Կամիլը՝ «Եվրատեսիլո՞ւմ». Արսեն Գրիգորյանը նմանակում է Վերկա Սերդյուչկային եւ Կոնչիտային

Արտառոց կերպարները «Եվրատեսիլ» երգի միջազգային մրցույթներում հաջողություն են ունենում: Եթե անգամ չեն հաղթում կամ բարձր տեղեր չեն գրավում, ապա գոնե տպավորություն են թողնում եւ իրենց մասին խոսալու առիթ են տալիս: Հայաստանը, կարծես թե, աստիճանաբար դուրս է գալիս հզոր ու որակյալ ձայն ուղարկելու կաղապարից եւ փորձում է ընդօրինակել եվրոպական ոճը:

Այս տարի «Դեպի Եվրատեսիլ» շոուում «Եվրատեսիլ 2018»-ում Հայաստանը ներկայացնելու համար պայքարողների թվում է երկար տարիներ հեռուստադիտողին հայտնի Կամիլը: Կերպարի հեղինակը դերասան, երգիչ Արսեն Գրիգորյանն է: Այն իր կյանքը սկսել է «32 ատամ» ակումբից, հետագայում, երբ «32»-ը դադարեց գործունեությունը, Արսենը պարզապես շարունակեց պարբերաբար հրապարակումներ անել սոցիալական ցանցերում:

Համացանցում Կամիլի մասնակցության մասին խոսում են նրա կողմնակիցները, հակառակորդները եւ չեզոք կարծիք ունեցողները: Կողմնակիցները վստահ են, որ Եվրոպայի համակրանքը հենց գենդերային թեմայով է հնարավոր շահել: Հակառակորդներին հուզում է, որ նա հայեցի չէ: Դե իսկ չեզոք դիրքորոշում ունեցողները մտածում են, որ մրցույթը լուրջ չէ, եւ կարիք չկա դրան մեծ նշանակություն տալ ու հզոր երգիչ ուղարկել:

Ամեն դեպքում «Եվրատեսիլին» կին-տղամարդ երկուսը մեկում կերպարներով չես զարմացնի: 2007-ին, Ուկրաինան այս մրցույթում ներկայացրեց Վերկա Սերդյուչկան՝ Անդրեյ Դանիլկոն: Այդ շրջանում հետխորհրդային տարածքում նա մեծ ճանաչում էր վայելում: Հաջողություն ունեցավ նաեւ «Եվրատեսիլում». զբաղեցրեց 2-րդ տեղը: Ի գիտություն Կամիլի՝ 1 տարի անց էլ ստացավ Ուկրաինայի ժողովրդական արտիստի կոչում:

Վերկա Սերդյուչկա

2014-ին Ավստրիան ներկայացնող Կոնչիտա Վյուստն ավելի մեծ հաջողության հասավ: Հաղթեց: Նա ավելի մեծ աղմուկ հանեց: Այն պահից, ինչ նրա մասնակցությունը հայտնի դարձավ, սկսվեց դեմ ու կողմ մեկնաբանությունների տարափը, ինչը մեծացրեց նրա ճանաչումը:

Կոնչիտա Վյուրստ

Այդ աղմուկին մասնակցեց եւ գուցե դրանից օգտվեց նաեւ Հայաստանի այդ տարվա մասնակից Արամ MP3-ը: Նա մրցույթին հետեւողներին իր մասին ստիպեց խոսել հրապարակայնորեն հայտարարելով, որ Կոնչիտայի մասնակցությունը նորմալ չի համարում: Հետո նրանք հանդիպեցին, հաշտվեցին: Թեեւ դժվար է ապացուցել, որ սկանդալն օգնեց Արամին, սակայն փաստ է, որ նա զբաղեցրեց 4-րդ տեղը, որը «Եվրատեսիլում» ՀՀ մասնակցության պատմության ամենաբարձր հորիզոնականն է: Բացի նրանից՝ նման ցուցանիշ գրանցել է միայն Սիրուշոն: Ավելի բարձր տեղ հայերը չեն ունեցել:

Երբեմն, սակայն միակ բանը, որ արտառոց կերպարները «Եվրատեսիլում» հասնում են, աղմուկն է: Օրինակ, այդպես եղավ Իռլանդիայի ամենահայտնի հնդկահավի՝ Դաստինի դեպքում: Դաստին հնդկահավը տիկնիկային կերպար է, որը երկար տարիներ իռլանդական հեռուստատեսության աստղն է եղել: 1997-ին նույնիսկ մասնակցել է երկրի նախագահական ընտրություններին: Բայց 2008-ին «Եվրատեսիլում» միայն խոսակցությունների առիթ տվեց. կիսաեզրափակիչը չհաղթահարեց:

Դաստին հնդկահավը

Արդյո՞ք Հայաստանն իր Վերկային կամ Կոնչիտային կունենա «Եվրատեսիլում», պարզ կդառնա «Դեպի Եվրատեսիլ» հեռուստանախագծից հետո: Այն սկսվելու է փետրվարին: Մասնակիցների թվում, բացի Կամիլից (Արսեն Գրիգորյանից), կան նաեւ այլ հայտնի դեմքեր, օրինակ, Սեւակ Խանաղյանը եւ Մհեր Արմենիան:

Տպել
3311 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին