Իրանը ԼՂ հարցում ունի կառուցողական դիրքորոշում. Իրանի մեջլիսի հայ պատգամավոր

Պարսկերեն «Ղանուն» օրաթերթը հրապարակել է Իրանի Մեջլիսի հայազգի պատգամավոր Կարեն Խանլարյանի հարցազրույցը, որի թարգմանությունը ֆեյսբուքի իր էջում հրապարակել է իրանագետ Արմեն Իսրայելյանը: 

Հայազգի խորհրդարանականը, անդրադառնալով Իրան-Հայաստան հարաբերություններին՝ նշել է, որ երկու երկրներն ունեն ռազմավարական հարաբերություններ, հավելելով, որ կողմերն իրենց համագործակցությունը խորացնում են բոլոր ոլորտներում, տնտեսությունից՝ մշակույթ:

Անդրադառնալով Արցախի հարցում Իրանի Իսլամական Հանրապետության դիրքորոշմանը՝ Կարեն Խանլարյանը նշել է, որ Իրանը ԼՂ հակամարտության հարցում ունի կառուցողական դիրքորոշում և հակված է, որպեսզի խնդիրը լուծվի խաղաղ ճանապարհով. այդ համատեքստում հայազգի պատգամավորը իրանցի ընթերցողների ուշադրությունը հրավիրել է այն հանգամանքի վրա, որ հակամարտության կողմերից մեկը՝ Ադրբեջանը բանակցություններին զուգահեռ մշտապես փորձում է պատերազմ սանձազերծել:

ԻԻՀ խորհրդարանի հայազգի պատգամավորը շեշտել է միջազգային հանրության կողմից Հայոց ցեղասպանության ճանաչման և դատապարտման անհրաժեշտությունը՝ հավելելով, որ իրանահայ համայնքն ակնկալում է, որպեսզի Թեհրանը պաշտոնապես հանդես գա դատապարտող հայտարարությամբ:

Կարեն Խանլարյանը հարցազրույցում անդրադարձել է նաև մշակույթի և կրթության ոլորտում իրանահայ համայնքի ունեցած ձեռքբերումներին ու մշակութային հարուստ ժառանգությանը՝ իհարկե չանտեսելով նաև համայնքի առջև ծառացած սոցիալական խնդիրները:

Իրանագետ Արմեն Իսրայելյանը նկատում է, որ հաշվի առնելով տարածաշրջանում առկա մարտահրավերները և այն խնդիրները, որոնց առնչվում է Իրանը` այդ պայմաններում ինչպես Իրանի խորհրդարանի մեր պատգամավորները, այնպես էլ ազգային կառույցների ներկայացուցիչները վերջին շրջանում բավականին մեծ ջանքեր են գործադրում Հայաստանի (այդ թվում Արցախի) շահերն Իրանում առաջ տանելու, իրանահայ լրագրողներին ու փորձագետներին Հայաստանը լավագույնս ներկայացնելու և հայապահպանմանն ուղղված կարևոր քայլեր իրականացնելու ուղղությամբ:

Տպել
1821 դիտում

Ընտրացուցակներ մաքրելուց մինչեւ օրենքով գողեր. Վալերի Օսիպյանի 100 օրը

ԲԴԽ-ն մշակել է արդարադատության արդյունավետության բարելավման հայեցակարգ

Արցախում ծնունդների թիվն ավելացել է, նորածին տղաների թիվը գերակշռում է աղջիկներին

Անդրիաս Ղուկասյանը ԿԸՀ-ի դիմաց պահանջում է Տիգրան Մուկուչյանի հրաժարականը (տեսանյութ)

Ինչ կապ ունի Ֆելիքս Ցոլակյանը քաղաքացու բնակարանը խլելու հետ. փողոցում են հայտնվել

Վարչապետն ընդունել է ապրիլյան քառօրյա պատերազմում զոհված զինվորների ընտանիքների անդամներին

Շարունակվում է ՀՀ պաշտպանության նախարարի աշխատանքային այցը ՌԴ

Մերկելը Բաքվում քննադատելու է Ալիեւին. Աշոտյան

Փաշինյանն ընտրությունից հետո կստանա ժողովրդի ճնշող մեծամասնության աջակցությունը. փաստաբան

«Փյունիկ» ֆուտբոլային ակումբը փոխել է տարբերանշանը

Հայրենադարձներին ավելի շատ հուզում է ՀՀ-ում աշխատատեղերի բացակայությունը. Մ. Հայրապետյան

Ադրբեջանի դիրքորոշումը չի նպաստում Լեռնային Ղարաբաղի շուրջ երկխոսությանը. Բեռլին

Գազի մատակարարման դադարեցումներ կլինեն Քանաքեռ -Զեյթունում եւ Ֆիոլետովո համայնքում

Ակտաուի կոնվենցիան՝ արտաքին քաղաքականության ցուցիչ

Պատրաստվել տեւական պայքարի. Իրանի նախագահը կոչ է անում դիմակայել ԱՄՆ-ին

Մեգանը ու Հարին կհետեւեն խիստ կանոնների, եթե որոշեն երեխա ունենալ

ՀՀ-ն ու ՌԴ-ն քննարկելու են ռազմական ոլորտում համագործակցության իրավական հարցերը

ԱՄՆ-ը, Իսրայելն ու ՌԴ-ն համամիտ են Սիրիայից ու Իրաքից Իրանի զորքերի դուրս բերման հարցում

Նռնակ են նետել Զովասարի մշակույթի տան տնօրենի տան ուղղությամբ. կասկածյալը ՊՆ աշխատակից է

Չենք խառնվում ՀՀ ներքաղաքական իրադարձություններին. Դավիթ Բաբայան