Համշենահայ մտավորական Ջեմիլ Աքսուն ու կինը դեռ մնում են կալանքի տակ. ընկերների նամակը

07/12/2017 schedule09:02

Թուրքիայում արդեն մեկ ամսից ավել բանտում գտնվող համշենահայ մտավորական Ջեմիլ Աքսուի ընկերները և գործընկերները հանդես են եկել Ջեմիլի և դարձյալ բանտարկված նրա տիկնոջ` Նուրջան Վայիչ Աքսուի մասին հայտարարությամբ: Այդ մասին հաղորդում է Akunq.net-ը` հիմնվելով Ջեմիլ Աքսուի աշխատակցած «Բիրիքիմ» հանդեսի կայքէջում հրապարակված լուրի վրա: Աղբյուրի փոխանցմամբ, Ջեմիլի ընկերները հայտարարության մեջ մասնավորապես գրել են.

«Մեծ ցավով տեղեկացանք, որ մեր ընկեր և գործընկեր Ջեմիլ Աքսուն 2017 թ. հոկտեմբերի 25-ին ձերբակալվել է և տարվել Արդվինի կալանատուն: Ձերբակալության համար որպես հիմք է ներկայացվել սոցիալական ցանցում նրա կողմից արված մի հրապարակում:

Մեզնից ոմանք Ջեմիլին ճանաչում են որպես «Սուդան Սեբեփլեր» ժողովածուի խմբագիր: Ջեմիլն` իր բազմակողմանի զարգացվածությամբ, բծախնդրությամբ և աշխատասիրությամբ, մեծ ներդրում է ունեցել Թուրքիայի` հիդրոէներգետիկ ոլորտում վարած քաղաքականության և հիդրոէլեկտրակայանների կառուցման դեմ տարվող պայքարի վերաբերյալ այդ համապարփակ ժողովածուի հրատարակման գործում:

Մեզնից ոմանք էլ, ովքեր ուսումնասիրություններ են իրականացնում Արևելասևծովյան շրջանի վերաբերյալ, առաջին անգամ Ջեմիլի հետ հանդիպել են Խոփայում: Մեզնից շատերը մեծ քաղաքներից էին Սևծովյան շրջան գնացել, որպեսզի ուսումնասիրություններ անեին հիդրոէլեկտրակայանների կառուցման դեմ տարվող պայքարի մասին, և շատերիս գլուխը լի էր Սևծովյան շրջանի վերաբերյալ կանխակալ կարծիքներով, և Ջեմիլն առաջինն էր, ով մեզ մատնացույց արեց պետության, էներգետիկ ընկերությունների և, մինչև իսկ, ակտիվիստ խմբերի կողմից շրջանառվող և մոլորեցնող միֆերը:

Նրանից շատ բան ենք սովորել` Թուրքիայի գյուղական շրջաններում կապիտալիստական քաղաքականության, Սևծովյան շրջանում տեղի ունեցող զարգացումների, Համշենի պատմագրության, էկոլոգիայի պահպանման համար տարվող պայքարի և այդ խնդիրները ներկայացնելու վերաբերյալ: Թեև այդ ամենը նա մեծ հուզմունքով էր պատմում մեզ, բայց երբեք չէր կորցնում վերլուծական մտածողությունն ու մտավորականին վայել հանգստությունը:

Չենք մոռացել նաև Ջեմիլի առատաձեռնությունը: Միշտ երախտագիտությամբ ենք հիշելու, թե ինչպես էր նա իր գրադարանի դռները բացում Արդվին եկած յուրաքանչյուր ուսումնասիրողի առջև, գրադարան, որը ցրվեց ոստիկանության խուզարկման հետևանքով, ինչպես էր ամեն ակտիվիստի և արվեստի գործչի տասնյակ գրքեր ու հոդվածներ տրամադրում, ինչպես էր նրանց հյուրասիրում Արդվինում ու Խոփայում և նույնիսկ առանց երկմտելու իր տան դռները բացում առաջին անգամ ծանոթացած մարդկանց առջև: Կասկած չունենք, որ նա այդպես է վարվել մամլո հաղորդագրության, բողոքի ցույցի, դատական նիստի և քննարկման համար Սևծովյան շրջան ժամանած ամեն մի ընկերոջ նկատմամբ:

Ջեմիլի ձերբակալությունից ընդամենը 2 օր առաջ նրա կինը` խոփացի ակտիվիստ Նուրջան Վայիչը ևս ձերբակալվել էր` դարձյալ նմանատիպ հիմնավորմամբ: Մեր անհանգստությունը մեծանում է այն մտքից, որ նրանց որդին` 8-ամյա Արևը, այդպիսով բաժանվել է իր ծնողներից: Ակնկալում ենք, որ իրենց սոցիալական գրառումների պատճառով ազատազրկված Ջեմիլն ու Նուրջանը, գրառումներ, որոնք պետք է արժևորվեն խոսքի ազատության շրջանակներում, շուտով ազատ կարձակվեն և կմիանան իրենց սիրասուն զավակին` Արևին»:

Հ. Գ. Նամակի տակ ստորագրել են 18 հոգի, մեծ մասամբ` թուրքեր:

Տպել
800 դիտում

ՀՀ վարչապետը հրաժարական ներկայացրեց

Մեր ձեռքը մեկնած է, օդում է՝ նոր խաղի կանոներով աշխատելու համար. Միրզոյանը՝ Հունան Պողոսյանի մասին

Կարեւոր է, որ «Ելք» խմբակցությունն ակտիվ դերակատարում ունենա առաջիկայում. վարչապետ

Մեր նպատակն իսկապես նույնն է. Ռուստամյանը՝ Փաշինյանի հետ հանդիպման ժամանակ (լուսանկարներ)

Եկանք այն փոխզիջման, որ 4-րդ ուժը կարող է հայտնվել ԱԺ-ում, եթե հավաքել է առնվազն 2% քվե. Միրզոյան-ԲՀԿ հանդիպում

55-ամյա տղամարդը պատահաբար խմել է քացախաթթվային էսենցիա և մահացել

Հովիկ Աբրահամյանին պատկանող գործարանից հայտնաբերված զենք-զինամթերքն անօրինական է, բայց կապ չունի Մարտի 1-ի հետ

Քրեական հեղինակություն Նորատուսցի Արային մեղադրանք է առաջադրվել. խուզարկվել է նրա բնակարանը

Երեւան քաղաքի Հասրաթյան փողոցի հետիոտնային անցումը կվերակառուցվի

Ucom-ի բոլոր հեռուստադիտողները կվայելեն ամենապահանջված հեռուստասերիալների 4 հեռուստաալիքներ

Վանեցյանը Մինասյանին ասել է, որ նա կարող է մնալ հավաքականում, բայց նա հրաժարական է տվել

Արա Բաբլոյանը Ժնեւում մասնակցում է Միջխորհրդարանական միության 139-րդ վեհաժողովի աշխատանքներին

Ֆրանկոֆոնիան անհանգստացրել է Բաքվին. Արցախի հարցում զգուշավոր են

Moody's միջազգային վարկանշային գործակալությունն Ինեկոբանկին շնորհել է B1 վարկանիշ

Ես համաձայն չեմ Վիգեն Սարգսյանի դիտարկման հետ. Արարատ Միրզոյան

Կառավարությունն ԸՕ-ի նախագիծն այնպես է բերում, որ ասի՝ դե ես բերեցի, խորհրդարանը չընդունեց. Վիգեն Սարգսյան

Մայքլ Ջեքսոն՝ Արամ Խաչատրյանում. Հայաստանի պետական սիմֆոնիկ նվագախումբը հանդես կգա նորովի

Շարունակենք միմյանց հետ համագործակցել. Փաշինյանը հանդիպել է ՀՅԴ ներկայացուցիչների հետ

Էդուարդ Մարտիրոսյանը նշանակվել է Ազգային անվտանգության ծառայության տնօրենի տեղակալ

Վարչապետ չընտրվելու կանխավարկածով. Նիկոլ Փաշինյանն ընդունել է ԵԼՔ խմբակցության անդամներին