Ոստիկանները «Սասնա ծռեր»-ի համակիրներին հրելով հանեցին փողոցի երթեւեկելի գոտուց. թարմացված

13:30- Ոստիկանությանը հաջողվեց թեթեւ հրելով ակցիայի մասնակիցներին հեռացնել Արշակունյաց պողոտայի երթեւեկելի գոտուց, որից հետո «Սասնա ծռեր»-ի համակիրները որոշեցին վերադառնալ Ավան եւ Նոր Նորք վարչական շրջանների ընդհանուր իրավասության դատարան, որտեղ կես ժամից վերսկսվելու է «Սասնա ծռեր» խմբի գործով արտագնա դատական նիստը: 

13:20- Այսօր Ավան եւ Նոր Նորք վարչական շրջանների ընդհանուր իրավասության դատարանում դատավոր Մեսրոպ Մակյանի նախագահությամբ «Սասնա ծռեր» խմբի գործով արտագնա դատական նիստի ընթացքում կտրուկ վատացել էր «Սասնա ծռեր» խմբի անդամ Արմեն Բիլյանի ինքնազգացողությունը: Նիստն ընդմիջվեց: Նիստից հետո «Հանուն Հայաստանի փրկության ճակատի» անդամները հայտարարեցին, որ շարժվում են դեպի քրեակատարողական վարչություն՝ հարցն այնտեղ եւս բարձրացնելու։

«Հայկական ժամանակ»-ի թղթակիցը ՀՀ քրեակատարողական վարչության շենքի մոտից հաղորդում է, որ «Սասնա ծռեր»-ի համակիրներն արդեն մեկ ժամ է քրեակատարողական հիմնարկի դիմաց ակցիա են իրականացնում: Նրանք պահանջում են «Սասնա ծռեր»-ի երկու անդամներ Սմբատ Բարսեղյանին ու Արմեն Բիլյանին տեղափոխել «Արմավիր» քրեակատարողական հիմնարկ: Այս պահին նրանք դուրս են եկել Արշակունյաց պողոտայի երթեւեկելի հատված (այնտեղ է գտնվում Քրեակատարողական վարչությունը): Վարդգես Գասպարին պառկել է փողոցում: Երթեւեկությունը խաթարվել է եւ ոստիկանները խնդրում են ակցիա իրականացնողներին ազատել երթեւեկելի հատվածը:

«Սասնա ծռեր»-ի երկու անդամներ Սմբատ Բարսեղյանն ու Արմեն Բիլյանը արդեն երկար ժամանակ հացադուլ են հայտարարել, պահանջով, որ իրենց «Նուբարաշեն» քրեակատարողական հիմնարկից տեղափոխեն «Արմավիր» քրեակատարողական հիմնարկ: Պատճառը «Նուբարաշեն»-ի անմարդկային պայմաններն են:

Սմբատ Բարսեղյանը 20 օր է արդեն հացադուլ է անում, Արմեն Բիլյանը՝ 23: Այսօր դատարանում Արմեն Բիլյանը հայտարարեց, որ եթե իրեն չտեղափոխեն, ինքը հացադուլը կշարունակի մինչեւ մահ:

Լուսանկարում՝ ձախից Վոլոդյա Ավետիսյանը

Հացադուլ անողների պաշտպանները հայտնել են, որ պահանջել են բժշկական օգնություն ցուցաբերել, բայց միայն ճնշումն են չափում ու գնում, Արմեն Բիլյանի մոտ ախտորոշել են հարմարվողականության խանգարում: Ըստ պաշտպանների՝ Քրեակատարողական վարչությունը նախ հայտնել է, որ Նուբարաշենից Արմավիր տեղափոխելու որոշումը պետք է կայացնի դատարանը, բայց դրանից հետո քրեակատարողական վարչության պետի տեղակալը գտել է, որ տեղափոխման անհրաժեշտություն չկա:

Տպել
2005 դիտում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը

Մշակույթի նախարարությունը Վահագն Մարգարյանի հիշատակին հուշ երեկո է կազմակերպելու

Արտակ Զեյնալյանը խորհրդակցություն է անցկացրել Քրեակատարողական ծառայության ղեկավարների հետ

Թաեքվոնդոյի ֆեդերացիայում հնարավոր իրավախախտումների վերաբերյալ քրգործ է հարուցվել. Խաչիկյան

Հնարավոր է ԳԹԿ-ն շտեմարաններ տպագրի. պահանջարկը մեծ է

Նոյեմբերի 21-ի դրությամբ` համաներմամբ ազատ է արձակվել 509 դատապարտյալ

ԱՊՀ անդամ երկրների ԱԽ քարտուղարների հանդիպմանը Ա. Գրիգորյանն անդրադարձել է ահաբեկչության դեմ պայքարին

Մհեր Մկրտչյանը Ֆրունզիկ Մկրտչյանի մասին ֆիլմ է նկարահանելու. այլեւս չի վախենում տապալումից

Չխառնել աշխատանքն ու քաղաքական գործունեությունը. քաղաքապետը հանդիպել է դպրոցների տնօրենների հետ

Երեխաները Հայաստանի Հանրապետության ամենաարժեքավոր քաղաքացիներն են. Արմեն Սարգսյան

Ոգեւորված եմ խաղաղության հաստատմանն ուղղված Ձեր կոչից. Կարին Մարմսոլերին՝ Աննա Հակոբյանին

Մի քանի հարյուր հազար դոլարի փոխանցում եւ հանձնառություն. «Իմ Քայլը» հիմնադրամի մոսկովյան այցի արդյունքները

Ներքին ճգնաժամ ՀԱՊԿ-ում. Բելառուսի սկանդալային դիվանագիտությունը

ԻՐԻՆԱ. քաղցկեղի դեմ պայքարի պատմություն