Ուզենամ ձեր ամեն մի ելույթը կհեգնեմ. «Ծառուկյան»-ի պատգամավորները հեգնեցին իրար

ՀՀ ազգային ժողովում շարունակվում է արտահերթ նիստը: Էներգետիկ ենթակառուցվածքների եւ բնական պաշարների նախարարի տեղակալ Հայկ Հարությունյանը օրենսդիրին ներկայացրեց «Էներգախնայողության եւ վերականգնվող էներգետիկայի մասին» ՀՀ օրենքում լրացում եւ փոփոխություններ կատարելու մասին օրենքի նախագծը: Նախագծով առաջարկվող փոփոխությունները եւ լրացումներն ուղղված են էներգետիկայի բնագավառում ինքնավար արտադրողների գործունեության իրականացման, վարչարարության պարզեցմանը եւ գործող մեխանիզմների կատարելագործմանը: Հարակից զեկուցող, «Ծառուկյան» խմբակցության անդամ Սերգեյ Բագրատյանն էլ մեծ ոգեւորությամբ ներկայացրեց նախագիծը՝ նշելով, որ չէր կարող գայթակղությանը չտրվել եւ չդառնալ հարակից զեկուցող, որովհետեւ շատ լավ նախագիծ է:

«Ծառուկյան» խմբակցության անդամ Վարդան Բոստանջյանը լսելով զեկուցողներին՝ ելույթ ունեցավ: «Հիմնական զեկուցողը մասամբ, իսկ հիմնականում պարոն Բագրատյանի ելույթից հետո ես հասկացա, որ ՀՀ-ի համար էլ ոչ մի բան պետք չի, սա կլինի եւ, ըստ էությամբ, լավ կապրենք, արտակարգ կլինի մեր երկիրը»,- հեգնեց Վարդան Բոստանջյանը: Վերջինս նշեց, որ խոսք չգնաց էներգետիկ անվտանգության եւ անկախության մասին:  

Սերգեյ Բագրատյանն իր հերթին ելույթ ունեցավ եւ անդրադարձավ իր գործընկեր Վարդան Բոստանջյանին: «Պարոն Բոստանջյան, դուք ուզում եք լավ ապրեք այս օրենքով, դուք լավ չեք ապրելու: Եթե ձեր գործընկերների նկատմամբ հեգնանքի փոխարեն հարգանք ունենաք, լավ կապրեք, բայց եթե դուք մենակ ուզում եք այս օրենքով լավ ապրեք, լավ չեք ապրելու: Լավ ապրելը մարդու ներսում ա լինում, երբ որ դու հարգանք ես ունենում դիմացինի նկատմամբ: Ես հեգնանքի աշխարհի չեմպիոն եմ: Եթե ես ուզենամ ձեր ամեն մի ելույթը կհեգնեմ, բայց մենք պիտի հարգենք իրար»,- հայտարարեց Սերգեյ Բագրատյանը: 

ԱԺ փոխնախագահ Էդուարդ Շարմազանովը փորձեց հաշտեցնել «Ծառուկյան» դաշինքի պատգամավորներին՝ նշելով. «Ես կարծում եմ՝ այստեղ հեգնանքի չեմպիոններ չկան, փոխադարձ հարգանքի 105 չեմպիոն կա»:

Տպել
2970 դիտում

Սպասվում են տեղումներ և մառախուղ. եղանակը Հայաստանում

Չարենցավանի թիվ 3 դպրոցում տասը օր է՝ դասադուլ է․ Նիկոլ Փաշինյանն այցելել է դպրոց

Արմեն Գեւորգյանին նոր մեղադրանք է առաջադրվել. այն կրկին առնչվում է Մարտի 1-ի գործի հետ

Բոլորս պետք է օգնենք Նիկոլ Փաշինյանին. Ռուբեն Վարդանյան

«Yandex. Քարտեզներ»-ը պատահաբար բացահայտել են Թուրքիայի եւ Իսրայելի հարյուրավոր գաղտնի օբյեկտներ

ՄԻՊ-ի աշխատակիցները չհայտարարված այց են կատարել հոգեկան առողջության կենտրոն. արձանագրվել են խնդիրներ

Ոչինչ չի երաշխավորում, որ Մխիթարյանը կմնա «Արսենալում». Paininthearsenal.com

Գարեգին Բ-ն հորդորել է ռեժիսոր Հովհաննես Գալստյանին դադարեցնել հացադուլն ու լծվել աշխատանքի

Կաշառք եւ խոշոր չափերի վատնում. Երեւանի 192 դպրոցի տնօրենի դեմ քրգործ է հարուցվել

Արմեն Գեւորգյանին կալանավորելու միջնորդություն է ներկայացվել

«Բորուսիան» խմբում 1-ին տեղը զբաղեցրեց, «Լիվերպուլը» «Նապոլիին» թույլ չտվեց 1/8 դուրս գալ

Դատարանը մերժել է Սերժի Վաչոյին գրավով ազատ արձակելու միջնորդությունը. կալանքի երկարաձգման հարցը կքննվի այսօր

Իրանի ԱԳՆ ողջունել է Հայաստանի խորհրդարանական հաջողված ընտրությունները

Վարդենիսի ավագանին բավարարել է ՀՀԿ-ական քաղաքապետի հրաժարականի դիմումը

Իրանի ԱԳՆ-ն կոչ է արել քաղաքացիներին խուսափել Վրաստան մեկնելուց

Հայաստանը լցվում է ոչ կվալիֆիկացված էժան աշխատուժով. տնտեսագետն ահազանգում է

Թոմ Քաթինան դարձել է «Ավրորա» մարդասիրական նախաձեռնության նախագահ

Զինված հարձակում Ստրասբուրգում. 3 մարդ զոհվել է, 12-ը՝ վիրավորվել (տեսանյութեր, լուսանկարներ)

Սա չինական տնտեսական էքսպանսիայի դարաշրջան է. քննարկում ԱՄՆ-ում

Արտահերթ ընտրություններում մասնակցության տոկոսը ցածր չէ. համեմատականներ