Նոր Սահմանադրության պահանջով Հայաստանի խորհրդարանում իրենց ներկայացուցիչները պետք է ունենան նաեւ երկրում բնակվող ազգային փոքրամասնության ներկայացուցիչները, որպեսզի բարձրաձայնեին իրենց համայնքների խնդիրները: Ինչպես արդեն 6-րդ գումարման Ազգային ժողովի 2-րդ նստաշրջանի աշխատանքներից է պարզվում, ազգային փոքրամասնությունների ներկայացուցիչները հիմնականում արտահայտում են այն կուսակցության կամ դաշինքի դիրքորոշումը, որով հայտնվել են ԱԺ-ում:

«Հայկական ժամանակ»-ը ԱԺ-ի կողմից ընդունված եւ ընդունվելիք աղմկոտ օրենքների, Հայաստան-ԵՄ, Հայաստան-ԵԱՏՄ համագործակցության եւ 2018 թվականի վարչապետի պաշտոնի հետ կապված զրուցել է ՀՀԿ խմբակցության քրդական համայնքի պատգամավոր Կնյազ Հասանովի հետ:

- Պարոն Հասանով, վերջերս ԱԺ-ում աղմկալից եւ վիճահարույց օրենքների նախագծեր են քննարկում եւ ընդունվում: Մասնավորապես՝ ԱԺ-ի կողմից ընդունված «Զինվորական ծառայության եւ զինծառայողի կարգավիճակի մասին» ՀՀ օրենքին քրդական համայնքը ինչպե՞ս է վերաբերվում:

Շատ նորմալ, շատ լավ օրենք է, լավ էլ քննարկվեց՝ բոլորն էլ ընդունեցին: Շատ նորմալ օրենք է:

- Հասարակությունը, հատկապես ուշադրության կենտրոնում պահեց տարկետման սահմանափակումը: Ակադեմիական տարկետումից զրկվում են, եթե «Ես եմ» կամ «Պատիվ ունեմ» ծրագրերից չեն օգտվում: Քուրդ երիտասարդները դժգոհ չե՞ն այս փոփոխությունից:

- Այս դեպքում մի լավ օրենք կա, որ, եթե ուզում ես ընդունվելուց հետո կիսատ չթողնես քո ուսումը, ապա պայման ես կապում եւ սովորելուց հետո գնում ծառայում ես՝ երեք տարի: Այդ ժամանակ նրանց աշխատավարձ է տրվում, արտոնություններ են ստանում՝ մեկ շաբաթ տուն են գալիս, երկու շաբաթ էլ գնում են ծառայելու: Մեր համայնքում բոլորս էլ լավ կարծիքի ենք այս օրենքի վերաբերյալ:

- Քրդական համայնքում կա՞ն տղա ուսանողներ եւ դժգո՞հ չեն:

- Կան, բայց  քիչ են: Օրենքն էլ շատ խելամիտ օրենք է:

- Պարոն Հասանով, խոսենք նաեւ «Ընտանեկան բռնության կանխարգելման» օրենքի մասին: Քրդական ընտանիքներում բռնությունները շա՞տ են:

Մեր ընտանիքները նորմալ ընտանիքներ են: Դրա մեջ ինչ կա՝ տան մեջ վեճ էլ է լինում, խոսակցություններ էլ է լինում: Դա բռնություն չէ, մեր քրդական մենթալիտենտը թույլ չի տալիս, որ ամեն վայրկյան վազենք միլիցա կամ դատարան: Կան դեպքեր, որ ես կողմ եմ, որ դիմեն: Ամուսինը, եթե ամեն օր խմած գալիս է ու կնոջը, երեխային ծեծում է, այս դեպքում այդ մարդը օրենքի սահմաններում պետք է իր պատիժը ստանա, բայց քուրդը չի զանգի միլիցա, ասի՝ էս տան մեջ, վեճ ու կռիվ է:

- Իսկ քրդական ընտանիքներում «հայրական ապտակ» հասկացությունը կա՞, կիրառվու՞մ է:

