աղմկոտ գործով այսօր ճառով հանդես եկավ ԼՂՀ ՊԲ նախկին հրամանատար Սամվել Բաբայանի մարտական ընկերը՝ ազատամարտիկ Սանասար Գաբրիելյանը:

Վերջինիս ճառը սկսեց նրանով, որ Սամվել Բաբայանը ոչնչի հետ կապ չունի. «Պրիչոմ Բաբայան, խի են բերում անպայման կապում իրա հետ»: Ապա  ամբաստանյալը պնդեց, որ իրեն ոչ մի անգամ մեղավոր չի ճանաչում: Նա նաեւ անդրադարձավ իր մարտական ուղուն, նշեց, որ զինվորական է, մասնակցել է արցախյան պատերազմին, կոչումով փոխգնդապետ է: Ասաց, որ կռվի ժամանակ զենքեր է բերել, հետո Սիբիրում բիզնեսով է զբաղվել: Ապրիլյան պատերազմի օրերին անմիջապես եկել է, հետաքրքրվել է՝ ինչո՞վ «քոմագ անի»:

«Մայիսի 24-ին մեզ ասում են՝ էլ պետք չեք, ձեր ծառայությունն արեցիք… Ես հենց էդ մայիսյան օրերին եմ Արմեն Պողոսյանի՝ Ժորիկի հետ խոսել, թե ուզում եմ Արցախի բանակին զենք նվիրեմ: Ժորիկն էլ սեպտեմբերին ասավ՝ մի տղա կա՝ Հրաչյա է, եսիմ ով է՝ ես չէի իմանում, որ նա ագենտ էր…»,- ասաց Գաբրիելյանը:

Վերջինս պատմեց, որ նաեւ ցանկացել է Սիբիրից տախտակներ մատակարարել բանակի կարիքների համար: Նա ասաց, որ Արմեն Պողոսյանի ու Հրաչյա Մայիլյանի հետ մի քանի անգամ Վրաստան է գնացել՝ զենքի հայթայթման գործով. «Հրաչյայից քյարը էն մնաց, որ կազինոյի ապարատներին սովորեցի… Ես միլիարդատեր գործարարներ էի բերել Հայաստան: Նրանք ուզում էին պրեզիդենտին տեսնել, բայց չէին կարողանում, նրանց քցում էին… Ես մարզպետին տեսա, ասի՝ մարդկանց ստեղ քցում են, նրանք ուզում են պրեզիդենտին տեսնել, բայց չեն կարողանում, եթե հարցերը ստացվեն, 2 միլիարդի նվիրաբերություն է լինելու… Մարզպետը ասաց՝ պրեզիդենտն ասում ա՝ հո չե՞մ իջնելու ռազբորկեքի աստիճանի…»,- ասաց նա, ապա դիմելով դատավորին կատակեց. «լավ եմ չէ՞ պատմում»:

Սանասար Գաբրիելյանն ասաց, թե իրեն խնդրել են Էջմիածնում ՕՐՕ դաշինքի երկու շտաբ բացել, ինքն էլ բացել է. «Էղանք էս աշխարհի թշնամին…»:

Գաբրիելյանի՝ ինքը շատերին էր ասել, որ ուզում է Արցախի բանակին զենք նվիրել… Երբ հայտնվել է իր խոսքերով «կինոյի միջի հերոս տղա Հրաչյա Մայիլյանը (Մայիլյանն է «Իգլան» հանձնել ԱԱԾ-ին,-հեղ.)» ու ցույց է տվել «Իգլայի» լուսանկարը, ինքն այն տարել, ցույց է տվել Սամվել Բաբայանին՝ նրա մասնագիտական կարծիքն իմանալու համար: Բաբայանն ասել է, որ զենքը լրիվ չէ, պակասող մասեր կան, ուստի հրաժարվել է միայն խողովակը ձեռք բերելուց: Պատմեց, որ երբ ցանկացել է գնալ Արցախ՝ առանց զենքի կամ զինամթերքի, ճանապարհին ԱԱԾ մի 40 աշխատող են կանգնեցրել, մեքենան ստուգել են, բան չեն գտել:

Անդրադառնալով մեղադրողին՝ Սանասար Գաբրիելյանն ասաց. «Մեզ նենց ա վերաբերվում, վռոդե կանանչ բոստան ենք պաժառ տվել կամ ազգի դավաճան ենք…չէ հարգելի մեղադրող: Ինչի՞ հարցում չեն անում՝ ո՞րդուց էդ տրուբեն, այլմոլորակայիննե՞րը բերեցին էս ո՞նց եղավ… Մի հատ 10 եվրոյի համար հարցում են արել մինչեւ շվեյցարական բանկ, բա էդ եքա տրուբի համար ինչի՞ հարցում չեն արել…ցիրկ ա սա: Եթե ես ուզեցել եմ բանակին բան նվիրեմ, ինչի՞ գլուխս խոնարհեմ: Շնորհակալության տեղ՝ ահա ԱԱԾ պադվալ են տարել… մեր մեղադրողը նենց ագրեսիվ ա վերաբերվում, ոնց որ անձնական վիրավորանք ենք հասցրել: Մենք ո՛չ թշնամի ենք, ո՛չ եսիմ ինչ… Տրուբեն  կապել են մեր վրա… գոնե Իսկանդեր կապեիք վրաներս, ասեինք Իսկանդեր ենք բերել: Լավ, էլի նստենք, գոնե մի մեղադրի մեզ, որ մեղավոր ճանաչեք, նորմալ նստենք էլի, խելոք, անմեղ նստենք»,- Սանասար Գաբրիելյանի այս խոսքերից հետո անգամ դատավորը չկարողացավ զսպել ծիծաղը:

