Ըմբշամարտի ֆեդերացիան փող չունի. Ծառուկյանը չի՞ կատարում խոստումը

Հայաստանի ըմբշամարտի ֆեդերացիան ֆինանսական խնդիրներ ունի: «Հայկական ժամանակ»-ի տեղեկություններով՝ ըմբիշներն ամիսներ շարունակ աշխատավարձ չեն ստանում: Հայտնի է նաեւ, որ աշխարհի 2017 թ. մինչեւ 23 տարեկանների առաջնությանը մարզիկները գնացել են սեփական միջոցներով՝ վճարելով, մոտավորապես, հազարական ամերիկյան դոլար: Ֆեդերացիայի գումարը չի բավականացնում նաեւ, որ կարողանան նախատեսված ծրագրով՝ հավաքներ անցկացնել, օրինակ 2017-ի դեկտեմբերին Ծաղկաձորում հավաք չանցկացրին, ինչպես սովորաբար անում են: Գյումրիում օլիմպիական չեմպիոն Արթուր Ալեքսանյանի անվան նոր մարզադպրոց կառուցելու խոստումները երկար ժամանակ է՝ միայն գեղեցիկ ճառերում են (նրա անվան գործող մարզադպրոցը վերանորոգել հնարավոր չէ):

Մարզաձեւի հետ կապ ունեցող մարդիկ նախընտրում են խնդիրների մասին խոսել անձնական զրույցներում, սակայն ոչ հրապարակային: Հրապարակային խոսքում նրանք հերքում են: Օրինակ, 2017-ի ամռանը «Հայկական ժամանակ»-ն իր աղբյուրներից տեղեկացել էր, որ ազատ ոճի ըմբշամարտի հավաքականի գլխավոր մարզիչ Արմեն Մկրտչյանի՝ հավաքականից հեռանալու իրական պատճառը ՀԱՕԿ նախագահ Գագիկ Ծառուկյանի կողմից խոստացված նյութական միջոցները չստանալն էր, տեղեկությունը «ՀԺ»-ի հետ զրույցում հաստատել էր ինքը՝ Մկրտչյանը, սակայն, երբ այդ մասին հրապարակում եղավ, մասնագետը տեսանյութ տարածեց՝ հերքելով ինքն իրեն:

Ըմբշամարտի ֆեդերացիայի պաշտոնյաներից մեկը չցանկացավ պաշտոնական մեկնաբանություն տալ վերը նշված խնդիրների մասին, սակայն մասնավոր զրույցում նշեց, որ տեղեկությունները, որ գումար չունեն մրցումների ու հավաքների համար, որ մարզիկները ամիսներ շարունակ աշխատավարձ չեն ստացել, որ մինչեւ 23 տարեկանների աշխարհի առաջնությանը մարզիկներն իրենց հաշվին են գնացել, չեն համապատասխանում իրականությանը: Իսկ դեկտեմբերի ծաղկաձորյան հավաքը չեն անցկացրել, քանի որ ձյուն չի եղել, իսկ այդ շրջանում իրենց անհրաժեշտ է դահուկային սպորտով զբաղվել: Ֆեդերացիայի նորանշանակ գլխավոր քարտուղար Վաղինակ Գալուստյանը նույնպես հրաժարվեց մեկնաբանություն տալ, ո՛չ հերքեց, ո՛չ էլ հաստատեց տեղեկությունները՝ ասելով, որ ՀՀ սպորտի եւ երիտասարդության հարցերի նախարարի հետ ժողովի է ու չի կարող խոսել:

Ըմբշամարտի ֆեդերացիայում ֆինանսական խնդիրներից սկսել են խոսել այն պահից, երբ 2017-ի մայիսին ռուսաստանցի միլիարդատեր, «Տաշիր» ընկերությունների սեփականատեր, հայազգի միլիարդատեր Սամվել Կարապետյանը հրաժարվեց նախագահի պաշտոնից: Նշվում էր, որ պատճառը նրա լարված հարաբերություններն էին Ծառուկյանի հետ. Կարապետյանը դեմ է եղել, որ Ծառուկյանը քաղաքականություն վերադառնա, իսկ վերջինս 2016-ի ապրիլին ընտրվեց ԱԺ պատգամավոր: Ծառուկյանը իր վրա վերցրեց մարզաձեւը ֆինանսավորելու պատասխանատվությունը: ՀՀ սպորտի եւ երիտասարդության հարցերի նախարար, ՀԱՕԿ գլխավոր քարտուղար Հրաչյա Ռոստոմյանն էլ վստահեցրել էր, որ մարզաձեւը ֆինանսի խնդիր չի ունենա:

