ՇՊՀ-ում 9 տոննա գիրք անհետացել է. մեղադրում են նախկին ռեկտորին, ներկա ռեկտորը լարված է

Շիրակի պետական համալսարանում սկանդալային իրադարձությունները շարունակվում են: Հայաստանի կրթության եւ գիտության նախարարությունը դասախոսների պահանջով ուսումնասիրություն է կատարել, պարզելու համար, թե համալսարանի գրադարանում 2014-2015 թվականներին հաշվառված 138 հազար 161 գրքից ինչու է 15 տոննա գիրք հանձնվել վերամշակման:

«Ուսումնասիրվեց հիմնադրամի գրադարանային ֆոնդը, որի արդյունքում պարզվեց հետևյալը. մինչև 2013 թվականն ինստիտուտն ընդհանրապես գրադարանային ֆոնդը չի հաշվառվել, այսինքն՝ ոչ գույքագրում է իրականացվել, ոչ էլ նոր ստացված գրականությունը մուտքագրվել հաշվապահություն, այլ միայն պրոռեկտորի հաշվետվություններում երևացել է մի տողով, թե քանի ուսումնամեթոդական, քանի գեղարվեստական, գիտական և այլ տիպի գրականություն կա: Միայն 2013 թվականից սկսել են իրականացնել հաշվառում, սակայն շարունակել են գույքագրում չանցկացնել: 2016 թվականի մայիսին (նախկին ռեկտորի օրոք) մի մեծ քանակության գրականություն հանձնվել է որպես թափոն, որի փաստաթղթային հիմքերը չկան, իսկ մյուս չափաքանակը 6 տոննա՝ կիլոգրամը 30 դրամով հանձնվել է 2017 թվականի սեպտեմբերի 29-ին: Վերջին խմբաքանակի հանձնման վերաբերյալ նյութերը, և գրադարանի տնօրենի բացատրագիրը կցվում է»,- մասնավորապես, ասված է ԿԳՆ-ի պարզաբանման մեջ, որը հրապարակված է ՇՊՀ դասախոս, քաղաքագետ Գագիկ Համբարյանի ֆեյսբուքի էջում:

Համալսարանի նախկին ռեկտոր, այժմ «Ծառուկյան» դաշինքի պատգամավոր Վարդեւան Գրիգորյանը պատասխանելով armtimes.com-ի այն հարցին, թե ճիշտ է, որ իր ղեկավարման տարիներին գրքեր են օտարվել համալսարանից, ասաց, որ դա իրականությանը չի համապատասխանում:

«Չկա նման բան, իմ օրոք մակուլատուրա ոչ մի հատ գիրք չի հանձնվել: Նման հրահանգ, մտադրություն չի եղել: Իմ ղեկավարման ժամանակ՝ 10 տարվա ընթացքում, 30 հազար միավոր գիրք է ավելացել: Դա թյուրիմացություն է: Ես ճշտել եմ, որ այդ 15 տոննա գրքերի մի մասը հանձնվել է 2017 թվականի ապրիլ-մայիս ամիսներին, իսկ մյուս՝ սեպտեմբերին: Այդ ժամանակահատվածում ես ռեկտոր չեմ եղել: Համապատասխան մարմինները կարող են քննություն սկսել եւ պարզել»,- ասում է Վարդեւան Գրիգորյանը:

Հարցին, թե իր անունը դիտավորյա՞լ է կապվում ոչնչացված գրքերի հետ, Գրիգորյանն ասաց.

«Չեմ կարող ասել, թե սա թյուրիմացություն է, թե՝ դիտավորյալ քայլ, բայց, որ նախարարության աշխատակիցներին ներկայացվել է, որ իմ օրոք է մակուլատուրա հանձնվել, դա պարզ երեւում է»,- նշեց Գրիգորյանը:

ՇՊՀ-ի ներկայիս ռեկտոր Սահակ Մինասյանը պատասխանելով armtimes.com-ի հարցին, ասաց, որ տեղեկություն չունի, թե 15 տոննա գրքի 9 տոննան, երբ եւ ում կողմից է օտարվել:

«Ես տեղեկատվության չեմ տիրապետում: Տեղեկանք կազմողները խոսել են մարդկանց հետ, գրել են: Դա իմ իրավասությունից դուրս է: Հնարավոր է, որ նախկինի ժամանակ էլ չի եղել, ես տեղյակ չեմ այդ շրջանից: Իմ ժամանակ 6 տոննան է օտարվել, կարծեմ»,- լարված ասաց Մինասյանը:

Նշենք, որ ՇՊՀ-ում սկանդալները չեն վերջանում, ինչ ՀՀԿ-ական Սահակ Մինասյանը դարձավ կառույցի ղեկավար:

Տպել
2006 դիտում

Բրազիլուհին մոլորվել է Սևաբերդ գյուղից դեպի Ակնալիճ տանող լեռնային հատվածում

Վաղը Հայաստանի խորհրդարանի հիմնադրման 100-ամյակն է. հրավիրված է 600 հյուր

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն

Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

ԱԻՆ սեյսմիկ ծառայության թիմը՝ «Գեովիկտորինա» մրցույթի հաղթող

Ասում են՝ արտահերթ խորհրդարանականին կողմ չենք քվեարկի, Սերժը կասեր՝ իյա, իրո՞ք, էդ դու՞ք եք որոշում. վարչապետ

Հայ-գերմանական համագործակցությունը բարձր մակարդակի վրա է. Տոնոյանն ընդունել է Գերմանիայի դեսպանին

Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Բոլոր ուժերը իսկապես պայքարում են, ոչ ոք թատրոն չի տալիս, ոչ մեկի համար ոչինչ գրված չէ այս անգամ. վարչապետ

Սարյանի պուրակում տեղադրված դաշնամուրի վրա առաջինը նվագեց մաեստրո Մանսուրյանը

Կոնկրետ Տարոն Ավիայի հարցով չեմ զբաղվում. Տիգրան Ավինյանը Գյումրիում ասուլիս է անցկացրել

Մանիպուլյատիվ մեթոդներ. Լը Մոնդի ու Վաշինգթոն Փոստի «ֆեյքերը»

Վերանայեք Գյումրու բյուջեն. առաջարկը Սամվել Բալասանյանը ներկայացրել է Գյումրի եկած Տիգրան Ավինյանին

Առեւտրի կետից գողություն կատարելու հետքերով գնալիս, ոստիկանները հանցավոր խումբ են բերման ենթարկել

Հայաստանի Ազգային պատկերասրահից Արա Շիրազի աշխատանքները տեղափոխվել են Գյումրի