Սերժ Սարգսյանի նկարը քննիչների աշխատանքին ոչ օգնում է, ոչ խանգարում. Գեւորգ Դանիելյան

Երեկ Ազգային Ժողովում «Ելք» խմբակցության ղեկավար Նիկոլ Փաշինյանը վեցերորդ գումարման Ազգային ժողովի քառօրյա նիստին անդրադարձավ ՀՀ հատուկ քննչական ծառայության ղեկավար Վահրամ Շահինյանին ուղղված իր գրությանը, որով դեռեւս 2017 թվականի մայիսի 25-ին գրավոր հարցմամբ դիմել է ՀՔԾ պետ Վահրամ Շահինյանին առ այն, թե իրավական ի՞նչ հիմնավորմամբ են ՀՔԾ քննիչների սենյակներում կախված Սերժ Սարգսյանի դիմանկարները: «Մինչ օրս, այսինքն՝ 6 ամիս անց, ՀՔԾ պետը հարցմանս չի պատասխանել՝ այսպիսով թույլ տալով օրենքի կոպիտ խախտում: Սույնով ուզում եմ հավաստիացնել, որ ՀՔԾ պետին պատասխանի կանչելու ձեւը կգտնեմ եւ այս հարցում լինելու եմ հետեւողական, իսկ ՀՔԾ բոլոր քննիչներին զգուշացնում եմ իրենց պատերից հանել Սերժ Սարգսյանի լուսանկարը, քանի որ դրա համար ոչ մի իրավական հիմնավորում չկա, եթե, իհարկե, որեւէ քննիչ Սերժ Սարգսյանին իր պապը կամ հայրը չի համարում»,- հայտարարեց Նիկոլ Փաշինյանը:

Սերժ Սարգսյանի լուսանկարը փակցված է ոչ միայն ՀՔԾ-ում, այլեւ պետական ու ոչ պետական գրեթե բոլոր հաստատությունների պատերին, որոնցից ամենամտահոգիչը, թերեւս, հանրակրթական դպրոցների տնօրենների առանձնասենյակների պատերին Սարգսյանի լուսանկարի առկայությունն է:

Այս խնդրին դեռ ամռանն անդրադարձել էր ժուռնալիստների «Ասպարեզ» ակումբի ղեկավար Լեւոն Բարսեղյանը, նշելով, որ Սերժ Սարգսյանի նկարներն իրենց պատերին փակցնելու համար Հայաստանի դպրոցները ծախսել են առնվազն 15 միլիոն դրամ: 2017թ. այս հարցը մեկնաբանել էր Կրթության եւ գիտության նախարար Լեւոն Մկրտչյանը եւ ասել, որ իրենց գերատեսչությունը չի պատրաստվում վերանայել այդ քաղաքականությունը:

Խնդիրն այն է, որ կառավարությունն այս հակաիրավական իրողությունը փորձում է հիմնավորել այն հանգամանքով, թե իբր ՀՀ նախագահի նկարը դասվում է Հայաստանի խորհրդանիշների ցանկին: Բյուջեից 15 միլիոն դրամ տրամադրելու եւ հանրակրթական դպրոցների պատերից Սերժ Սարգսյանի նկարը չհեռացնելու քաղաքականությունը Լեւոն Մկրտչյանը նույնպես հիմնավորել էր ՀՀ նախագահի՝ պետական խորհրդանիշ լինելու հանգամանքով: «Դպրոցներում փակցնում են Հայաստանի Հանրապետության խորհրդանիշները, օրինակ` մեր զինանշանը, ՀՀ նախագահը խորհրդանիշների համակարգում են»,- հուլիսին կայացած ճեպազրույցում ասել էր Լեւոն Մկրտչյանը:

Հայաստանի Հանրապետության Սահմանադրության հոդված 21-ը հստակ եւ ամբողջական սահմանում է  Հայաստանի Հանրապետության խորհրդանիշները, որոնք են Հայաստանի Հանրապետության դրոշը, զինանշանը եւ օրհներգը:

Ու, թեեւ նախագահը բացակայում է պետական խորհրդանիշների ցուցակից, Սերժ Սարգսյանի «խորհրդանիշ» նկարը շարունակում է կախված մնալ պետական ու ոչ առեւտրային հաստատություններում՝ որպես ոմանց հավատարմության նշան, սակայն ոչ թե պետությանը, այլ ՀՀԿ առաջնորդ Սերժ Սարգսյանին:

