Ապագա դիմորդների գիտելիքները կարող են ստուգվել ավագ դպրոցում՝ միասնական քննության փոխարեն

Միասնական քննությունների համակարգում առաջիկայում նախատեսվող փոփոխություններից մեկի համաձայն, բուհերի դիմորդներին հնարավորություն կընձեռվի ազատվել  միասնական քննություններից եւ տվյալ առարկայից գիտելիքների ստուգում անցնել դեռեւս ավագ դպրոցում՝ մաս առ մաս:

Գնահատման եւ թեստավորման կենտրոնի տնօրեն Արա Իսպիրյանն «Հայկական ժամանակ»-ի հետ զրույցում նշեց, որ փոփոխությունների ծրագիրը մշակվում է, եւ այն դեռ պետք է արժանանա կառավարության հաստատմանը: Բուհ ընդունվելու վերոնշյալ տարբերակը կարող է կյանքի կոչվել ամենաշուտը 2019 թվականին:

«Կլինի կենտրոնացված արտաքին գնահատում: Այսինքն՝ 10-րդ, 11-րդ եւ 12-րդ դասարանի աշակերտները, որոնք կցանկանան հանձնել այն ծրագիրը, որն արդեն ուսումնասիրել են, մենք դպրոցներում կկազմակերպենք գնահատում, եւ հետո այդ արդյունքներով իրենք կկարողանան անցնել բուհ, եթե ցանկանում են միասնական քննություն չհանձնել»,- ասաց Արա Իսպիրյանը:

Իհարկե, այդ ստուգման արդյունքներից դժգոհ լինելու դեպքում երեխան չի զրկվի միասնական քննության մասնակցելու եւ ավելի բարձր գնահատական ստանալու իրավունքից:

Ավագ դպրոցում սովորողներն, այդպիսով, հնարավորություն կունենան 10-րդ դասարանում քննություն հանձնել 9-րդ դասարանում յուրացած թեմաների վերաբերյալ, 11-րդ դասարանում՝ 10-րդ դասարանի, իսկ 12-րդ դասարանում նրանց գիտելիքները կստուգվեն միանգամից 11-րդ եւ 12-րդ դասարանում ուսումնասիրած թեմաներից:

«Սանդղակավորմամբ դրանք կդառնան իր համար ինչ-որ գնահատական, որով նա կարող է մասնակցել մրցույթի»,- հավելեց ԳԹԿ տնօրենը:

Հարցին, թե Գնահատման եւ թեստավորման կենտրոնը կունենա՞ բավարար ռեսուրսներ, եթե պարզվի, որ վերոհիշյալ տարբերակով քննություն հանձնելու ցանկություն հայտնում են բոլոր դպրոցներում, նա պատասխանեց.  

«Մեխանիզմը կլինի կենտրոնացված, այսինքն՝ տվյալ մարզի համար կնշանակվի օր եւ կստեղծվի քննական կենտրոն, սովորողները կգնան, կհանձնեն: Նախատեսում ենք 2019 թվականի հոկտեմբերից դեկտեմբեր ամիսների ընթացքում իրականացնել ամբողջ գործընթացը՝ հայտագրումից մինչեւ քննություն»:

Ինչպես արդեն տեղեկացրել ենք, 2018-ի համար նախատեսվող փոփոխությունը վերաբերում է հայտագրման կարգին: Այսինքն՝ դիմորդը սկզբում հայտ կլրացնի միայն մեկ մասնագիտության համար՝ ի տարբերություն ութի: Առավել նախընտրելի մասնագիտությամբ բուհ չընդունվելու դեպքում հետո նա կլրացնի երկրորդ հայտը՝ թափուր մնացած տեղերի մրցույթին մասնակցելու համար:

Տպել
10076 դիտում

Լենա Նազարյանը Facebook սոցիալական ցանցում հրապարակել է Իմ քայլը դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից

ԱՄՆ-ն տրամադրում է 8 մլն դոլար՝ ընտրություններում ՀՀ կառավարությանն օժանդակելու համար

Հենրիխ Մխիթարյանի հարսանիքի օրը դեռ որոշված չէ. նշել է նրա մայրը

Ծաղկաձորում կազմակերպվում է եռօրյա միջոցառում՝ հայերեն Վիքիպեդիայում բժշկական հոդվածների ստեղծման համար

ՀՀԿ-ն ներկայացրել է ռեյտինգային ընտրակարգով առաջադրված թեկնածուներին

ԱԱ չեմպիոն Ֆրանսիան, փոխչեմպիոն Խորվաթիան չհաղթեցին Ազգերի լիգայի իրենց խմբերում

Քննարկվում է 500 մլն դոլարի ներդրման ծրագիր, կառուցվելու է մի քանի գործարան. Նիկոլ Փաշինյան

Մեր բանակի համար առավել օգտակար կլինեն ուղղաթիռները. ռազմական փորձագետ

Հերմինե Նաղդալյանի ամուսինը անսահման անշարժ գույք ունի

Աստված մի արասցե՝ ընտրակաշառք բաժանելու փորձ արվի եւ ես իմանամ ոչ թե իրավապահներից, այլ՝ մամուլից. վարչապետ

Վայոց ձորի կադաստրի մարզային ստորաբաժանման աշխատակիցները դիմում են վարչապետ Փաշինյանին

Ապահովել որակ եւ արագացնել կառուցապատման տեմպերը. Արշակյանն այցելել է Թալին-Լանջիկ ճանապարհահատված

Կոռուպցիան՝ բուժհաստատություններում. պետությանն ավելի քան 500 մլն դրամի վնաս է հասցվել. հարուցվել է 41 քրեական գործ