«ՀԱՕԿ-ի նախագահ Գագիկ Ծառուկյանի ֆինանսական աջակցությունը հնարավորություն կտա պահպանելու ֆեդերացիայի բնականոն աշխատանքը՝ ապահովելով մեր մարզիկների ուսումնամարզական հավաքների անցկացումը, նրանց մասնակցությունը միջազգային մրցաշարերին, Եվրոպայի եւ աշխարհի առաջնություններին»,- ասել էր Ռոստոմյանը:

Անկախ այս խոստումներից՝ Հայաստանի հենակետային մարզաձեւերից մեկը, որը երկրին պարբերաբար օլիմպիական խաղերի, աշխարհի ու Եվրոպայի առաջնությունների չեմպիոններ ու մրցանակակիրներ է տալիս, ֆինանսական ճգնաժամի մեջ է: Ի՞նչ կլինի, եթե այսպես շարունակվի: Օրինակ, երբ 1996 թ. հունահռոմեական ոճի ըմբիշ Արմեն Նազարյանը Ատլանտայի օլիմպիական խաղերից վերադարձավ ոսկե մեդալով, նրան «Երազ» մակնիշի ավտոմեքենա են նվիրել: Ընդամենը: Համապատասխան թոշակ չեն նշանակել, որպեսզի կարողանա գոնե մարզումների հաճախել ու ապահովել ընտանիքի հոգսերը: Հետագայում Բուլղարիայի հավաքականը նրան նյութական միջոցներ է առաջարկել, հասել նրան, որ Նազարյանը սկսի հանդես գալ Բուլղարիայի դրոշի ներքո, ու 4 տարի անց՝ 2000 թ.-ին, հայ ըմբիշը նորից օլիմպիական չեմպիոն դարձավ, 2004-ին էլ բրոնզե մեդալակիր:

Հ.Գ. Ֆինանսավորողի փոփոխությունից հետո ՀՀ ըմբշամարտի ֆեդերացիայում պարբերական են նաեւ ղեկավար պաշտոնները զբաղեցնողների փոփոխությունները, պաշտոնների համար պայքար կա: 2017-ի աշնանը հեռացավ հունահռոմեական ոճի համակարգող, փոխնախագահ Արսեն Բադալյանը, որը հետագայում հարցազրույցներից մեկում նշել է, որ իրեն մտերիմ որոշ մարդիկ շատ են ցանկացել ստանալ իր պաշտոնը: Օրերս էլ հայտնի է դարձել, որ ֆեդերացիայի գլխավոր քարտուղարի պաշտոնում Արայիկ Բաղդադյանին փոխարինել է հունահռոմեական ըմբշամարտի աշխարհի չեմպիոն Վաղինակ Գալուստյանը: Փոփոխությունը տեղի է ունեցել ավելի քան 1 շաբաթ առաջ, սակայն պատասխանատուները ձգձգում են ու բացատրություն չեն տալիս պատճառների մասին:

Տպել
3309 դիտում

ԲՀԿ-ն ռեկորդ է սահմանել ամենից շատ գնած եթերաժամանակի թվով. նման ցուցանիշ դեռ չի գրանցվել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ

Քրեական հեղինակություն Դոն Պիպոն ազատ է արձակվել 50 միլիոն դրամ գրավի դիմաց

ԱԺ-ն պետք է արտահայտի այն տրամադրություններն ու ընտրությունը, որ կատարում են քաղաքացիները. վարչապետ

Որպես պետությանը պատճառված վնասի մասնակի փոխհատուցում վճարվել է շուրջ 55 մլն դրամ

Քրեական հեղինակություն Դոն Պիպոն այսօր ազատ է արձակվել