Ուսուցչի աշխատավարձի կրճատման մասին լուրերն անհիմն են. իսկ ի՞նչ կլինի 2019 թվականին

Ուսուցիչների շրջանում տեղեկություններ են տարածվում, որ 2018 թվականի հունվարից իրենց վճարվող աշխատավարձերը կրճատվելու են 5 հազարական դրամով, ինչը եւ չափազանց մտահոգել է նրանց:  

ՀՀ կրթության եւ գիտության նախարարության հանրակրթության վարչության պետ Աշոտ Արշակյանը, պատասխանելով խնդրի վերաբերյալ մեր հարցմանը, ասաց.

«Ես չգիտեմ՝ այդ լուրերը որտեղից են տարածվել: Ես ընդամենը մի բան կարող եմ ասել, որ նախարարությունում նման հարց չի քննարկվել»:

Կրթության ոլորտի տարբեր պատասխանատուներ, այդ թվում՝ նախարար Լեւոն Մկրտչյանը, ավելի վաղ հայտարարել են դպրոցների ֆինանսավորման նոր բանաձեւի անցնելու մտադրության մասին: Նշվում էր, որ այդ ամենի արդյունքում նաեւ պետք է սահմանվի ուսուցչի բազային աշխատավարձ, որպեսզի դրա չափը կախված չլինի աշակերտների թվից:

Դպրոցներն, ինչպես հայտնի է, ֆինանսավորվում են ըստ աշակերտների քանակի: Շեշտադրվում էր, որ այդ սկզբունքը անարդարության պատճառ է դառնում, որովհետեւ միեւնույն աշխատանքը կատարող ուսուցիչներից մեկը վարձատրվում է համեմատաբար բարձր, մյուսը՝ ցածր: Միեւնույն ժամանակ չէր բացառվում, որ հավասարության ապահովման ընթացքում հնարավոր է ընտրվի երկու աշխատավարձի միջինացված տարբերակը: Այսինքն՝ մեկի աշխատավարձը նվազի, մյուսինը՝ բարձրանա:

Աշոտ Արշակյանն ասաց, որ դպրոցների ֆինանսավորման նոր բանաձեւը դեռ քննարկաման փուլում է, հետեւաբար դրանից բխող որեւէ փոփոխություն չկա: «Այդ բանաձեւը որեւէ կապ չունի ներկայիս գործող ֆինանսավորման հետ: Այն դեռ չի կիրառվում, ինչի՞ մասին է խոսքը»,- նկատեց հանրակրթության վարչության պետը:

Մեր ճշտող հարցին, թե այսինքն՝ ուսուցիչների աշխատավարձի չափը 2018 թվականի հունվարից ոչ մի փոփոխության չի ենթարկվելու, նա պատասխանեց. «Այո, այդպիսի հարց չի քննարկվել»:

«Ուսուցչի աշխատավարձն, առհասարակ, ձեւավորվում է դպրոցում: Հնարավոր է ինչ-որ մի դպրոցում մի ուսուցչի աշխատավարձ, ժամաքանակի հետ կապված, նվազել է: Եթե մասնավոր դեպք է, ասեք՝ որ դպրոցն է, քննարկենք, հասկանանք պատճառը»,- առաջարկեց ԿԳն պաշտոնյան:

Հավելենք, որ ԿԳ նախարար Լեւոն Մկրտչյանն ասել էր, որ նախատեսվում է դպրոցների ֆինանսավորման նոր բանաձեւի անցնել 2019 թվականից:

Տպել
2674 դիտում

Քոֆի Անանի մահվան կապակցությամբ ՄԱԿ-ն ամբողջ աշխարհում կիջեցնի դրոշները

Զովունի գյուղում վրաերթի են ենթարկել 25-ամյա երիտասարդի. վիճակը միջին ծանրության է

Այսօր հոսանքի պլանային անջատումներ կլինեն Երևանում եւ 8 մարզերում

Կարվի ամեն ինչ, որպեսզի ներառական կրթությունն Արցախում դրվի բարձր հիմքերի վրա. նախարար

Սյունիքի մարզում մինչեւ 24 ժամյա ջրանջատում է սպասվում, Արարատում՝ 8 ժամյա

Այսօրվանից ջերմաստիճանը կբարձրանա, երեկոյան որոշ շրջաններում անձրեւ ու կարկուտ է սպասվում

Արցախ այցելելու համար գերմանացի պատգամավորը ներառվել է Ադրբեջանի «սև ցուցակ»-ում

15-ամյա Մարիա Կուդրյաշեւան որոնվում է որպես անհետ կորած

Հայաստանում կանցկացվեն մարդու պապիլոմա վիրուսի տարածվածության հետազոտություններ. հուշագիր

Հյուսիս-հարավի շինարարական նախագիծը փոփոխվել է՝ հնավայրերը պահպանելու համար

Որոշ գյուղմթերքներ թանկացել են, ո՞րն է պատճառը. մանրամասնում է նախարարը (տեսանյութ)

Աղթամար կղզու Սուրբ Խաչ եկեղեցում 3 տարվա ընդմիջումից հետո կրկին պատարագ կմատուցվի

Բռնաբարություն, անձի առեւանգում, ծեծ, թմրանյութեր. հանցագործության 105 դեպք՝ 3 օրում

ԿԳ նախարարի մոտ ընդունելության է գնացել 23 քաղաքացի՝ տարբեր խնդիրներով ու առաջարկներով

Երեւանի կենդանաբանական այգու ձիարշավարանում վերսկսվում են հիպոթերապիայի պարապմունքները

Հուսով եմ՝ շուտով կլինեմ ձեր կողքին. Դոն Պիպոն բաց նամակով դիմել է էջմիածինցիներին

Մոսկվայում հորը սպանած Խաչատրյան քույրերն ընդունել են իրենց մեղքը, ավագ քույրը զղջացել է

Լարսի անցակետի հերթերի պատճառը տուրիստական շրջանն է. Արմեն Փամբուխչյան (լուսանկար)

Հայաստանի արագ փոխակերպումը. հեղաշրջում, հեղափոխություն, թե՞ հակահեղափոխություն. T24

Մինչեւ վարչապետին չհասավ, չլուծվեց. քանդակագործի դին օրերով պահվել է անորոշության պատճառով