ՄՅՈՒ-ում Մխիթարյանին Ժուաու Մարիուով փոխարինելու լուրերն աստիճանաբար իրական են թվում

Բրիտանական լրատվամիջոցները կիսապաշտպան Հենրիխ Մխիթարյանի՝ «Մանչեստեր Յունայթեդից» հեռանալու մասին արդեն ավելի վստահորեն են խոսում: Նրա ապագայի վերաբերյալ տարբեր վարկածներ էին շրջանառվում, սակայն արդեն հայ ֆուտբոլիստին փոխարինելու հիմնական թեկնածու են համարում «Ինտերի» պորտուգալացի կիսապաշտպան Ժուաու Մարիուին: Այս մասին խոսում են նաեւ իտալական լրատվամիջոցները:

Նշվում է, որ թիմերը կփոխանակեն ֆուտբոլիստներին: Հնարավոր է նաեւ, որ նրանք կես տարի վարձակալական հիմունքներով փոխանակեն նրանց: Ավելի վաղ հայտնում էին, որ «Ինտերը» պորտուգալացու փոխարեն ցանկանում է ստանալ «Յունայթեդի» կիսապաշտպան Խուան Մատային, սակայն Մոուրինյոն առաջարկել է հայ ֆուտբոլիստին:

Ըստ լրատվամիջոցների՝ Մոուրինյոն իր թիմի կազմում իրականում ուզում է տեսնել «Արսենալի» կիսապաշտպան Մեսութ Օզիլին, սակայն նրան ձեռք բերելը բավական բարդ է: «Զինագործները» չեն ցանկանում հրաժարվել Գերմանիայի հավաքականի խաղացողից, եւ այդ պատճառով Մոուրինյոն ուշադրությունը կենտրոնացրել է Ժուաու Մարիուի վրա:

Բացի Մարիուից՝ «Յունայթեդի» տրանսֆերային թիրախում եւս մեկ ֆուտբոլիստ կա: Ըստ լուրերի՝ «մանկունյանցիները» հետաքրքրված են «Հոֆենհայմի» կիսապաշտպան Նադիմ Ամիրի ծառայություններով:

Լրատվամիջոցները չեն բացառում նաեւ, որ Մխիթարյանը կարող է վերադառնալ Դորտմունդի «Բորուսիա»: Գերմանական թիմը հեռացած ֆուտբոլիստներին հետ բերելու փորձ ունի: Օրինակ, թուրք կիսապաշտպան Նուրի Շահինը հետ եկավ 2014 թ.՝ 2011-ին «Ռեալին» վաճառվելուց ու դրանից հետո «Լիվերպուլում» վարձավճարով հանդես գալուց հետո: Կիսապաշտպան Մարիո Գյոտցեն էլ վերադարձավ 2013-16 թթ. «Բավարիայում» խաղալուց հետո: Կիսապաշտպան Սինձի Կագավան «Բորուսիայից» ՄՅՈՒ էր տեղափոխվել 2012 թ., իսկ 2014-ին վերադարձավ գերմանական ակումբ:

Ամեն դեպքում, ըստ ԶԼՄ-ների, Մխիթարյանն արդեն գիտի՝ ինչ է իրեն սպասվում հունվարյան տրանսֆերային պատուհանի ժամանակ: Անցած հանգստյան օրերին նա հանդիպել է Ժոզե Մոուրինյոյի հետ եւ խոսել իր ապագայի մասին:

Մխիթարյանը «կարմիր սատանաների» մեկնարկային կազմում չի եղել նոյեմբերի 5-ին կայացած Անգլիայի Պրեմիեր լիգայի 11-րդ տուրի «Չելսիի» դեմ խաղից սկսած: Դրանից հետո միայն 20 րոպե խաղաժամանակ է ստացել 13-րդ տուրի «Բրայթոնի» դեմ խաղում:

Տպել
3241 դիտում

ԼՂՀ անկախության հանրաքվեի եւ Սահմանադրության օրն է այսօր. Բակո Սահակյանի շնորհավորական ուղերձը

Մեղրի-Ագարակ ավտոճանապարհին բեռնատար ավտոմեքենայում հրդեհ է բռնկվել

Արձանագրվել է ենթադրյալ ընտրական հանցագործության 252 դեպք. 108-ով նախապատրաստվում են նյութեր.

Ընտրություններին ՔԿՀ-ներում մասնակցել է 56 կալանավորված անձ և դատապարտյալ

Վարդենյաց լեռնանցքը փակ է բեռնատարների, դժվարանցանելի՝ թեթև մարդատարների համար

Ինչպես էին Աննա Հակոբյանն ու Նիկոլ Փաշինյանը հետեւում ընտրությունների արդյունքներին

Հզո՛ր, հզո՛ր, հզո՛ր ժողովուրդ. Նիկոլ Փաշինյանը՝ ԱԺ ընտրությունների քվեարկությանն ի պատասխան

Առերևույթ ընտրախախտումների վերաբերյալ ՀՀ քննչական կոմիտեն ստացել է 51 հաղորդում

«Իմ քայլ»-ը ստացել է 70.43 %, ՀՀԿ-ն չի անցել շեմը. ԿԸՀ-ն հաշվել է 2010 տեղամասերի տվյալները

10/50 ընտրատեղամասի թեկնածուների առաջատար եռյակն «Իմ քայլը» դաշինքից է, Ա. Սիմոնյանը՝ 1-ին տեղում

Այդ թիվը բացակա ընտրողներն են, մահացած ընտրողներն են, գրանցված լինելն ու ապրելը տարբեր են. Ն. Փաշինյան

Առափիում հաղթել է «Իմ քայլը» դաշինքը, ՀՀԿ-ն չորրորդ տեղում է

33/15. Արեւշատում նախնական տվյալներով առաջին տեղում է Սոֆիա Հովսեփյանը

10/49 ընտրատեղամասում դարձյալ հաղթեց «Իմ քայլը» դաշինքը

էրեբունու 10/50 ընտրատեղամասում «Օրինաց երկիր» կուսակցությունը 0 ձայն է ստացել

«Իմ քայլը» դաշինքը Գյումրիում չի զիջում առաջատարի դիրքը, 2-րդ տեղում ԲՀԿ-ն է, 3-րդում՝ Լուսավոր Հայաստանը

Լոռու 25 ընտրատեղամասերի արդյունքներով «Իմ Քայլը» առաջատար է՝ 67,17 տոկոսով, ՀՀԿ-ն չորրորդն է

6/05 ընտրատեղամասում «Իմ քայլը» կուսակցությունների դաշինքը հաղթում է՝ 517 ձայնով

Մահացել է Մաքսիմ Հակոբյանը

7/34 ընտրատեղամասում «Ազգային առաջընթաց» կուսակցությունը 0 ձայն է ստացել