ՊՆախարարը քննարկումների թիրախում. «բոշան դու ես» խոսքն ու դրամահավաքի կոչը՝ իրական աղմուկ

ՀՀ Պաշտպանության նախարար Վիգեն Սարգսյանը երեկ ֆեյսբուքյան իր էջում գրառում կատարեց՝ հորդորելով օգնել վիրավոր զինծառայողներից մեկին՝ բարդ վիրահատության կազմակերպման համար, եւ կոչ անելով ֆինանսապես աջակցել՝ ով որքան կարող է.

«Իմ շատ սիրելի ընկերներ, Ալբերտ Դալլաքյանը մեր նորօրյա հերոսներից մեկն է: Պաշտպանության նախարարությունը մշտապես գտնվել է և շարունակելու է գտնվել իր և մեր բոլոր մնացած հերոս տղաների և նրանց ընտանիքների կողքին: Ալբերտին անհրաժեշտ է մի շատ դժվար վիրահատություն: Օրենքով մենք չենք կարող փոխհատուցել արտերկրում այդ վիրահատության կատարումը, քանի որ այդ վիրահատությունը հնարավոր է կազմակերպել նաև Հայաստանում: Բայց արտերկրի կլինիկաներում, որ ունեն անհամեմատ ավելի մեծ փորձ և հմտություններ այս հարցում, Ալբերտի արագ ապաքինման հավանականությունն անհամեմատ մեծ է: Ես եմ խորհուրդ տվել ընտանիքին փորձել նման դրամահավաքի միջոցով հավաքել անհրաժեշտ գումարը: Ես անձամբ և իմ մի քանի ընկեր կտրամադրենք պահանջվող գումարի ($45.000) 10 տոկոսը: Կոչ եմ անում բոլորիդ, ով կարող է միանանք այս դրամահավաքին և օր առաջ օգնենք Ալբերտի ընտանիքին հավաքել անհրաժեշտ գումարը: Նույնիսկ պարզապես այս կոչիս տարածումը ձեր կողմից ևս կարող է օգնել: Աստված պահապան Ալբերտին, մեր բոլոր հերոսներին, բանակին և ժողովրդին»,-գրառել էր ՊՆախարարը:

Նախարարի գրառման մեկնաբանությունների դաշտում բուռն քննարկումներ ծավալվեցին, ֆեյսբուքյան օգտատերերի մեծ մասին հետաքրքրում էր, թե ինչ եղան 1000 դրամները, որոնք ամեն ամիս պարտադիր կերպով պահվում են աշխատող մարդկանց աշխատավարձերից՝ բանակին ու զինվորներին օգնելու համար: Նախարար Վիգեն Սարգսյանը հատ առ հատ պատասխանում էր բոլորի մեկնաբանությւոններին, որոշներին՝ «ցույց տալիս իրենց տեղը»:

«10 դրամ ես կփոխանցեմ անպայման»,-ծաղրական մեկնաբանությանը Վիգեն Սարգսյանը բավական լուրջ պատասխան էր գրել՝ «Ապրես, Արթուր։ Ամեն մեկը պետք է այնքան փոխանցի, որքան կարող է և նպատակահարմար է գտնում։»

Որոշ օգտատերեր անգամ կարծիք էին հայտնել, թե գուցե էջը կոտրվել է հաքերների կողմից, քանի որ չէին սպասում նման պատասխանների Վիգեն Սարգսյանի կողմից.

«Էսքան պարապ է փաստորեն պատերազմող երկրի ռազմական գերատեսչության ղեկավարը, որ քեմմենթներին արագի մեջ արձագանքում է. Ձեր գործն առաջնագծում է`զինվորի կողքին ու ոչ թե ֆեյսբուքում փիառվելու համար», «մի գուցե Վիգեն Սարգսյանի էջը կոտրել են։ Ես չէի կարծում որ նա այսքան մանկամիտ է։ Պարոն նախարար, կփոխանցենք, ես անձամբ այս պահին 1000$ կարող եմ փոխանցել։ Մենակ վստահ լինենք որ սա ձեր պաշտոնական էջն է», ի պատասխան՝ Վիգեն Սարգսյանը նշել է. «հենց ես էլ գրում եմ։ Որոշել եմ շաբաթ երեկոս նվիրեմ Ալներտի բուժմանն աջակցելուն։ Կարող եք, դուք էլ օգնեք։ Իսկ իմ աշխատանքային շաբաթն առնվազն 75 ժամ է, ես ինձ շաբաթ երեկո կարող եմ թույլ տալ։»:

Նույն մեկնաբանությանը պատասխանելուն օգնության է հասել ՊՆ մամուլի խոսնակ Արծրուն Հովհաննիսյանը՝ «Կարող եք օգնել, օգնեք։ Չեք կարող, անիմաստ բաներ մի գրեք»:

Ֆեյսբուքյան օգտատերերի շրջանում, սակայն, քննարկումները թեժացան, երբ 1000 դրամները որպես «բոշության նոր ձեւ» ներկայացրեց մեկնաբանողներից մեկը, «Բոշան դու ես»,-հակադարձեց Վիգեն Սարգսյանը:

Իսկ արդեն այսօր, ՊՆ մամուլի խոսնակ Արծրուն հովհաննիսյանը կատարեց մեկ այլ գրառում՝ կապված երեկվա մեկնաբանությունների հետ. «Ես գիտեմ, որ այս տիրույթը ոմանց համար մեծապես դարձել է խոսքերը աղավաղելու, կոնտեքստից կտրված ներկայացնելու տեղ, բայց մի արեք նման բան։ Եթե մենք վստահ չլինեինք մարդկանց օգնելու պատրաստակամության, վրա չէինք դիմի։ Եվ գիտեք կա մի զարմանալի օրինաչափություն։ Միշտ ավելի շատ օգնել ու օգնում են այստեղ քիչ գրողները։ Իսկ ՊՆ ը մշտապես օգնել ու օգնում է և ոչ միայն ու մեծապես ոչ միայն բյուջետային միջոցների հաշվին»:

Հ.Գ. Ալբերտ Դալլաքյանի վիրահատության համար անհրաժեշտ է 45 հազար դոլար: Այդ գումարի հավաքման համար Լոս-Անջելեսում ապրող մեր հայրենակիցները արդեն իսկ սկսել էին դրամահավաք՝ մանրամասն ներկայացնելով խնդիրն ու ծախսերը: Ողջունելի է ՊՆախարարի նախաձեռնությունը՝ նաեւ մեր հայրենակիցների շրջանում աջակցության կազմակերպման համար, սակայն այս դեպքում բաց է մնում 1000 դրամների նախաձեռնության միջոցների հարցը՝ թե ինչի՞ համար են ծախսվում այդ գումարները: Եթե հստակ հաշվետվություն լիներ, գուցե արձագանքն այսպիսին չլիներ:

Տպել
5308 դիտում

Քրեական հեղինակություն Նորատուսցի Արան կրակոցների պահին ալկոհոլի ազդեցության տա՞կ է եղել. նա օգտվում է լռելու իրավունքից

Վարչապետ Նիկոլ Փաշինյանը և տիկին Աննա Հակոբյանը ներկա են գտնվել Յուրի Բաշմետի համերգին (լուսանկարներ)

Թեկնածուներից մեկը դիմել է ստոր մեթոդների. ահազանգում է Էջմիածնի քաղաքապետի պաշտոնակատարը (լուսանկար)

Թուրքիայում Իրանի դեսպանատունը ուժեղացված հսկողության տակ է

20 տարվա փչացրածը, 20 օրում չի ուղղվի. Վանեցյանը հանդիպեց հավաքականի ֆուտբոլիստների հետ

Սիսիանում տներից մեկի պատշգամբի փլուզման հետեւանքով 75-ամյա քաղաքացին մահացել է

Ակումբի տեսախցիկներով ֆիքսվել են Քրեական հեղինակություն Նորատուսցի Արայի կրակոցները (տեսանյութ)

Նիկոլ Փաշինյանի հրաժարականից հետո վարչապետ ընտրելու համար ԱԺ հատուկ նիստեր չեն գումարվի

Շատ արդյունավետ հանդիպումներ էին. Ջասթին Թրյուդո

Հանդիպում ոչ պետական բուհերի ռեկտորների հետ

Մանվել Գրիգորյանի կալանքի ժամկետը եւս երկու ամսով երկարաձգվեց

ԲԴԽ-ն ընդունել է Նիդերլանդների Թագավորության Դատական խորհրդի պատվիրակությանը

Արագածոտնի ավազահանքում փլուզման տակ 25-ամյա երիտասարդ է մնացել ու մահացել

Վիճաբանությանը միջամտած երիտասարդը մեխով հարվածներ է ստացել կրծքավանդակին. քննություն է տարվում

Հայաստանի եւ Արցախի նախագահները տիկնանց հետ զբոսնել են Ստեփանակերտում և Շուշիում (լուսանկարներ)

Նորածինը մահացել է ծնվելուց կարճ ժամանակ անց. սրտի արատը չէր հայտնաբերվել

Կբացվի «Սիրիահայ մշակույթի շունչը Երևանում» բարեգործական ցուցահանդես-տոնավաճառը

Երեխայի «խաթր» ոչ ասելու արվեստը. Լյուսի Քոչարյանի անդրադարձը

Երեւանում կանցկացվի խորհրդարանների գլխավոր քարտուղարների աշխատաժողով

Քարվաճառում կկառուցվի «Սիդնեյ» թաղամաս. պետնախարարն ընդունել է «ԱՐԻ» ընկերության բաժնետերերին