Շարունակելով իր ճառը ամբաստանյալն ասաց. «Սա շինծու գործ ա: Մենք հայտնվել ենք չեմ իմանում՝ ում ագարոդում, բայց ես Ռուսաստանում եմ էղել: Հա, ՕՐՕ դաշինքին ենք օգնել, ի՞նչ ա էղել որ, խի՞ եք թշնամացել, նրանք էլ են մեր ախպերները, մի քիչ էլ նրանց քոմագ անենք… թե չէ զենքը բերին, զենքը տարան: Մեր թշնամին թուրքն ա: Հիմա  ես վախենում եմ՝ Աստված է՛լ բեթարից ազատի, մի օր էլ ասեն՝ եղբայրական Ադրբեջանին ինչի՞ կրակեցիք»,- իր ճառն այսպես եզրափակեց Սանասար Գաբրիելյանը: Նա նաեւ դատարանին ներկայացրեց իր Արիության մեդալը, որ ստացել էր Ռոբերտ Քոչարյանի նախագահության օրոք, ներկայացրեց խնամքին անչափահաս՝ 2003 թվականին ծնված որդի ունենալու վերաբերյալ փաստաթուղթ: Բացի այդ, բնակության վայրից տրված դրական բնութագիր ներկայացվեց դատարանին, որտեղ Սանասար Գաբրիելյանը բնութագրվել էր որպես «պրպտուն անձնավորություն»:

Ամբաստանյալները հանդես եկան նաեւ վերջին խոսքով՝ խնդրելով դատավճիռ կայացնելիս առաջնորդվել նաեւ խղճով:

Հիշեցնենք՝ դատախազը միջնորդել էր Սամվել Բաբայանին վերջին հաշվով դատապարտել 7 տարի ազատազրկման, Սանասար Գաբրիելյանին՝ 4 տարի, Արմեն Պողոսյանին եւ Կարեն Քոչարյանին՝ 3-ական տարի, Դավիթ Հարությունյանին՝ 2 տարի իրական ազատազրկման:

Ժորա Զաքարյանի ու Անդրանիկ Քոչարյանի համար դատախազը միջնորդել է 2-ական տարի ազատազրկում:

Տպել
2684 դիտում

192 ընտրատեղամասի վերջնական արդյունքներով՝ «Իմ քայլը» դաշինքն առաջատար է՝ ձայների 81.05 %-ով

Դավիթ Խաժակյանն ու Արտակ Զեյնալյանը «Իմ քայլը» դաշինքի շտաբում են, շնորհավորում են հաղթանակի առթիվ

4/36 ընտրատեղամասում հաղթել է «Իմ քայլը» դաշինքը, 8 քաղաքական ուժեր ձայներ չեն ստացել

6/05 ընտրատեղամասում 734 քաղաքացուց 560-ը քվեարկել է «Իմ քայլը» դաշինքի օգտին

էրեբունու 10/49 ընտրատեղամասում եւս բացարձակ հաղթանակ է տարել «Իմ քայլը» դաշինքը

Հայկ Մարությանը 547 քվե ստացավ 01/08 ընտրատեղամասում

էրեբունու 10/50 ընտրատեղամասում 789 ընտրողից 678-ը քվեարկել են «Իմ քայլը» դաշինքի օգտին

Ավանի 1/09 տեղամասում ձայների ճնշող մեծամասնությամբ հաղթեց «Իմ քայլը» դաշինքը՝ 569 ձայն, «Լույսը»՝ 95, ԲՀԿ-ն 68 ձայն

Որքան ձայն է ստացել յուրաքանչյուր քաղաքական ուժ. ԿԸՀ հաշվիչը միացել է. արդյունքները՝ ուղիղ

Մարմնով պաշտպանել ենք քվեատուփը, կռիվ ենք տվել, հայտնվել մահակների տակ՝ այս օրը մոտեցնելու համար

Երեւանի 8/28 ընտրատեղամասում մի քանի հարյուր ձայնով առաջատար է «Իմ քայլը» դաշինքը

Արաբկիրի 4/38 ընտրատեղամասում «Իմ քայլը» դաշինքը հավաքել է 516 ձայն. նախնական տվյալներ

09/18 ընտրատեղամասում «Իմ քայլը» ստացել է 530 քվե, ԲՀԿ-ն՝ 73, «Լույսը»՝ 59

9/18 ընտրատեղմասում առաջատարը կրկին «Իմ քայլը» դաշինքն է. նախնական արդյունքներ

«Իմ քայլը» դաշինքի կենտրոնական շտաբում՝ այս պահին. հետեւում են ընտրությունների արդյունքներին

Շենգավիթում «Իմ քայլը» դաշինքը 80,23% է հավաքել. նախնական արդյունք

Երեւանի 7/35 ընտրատեղամասում եւս հաղթում է «Իմ քայլը» դաշինքը. նախնական արդյունք

6/51 ընտրատեղամասում «Իմ քայլը» դաշինքը հաղթանակ է տարել. նախնական տվյալ

Նախընտրական շրջանում ամենաշատ մուծումներ է արել ԲՀԿ-ն, ամենամեծ գումարը ծախսել է «Իմ քայլը» դաշինքը

Նորք-Մարաշ համայնքի 9/03 ընտրատեղմասում կրկին առաջատարը «Իմ քայլը» դաշինքն է. նախնական արդյունք