Սարգսյա՞ն, թե՞ Կարապետյան. Մոսկվան ուշադրությամբ հետեւում է հայաստանյան զարգացումներին

Ռուսաստանն ուշադրությամբ հետեւում է Հայաստանում 2018 թ-ի ապրիլից առաջ տեղի ունեցող ներքաղաքական, ավելի կոնկրետ ներիշխանական զարգացումներին: Պաշտոնական Մոսկվային հետաքրքիր է, թե 2018 թ-ի ապրիլից հետո, երբ տեղի ունենա վերջնական անցում կառավարման խորհրդարանական մոդելին, ով է ստանձնելու Հայաստանի վարչապետի պաշտոնը եւ ում քաղաքական թիմն է ղեկավարելու երկիրը: Այս մասին մեզ հետ զրույցում հայտնեց Ռուսաստանի ԱԳՆ-ի բարձրաստիճան ներկայացուցիչը՝ չցանկանալով նշել իր անունը:

Աղբյուրի փոխանցմամբ, թեպետ Ռուսաստանում 2018 թ-ի գարնան եւս սպասվում են նախագահական ընտրություններ, սակայն Հայաստանը Մոսկվայի տեսադաշտից դուրս չի մնում: «Հատկապես հաշվի առնելով անկայուն իրավիճակը ՝Հարավային Կովկասին հարեւան Մերձավոր Արեւելքում ու վերջերս նորից սրվող Իրան-ԱՄՆ հարաբերությունները, եւ այն, որ տարածաշրջանում ՀՀ-ն Ռուսաստանի միակ դաշանակիցն է, որտեղ տեղակայած է ռուսական ռազմաբազա, գործում է միավորված զորախումբ ու միասնական ՀՕՊ համակարգ, ապա Հայաստանի կարեւորությունը Մոսկվայի համար դժվար է թերագնահատել: Ուստի Հայաստանում ներհամակարգային տրանսֆորմացիայի վերջնական փուլին մեծ կարեւորություն է տրվում Ռուսաստանում», - ասաց նա:

Նրա խոսքով, սա կարեւոր է նաեւ ԼՂ հակամարտության տեսանկյունից, որտեղ Ռուսաստանը ԱՄՆ-ի ու Ֆրանսիայի հետ հանդես է գալիս միջնորդի դերում: «Երկիրն անցնում է կառավարման խորհրդարանական ձեւին եւ փաստացի վարչապետն է լինելու հիմնական բանակցողն այս հարցում: Իսկ այս առումով կարեւոր է նրա անձն ու թիմը, թե ում հետ պետք է պայմանավորվել, խոսել, բանակցել ԼՂ հիմնախնդրի համատեքստում»,- ասաց նա:

Նա հիշեցրեց, որ ժամանակին՝ ՀՀ-ում սահմանադրական փոփոխություններից առաջ, Սերժ Սարգսյանը հայտարարել էր նախագահի կամ վարչապետի պաշտոնի նկատմամբ հավակնություններ չունենալու մասին: «Եթե չեմ սխալվում նման հայտարարություն արել էր ՀՀ նախագահը, սակայն այժմ նշում է, որ վերջնական որոշում չի կայացրել, իսկ իշխանության տարբեր թեւերից հայտարարում են, որ կցանկանային նրան տեսնել վարչապետի պաշտոնում: Սա հանրային քաղաքականություն է եւ նման հայտարարություններն ու դիրքորոշումների փոփոխությունները թույլատրելի են քաղաքական գործիչների համար»,- ասաց մեր զրուցակիցը:  

Միեւնույն ժամանակ բարձրաստիճան դիվանագետը հստակ չնշեց՝ Մոսկվայի համար Սերժ Սարգսյանի՞, թե՞ Կարեն Կարապետյանի թեկնածությունն է նախընտրելի ապագա վարչապետի պաշտոնում, բայց գրեթե վստահություն հայտնեց, որ այդ հարցում վերջնական որոշումը կկայացվի Ռուսաստանի իշխանությունների հետ խորհրդակցություններից հետո:

«Հաշվի առնելով պահի լրջությունը եւ Հայաստանի ու Ռուսաստանի սպեցիֆիկ հարաբերությունները, չեմ կարծում, որ այս հարցում վերջանական որոշում կայացվի առանց Ռուսաստանի հետ խորհրդակցությունների: Մյուս կողմից՝ չեմ էլ կարող ասել, թե Կրեմլում որքան հեռու կարող են գնալ՝ այս կամ այն թեկնածուին աջակցելու հարացում: Բայց որ կոնսուլտացիաներ կլինեն, գրեթե կասկած չունեմ»,- եզրափակեց նա:

Հիշեցնենք, որ 2014 թ-ի ապրիլի 10-ին իր նստավայրում ՀՀ Նախագահին առընթեր սահմանադրական բարեփոխումների մասնագիտական հանձնաժողովի անդամների հետ հանդիպմանը, Սերժ Սարգսյանը հայտարարեց. «Պաշտոնապես հայտարարում եմ, որ ես, Սերժ Սարգսյանս, այլեւս երբեք չեմ առաջադրվելու Հայաստանի Հանրապետության Նախագահի պաշտոնի համար: Եթե վերջնական քննարկումների արդյունքում իմ ցանկությանը չհամապատասխանող ուղի ընտրվի, նկատի ունեմ պառլամենտական կառավարման մոդելը, ապա ես չեմ հավակնի նաեւ վարչապետի պաշտոնին: Վստահ եմ անգամ, որ մեկ մարդը երկու անգամից ավելի իր կյանքում չպետք է հավակնի ընդհանրապես երկրի կառավարման ղեկին Հայաստանում»:

Այնուհետեւ, սակայն Սարգսյանը քանիցս հայտարարել է, որ իր քաղաքական ապագայի հարցում վերջնական որոշում դեռեւս չի կայացրել: Դրա հետ մեկտեղ իր ելույթներում խոսում է հեռահար նպատակների՝ Հայաստանում 2040 թ-ին 4 մլն բնակչություն ունենալու եւ մի քանի տարիների ընթացքում մեկ շնչի հաշվով ՀՆԱ-ն 10 հազար դոլարին հասցնելու մասին՝ չթողնելով մեծ քաղաքականության գործիչ մարդու տպավորություն: Իսկ մի քանի օր առաջ ՀՀԿ նախագահի տեղակալ, ԱԺ պատգամավոր Գալուստ Սահակյանը հայտարարել էր, որ վարչապետի թեկնածուի հարցում ՀՀԿ-ում «այս պահին բոլորը կողմնորոշված են» եւ այդ պաշտոնը ստանձնելու է Սերժ Սարգսյանը:

«Այս պահին բոլորը կողմնորոշված են եւ որեւէ մեկի եթե հարցնենք, համոզված չեմ, որ նույն պատասխանը չի տալու: Սերժ Սարգսյանը միակ անձն է, որ ունի քաղաքական հենարան»,- ասել էր նա եւ հավելել, որ Կարեն Կարապետյանը, որ հանդիսանում է ՀՀԿ նախագահի առաջին տեղակալը, նման «քաղաքական հենարան» չունի: «Եթե Կարեն Կարապետյանն այնպիսի քաղաքական ուժ ունենար եւ այնպիսի ուժ, որը կկարողանար հաղթահարել... անընդհատ Կարեն Կարապետյան եք ասում, բայց ես չեմ կարծում, որ խնդիրը գնում է այդ ուղղությամբ: Ես ասում եմ, որ կլինի Սերժ Սարգսյանը: Ամեն ինչ պետք է անենք, որ նա ուզենա: Չի կարող նման երեւույթ լինել, որ Սերժ Սարգսյանը չուզենա լինել վարչապետ»,- եզրափակել է Գալուստ Սահակյանը:

Տպել
4020 դիտում

Թուրքիայում բացվել է պոլսահայ աշխարհահռչակ լուսանկարիչ Արա Գյուլերի թանգարանը (տեսանյութ)

Ոստիկանության պետի հրամանով 8 ծառայողների սպայական կոչումներ են շնորհվել

Դավիթ Բեկի և Հունան Ավետիսյանի փողոցների խաչմերուկի լուսացույցները կտեղափոխվեն ու կփոխվեն

Սուրբ Կարապետ վանքի հարևանությամբ գտնվող ավազահանքում փլուզում է տեղի ունեցել. կա զոհ

Առողջապահության նախարարը կմեկնի Քատարի Պետություն

Ն. Փաշինյանը մի քանի տասնյակ սփյուռքահայերի ՀՀ-ում հատուկ կացության կարգավիճակ է շնորհել

Բելգիայի թագավորական ընտանիքը մասնավոր այցով Հայաստանում է

Ովքեր եւ ինչի համար էին Զովասարում այս գիշեր ցանկացել տուն պայթեցնել. մանրամասներ

100 օրվա ամփոփում. հեղափոխություն առանց ծանր հետեւանքների

Բռնցքամարտիկ Արամ Ավագյանը կքննարկի ՀՀ ընտրանու հետ կրկին մենամարտերի մասնակցելու հարցը

«էլեկտրիկ Երևան»-ի ամենահայտնի ցուցարարն ու լրագրող Զ. Մեջլումյանը՝ Դ. Սանասարյանի թիմում

«Արմնյուզ»-ի վաճառքի մասին տեղեկությունները կեղծ են. Հրաչյա Քեշիշյան

Պաշտպանը «Վարդաշեն» ՔԿՀ-ում հանդիպել է Շանթ Հարությունյանի հետ

«Դիլիջան ազգային պարկ»-ից 9-ը հազար ծառ հատելու համար մեղադրանք է առաջադրվել 15 անձի

Դատախազը «շու՞տ է մոռացել իր հայտարարությունները». Դավթյանը պատասխանում է Շարմազանովին

Ընտրացուցակներ մաքրելուց մինչեւ օրենքով գողեր. Վալերի Օսիպյանի 100 օրը

ԲԴԽ-ն մշակել է արդարադատության արդյունավետության բարելավման հայեցակարգ

Արցախում ծնունդների թիվն ավելացել է, նորածին տղաների թիվը գերակշռում է աղջիկներին

Անդրիաս Ղուկասյանը ԿԸՀ-ի դիմաց պահանջում է Տիգրան Մուկուչյանի հրաժարականը (տեսանյութ)

Ինչ կապ ունի Ֆելիքս Ցոլակյանը քաղաքացու բնակարանը խլելու հետ. փողոցում են հայտնվել