- Դե հա, կա: Մեր ադաթներում հայրական ապտակ էլ կա: Ապտակ կա, որ երեխայի կողմից չի ընդունվում: Դեպքեր գիտեմ, որ մարդը պլանքաշ եկել է, ընտանիքին ծեծում է, կռվում, երեխաներին է ծեծում, երեխան էլ իր հերթին է ափերից դուրս գալիս եւ այլն: Սա լավ օրենք է, բայց մենք չենք ընդունում, որ ամեն անգամ միլիցայի աշխատողը գա ընտանիք: Հետո կասեն՝ դու ինձ տվեցիր միլիցայի ձեռը ու էլի պատմություններ կսկսվեն:

- Պարոն Հասանով, Ձեր խոսքում նշեցիք, որ Ձեր ադաթներում կա երեխային ապտակելը: Խնդրում եմ մանրամասնել, թե ի՞նչ է նշանակում ադաթով ապտակ:

Դե հայ ընտանիքներում էլ կա, որ երեխան չի լսում, մի ապտակ են խփում: Դա ես չեմ տարբերակում մեր, թե հայկական ադաթներում է: Ընդունված է, որ երեխային պետք է ապտակել, բայց ես դրան էլ եմ դեմ, քանի որ կարելի է երեխային խոսքով բացատրել:

- Պարոն Հասանով, նոյեմբերի 24-ին Բրյուսելում ստորագրվեց Հայաստան-ԵՄ համապարփակ եւ ընդլայնված համաձայնագիրը: Ի՞նչ ակնկալիքներ ունեք:

Դա շատ հաջողված երեւույթ է: Ռուսականն էլ է լավը: Ոչ բոլոր երկրներին է հնարավորություն տրվել օգտվել եվրոպական եւ ռուսական այդ կառուցվածքներից: Ես ում հետ խոսում եմ բոլորն էլ լավ են ընդունում: Սա հաջողված համաձայնագիր է:

- «Ելք»-ն էլ առաջարկում է դադարեցնել Հայաստանի անդամակցությունը ԵԱՏՄ-ին:

Ես դա ճիշտ չեմ ընդունում: «Ելք»-ն ընդդիմադիր է, դա իրենց գործն է: Այնտեղ էլ շատ խելացի տղաներ կան, բայց ԵԱՏՄ-ից դուրս գալը ես չեմ ընդունում, դա սխալ քայլ է: Մենք դարեր շարունակ շաղկապված ենք Ռուսաստանի հետ:

- Հիմնավորում կա, որ ապրանքներն ավելի բարձր գներով են մաքսազերծվելու:

Չէ, էլի այդպես ասելով չի: Միայն Հայաստանը չէ ԵԱՏՄ-ի մեջ, բայց մյուս երկրները դժգոհ չեն:

- Պարոն Հասանով, 2018 թվականի վարչապետի պաշտոնի շուրջ ինտրիգը դեռ պահպանվում է: Քուրդ համայնքը ո՞ւմ է տեսնում այդ պաշտոնին:

- Այսօր ժողովուրդը 50 տոկոսից ավելի ձայն է տվել իշխող ՀՀԿ-ին, եւ նրանք էլ կորոշեն, թե ով է լինելու վարչապետ: Մենք էլ այդ ժամանակ մեր խոսքը կասենք:

- Կարեն Կարապետյանի՞ն, թե՞ Սերժ Սարգսյանին են նախընտրում բնակիչները: Ի՞նչ կարծիքներ կան:

- Երկուսն էլ հանրապետական են, երկուսն էլ փորձված, իսկ Սերժ Սարգսյանն ավելի փորձված նախագահ է: Շատ մեծ գործեր է կատարել, կատարում է: Կուսակցությունն ում որոշի, մենք էլ այդպես:

Տպել
5102 դիտում

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան

ՊԵԿ-ն անհիմն, առանց ապացույցի տեղեկատվություն է հրապարակել. «Գազպրոմ Արմենիա»-ն հերքում է

ՀՀԿ համամասնական ցուցակը ամբողջությամբ

Ռոբերտ Քոչարյանը Սիլվա Համբարձումյանից նաեւ 2 միլիոն է պահանջում. դատավորի անունը հայտնի է

Արտահերթ խորհրդարանական ընտրություններին մասնակցելու հայտ է ներկայացրել 11 քաղաքական ուժ

ՀՀ նախագահի հրամանագրով Երեւան քաղաքի առաջին ատյանի դատարանը նոր դատավոր ունի

ԲՀԿ համապետական ցուցակի առաջին տասնյակը. այն գլխավորում է Գագիկ Ծառուկյանը