Սերժ Սարգսյանը պաշտոնապես սկսեց իր նախընտրական քարոզարշավը. քաղաքագետ

Քաղաքագետ Արմեն Բաղդասարյանը կարծում է, որ նոյեմբերի 9-ին Սերժ Սարգսյանի ունեցած ծավալուն ելույթը նախընտրական ելույթի տրամաբանություն ուներ: Աս մասին քաղաքագետն ասաց «Հայկական ժամանակ»-ի հետ զրույցում՝ խոսելով Սարգսյանի ելույթում հնչած գնահատականների մասին:

Պարոն Բաղդասարյան, ՏԻՄ-երի վերաբերյալ իր ծավալուն ելույթում Սերժ Սարգսյանը խոսում է ՀՆԱ-ի, ԵԱՏՄ շուկայի, ժողովրդագրական պատկերի եւ այլնի մասին: Տեսակետներ կան, որ այս ելույթն ավելի շուտ վարչապետի ելույթ էր: Ինչպե՞ս կգնահատեք ելույթը 2018 թվականին ընդառաջ:

- Հաշվի առնելով, որ 2018 թվականի ապրիլից հետո այսօրվա նման նախագահ եւ վարչապետ չի լինելու, լինելու է պետության մի դեմք, որը պատասխանատու է լինելու այսօրվա վարչապետի եւ նախագահի գործողությունների համար: Այսինքն՝ ե՛ւ տնտեսության համար, ե՛ւ արտաքին քաղաքականության: Դա պետության առաջին դեմքի ելույթ էր եւ դա ընդամենը իմ պատկերացմամբ նախընտրական ելույթ էր: Սերժ Սարգսյանը, կարելի է ասել, պաշտոնապես սկսեց իր նախընտրական քարոզարշավը:

Այսինքն՝ սրանից հետո Սերժ Սարգսյանի հայտարարությունները նախընտրական ոճի մե՞ջ են լինելու, նույնաբովանդա՞կ են լինելու:

- Ես կարծում եմ, որ ինքն արդեն նախընտրական ռեժիմով է աշխատում եւ սրանից հետո հենց այդ ռեժիմով էլ շարունակելու է աշխատել: Այսինքն՝ ընտրություններ որպես այդպիսին, վարչապետի չի լինելու, բայց դա ուղղված է լինելու նրան, որ հասարակական ընդվզումը մեծ չլինի: Հասարակությունն այնքան էլ շատ չբարկանա, որ Սերժ Սարգսյանը շարունակելու է պաշտոնավորել: Ընտրություն չկա, բայց իմիջի խնդիր կա չէ՞:

Ելույթում Սերժ Սարգսյանը հիշեցնում է նաեւ 2040 թվականին ՀՀ-ի բնակչությունը 4 միլիոն դարձնելու իր նախորդ հայտարարությունը: Իրատեսակա՞ն է այդ միտքը:

- Սերժ Սարգսյանն արդեն 10 տարի է պետության առաջին դեմքն է, եւ Սերժ Սարգսյանը միշտ արտասանել է շատ գեղեցիկ ելույթներ, որոնք երբեք իրատեսական չեն եղել: Համենայնդեպս, վերջին տարվա ընթացքում իր արտասանած ելույթներից երեւէ մեկն իրականություն չի դարձել գոնե կիսով չափ: Հաշվի առնելով նախորդ 10 տարիների փորձը, ես բացարձակապես իրատեսական չեմ համարում իր տեսլականը, ինչպես որ իր ցանկացած նախընտրական ելույթը:

- Խոսելով համայնքապետերի մասին՝ Սերժ Սարգսյանն ամոթ որակեց համայնքային գումարները տուն տանող գյուղապետերի արարքը, եւ որ այսուհետ չեն ներվելու նման գյուղապետերը: Ինչպե՞ս եք գնահատում այս հայտարարությունը: Այսինքն՝ մինչեւ այժմ կատարվածը ներվո՞ւմ էր, իսկ հիմա՝ ո՞չ:

- Ուրիշ բան, որ դրանով իրավապահ մարմինները զբաղվեին, ինքն էլ որպես նախագահ, իրավապահ մարմինների զբաղվելուց հետո որոշեր համաներում հայտարարել, ներել կամ ոչ: Դա իրավական պետության ղեկավարին հարիր խոսք կլիներ: Իր ասածը քաղաքական խոսք չէր, ինքն այնպես ասեց, կարծես թե, իր անձնական միջոցներն են տարել, ինքը ներում է: Իսկ Սերժ Սարգսյանը քաղաքացիներին, այդ համայնքների բնակիչներին հարցրե՞լ է՝ իրենք համաձա՞յն են ներել համայնքի ղեկավարներին, որ գումարը տարել, դրել են իրենց տանը: Ես համաձայն չեմ ներելուն: Այդ թվում՝ իմ գումարն են չէ՞ տարել, որպես ՀՀ հարկատուի: Համաձայն չեմ, ինչի՞ է Սերժ Սարգսյանը բոլորի անունից նրանց ներում շնորհում:

- Սերժ Սարգսյանը զգուշացրեց մարզպետներին, որ հետայսու իրեն ինչ-որ մի գյուղապետի հարցով չմիջնորդեն: Կարո՞ղ ենք արձանագրել, որ առնվազն մինչեւ ելույթի պահը միջնորդավորված հովանավորչություն է տեղի ունեցել տեղական իշխանությունների մակարդակում:

- Մենք ուզենք, թե չուզենք պետք է այդպիսի եզրակացություն անենք եւ հասկանալի է թե ինչու: Գյուղապետերն էական դերակատարում են ունեցել ընտրությունների ժամանակ, ձայներ են ապահովել իշխող կուսակցության համար եւ քանի որ կարելի է ենթադրել, որ սրանից հետո ընտրություններում համայնքապետերի դերը նվազել է, դրա համար իշխանություններն իրենց վերաբերմունքը խստացնում են համայնքապետի նկատմամբ: Վերջիններիցս կախվածությունը շատ քիչ է, որովհետեւ սրանից հետո իշխանություններն ընտրությունները կեղծելու առումով հույս են դնելու ռեյտինգային թեկնածուների վրա, ոչ թե համայնքի ղեկավարների:

Տպել
2331 դիտում

Արցախի ՊԲ հրամանատար Լեւոն Մնացականյանը եւ ԱԱԽ քարտուղար Վիտալի Բալասանյանը աշխատանքից ազատվե՞լ են

Բնակիչների ահազանգերը տասնապատկվել են և դա լավ է, պետությունը առողջանում է. Հայկ Մարության

Սիրիահայ ուսանողների ուսման վարձը փոխհատուցելու համար կառավարությունը 13,7 մլն դրամ կհատկացնի

Անցկացվում է գումարտակի մարտավարական զորավարժություն

Չավուշօղլուն կմեկնի Բաքու` մասնակցելու արտգործնախարարների խորհրդի 39-րդ նիստին

Սպանված ոստիկան Յուրի Տեփանոսյանի կինը ներգրավվել է որպես իրավահաջորդ՝ փոխարինելով տուժողի հորը

Դեկտեմբերի 13-ին Երևանում կկատարվեն երթեւության կազմակերպման փոփոխություններ

Առանձին դեպքերում նկատվել են վարչական ռեսուրսի չարաշահման դեպքեր. ՔՈ հայտարարությունը

Վիճակագրական կոմիտեի նախագահ Ստեփան Մնացականյանն արձակուրդ է գնում

Փրկարարները կանխել են 9-րդ հարկից նետվել սպառնացող մարդու ինքնասպանության փորձը

Փոխվարչապետի որոշմամբ սահմանվել են քաղծառայողի փորձաշրջանի հետ կապված առանձնահատկությունները

Վաչագան Ղազարյանի խափանման միջոցի վերաբերյալ որոշումը կհրապարակվի 4 ժամից. նա մասնակցել է նիստին եւ հայտարարություն արել

Ժամը 20:00-ի դրությամբ բքի և տեսանելիության բացակայության պատճառով Վարդենյաց լեռնանցքը փակ է

Հինգ տարի հետո մեր դպրոցն անճանաչելի է դառնալու. Արայիկ Հարությունյան

Ըստ մեղադրանքի՝ որովայնը մարմնի ո՞ր մասն ա. Սաշիկ Սարգսյանի որդու համար պարզ չէ մեղադրանքի էությունը

Քրիստինե Սարգսյանը նշանակվել է «Առողջապահական ծրագրերի իրականացման գրասենյակ»-ի տնօրենի ԺՊ

Հարուցվել է քրեական գործ՝ կրկնակի քվեարկության փորձ կատարելու դեպքի առթիվ. ՔԿ

Գոռ Մինասյանը ճանաչվել է Գյումրու 2018-ի լավագույն մարզիկ

Չարենցավանում Փաշինյանը հորդորեց դասի գալ, մարզպետը նշանակեց տնօրենին, ծնողները դժգոհ մնացին

N17 հատուկ դպրոցի խորհուրդն այսօր չկարողացավ տնօրեն ընտրել. իսկ կարգը կխախտվի՞