Արդարադատության նախկին նախարար, իրավաբանական գիտությունների դոկտոր, պրոֆեսոր Գեւորգ Դանիելյանը կարծում է, որ քննիչներն ունեն որոշակի ինքնավարություն: «Ես բացարձակապես այդտեղ կապ չեմ տեսնում քննիչի գործունեության արդյունավետության, ինքնուրույնության եւ երկրի նախագահի լուսանկարի միջեւ: Իսկ դուք չե՞ք մտածում, որ մարդիկ կարող են շատ բարեխղճորեն այլ խորհրդանիշներ ունենալ, տվյալ դեպքում խորհրդանիշի մասին չէ խոսքը, բայց խորհրդանիշի ոգուն ոչ համահունչ գործունեություն իրականացնեն»,- ասաց Գեւորգ Դանիելյանը՝ հարց բարձրացնելով, թե արդյո՞ք խորհրդանիշները կանխորոշում են ամեն բան:

Դիտարկմանը, որ ՀՔԾ բոլոր քննիչների աշխատասենյակներում Սերժ Սարգսյանի լուսանկարը կախված է, Գեւորգ Դանիելյանն արձագանքեց. «Հանրային ծառայության բոլոր պաշտոնյաները կարող են իրենց նախաձեռնությամբ դա անել, ավանդույթի ուժով փակցնում են լուսանկարը, ոչ թե քննիչն անձամբ ինքն է անում, ու ինքը պարտավոր է անել: Աշխատասենյակ է, աշխատասենյակի կահավորանքի ոնց որ ատրիբուտ է ոչ օրենքով սահմանված կարգով եւ ոչ էլ օրենքին հակասող: Ես չեմ կարծում, որ դա կարող է երբեւէ կաշկանդել կամ ընդհակառակը՝ պարտադիր լրացուցիչ բաղադրիչ դառնա, որ արդյունավետ աշխատեն»:

Իրավաբանական գիտությունների դոկտոր, պրոֆեսորի խոսքով՝ Սերժ Սարգսյանի լուսանկարը ճնշող հանգամանք չի կարող լինել հատուկ քննչական ծառայության քննիչի համար աշխատանքային պարտականությունները կատարելու ժամանակ:

Տպել
3258 դիտում

Մեղրի-Ագարակ ավտոճանապարհին բեռնատար ավտոմեքենայում հրդեհ է բռնկվել

Արձանագրվել է ենթադրյալ ընտրական հանցագործության 252 դեպք. 108-ով նախապատրաստվում են նյութեր.

Ընտրություններին ՔԿՀ-ներում մասնակցել է 56 կալանավորված անձ և դատապարտյալ

Վարդենյաց լեռնանցքը փակ է բեռնատարների, դժվարանցանելի՝ թեթև մարդատարների համար

Ինչպես էին Աննա Հակոբյանն ու Նիկոլ Փաշինյանը հետեւում ընտրությունների արդյունքներին

Հզո՛ր, հզո՛ր, հզո՛ր ժողովուրդ. Նիկոլ Փաշինյանը՝ ԱԺ ընտրությունների քվեարկությանն ի պատասխան

Առերևույթ ընտրախախտումների վերաբերյալ ՀՀ քննչական կոմիտեն ստացել է 51 հաղորդում

«Իմ քայլ»-ը ստացել է 70.43 %, ՀՀԿ-ն չի անցել շեմը. ԿԸՀ-ն հաշվել է 2010 տեղամասերի տվյալները

10/50 ընտրատեղամասի թեկնածուների առաջատար եռյակն «Իմ քայլը» դաշինքից է, Ա. Սիմոնյանը՝ 1-ին տեղում

Այդ թիվը բացակա ընտրողներն են, մահացած ընտրողներն են, գրանցված լինելն ու ապրելը տարբեր են. Ն. Փաշինյան

Առափիում հաղթել է «Իմ քայլը» դաշինքը, ՀՀԿ-ն չորրորդ տեղում է

33/15. Արեւշատում նախնական տվյալներով առաջին տեղում է Սոֆիա Հովսեփյանը

10/49 ընտրատեղամասում դարձյալ հաղթեց «Իմ քայլը» դաշինքը

էրեբունու 10/50 ընտրատեղամասում «Օրինաց երկիր» կուսակցությունը 0 ձայն է ստացել

«Իմ քայլը» դաշինքը Գյումրիում չի զիջում առաջատարի դիրքը, 2-րդ տեղում ԲՀԿ-ն է, 3-րդում՝ Լուսավոր Հայաստանը

Լոռու 25 ընտրատեղամասերի արդյունքներով «Իմ Քայլը» առաջատար է՝ 67,17 տոկոսով, ՀՀԿ-ն չորրորդն է

6/05 ընտրատեղամասում «Իմ քայլը» կուսակցությունների դաշինքը հաղթում է՝ 517 ձայնով

Մահացել է Մաքսիմ Հակոբյանը

7/34 ընտրատեղամասում «Ազգային առաջընթաց» կուսակցությունը 0 ձայն է ստացել

Բաղրամյան գյուղում ռեյտինգայիններից հաղթել է «Իմ քայլը» դաշինքի թեկնածու Արուսյակ Մանավազյանը