Վստա՞հ եք, որ ինքն է գրել, ես Վիգեն Սարգսյանի ձեռագիրը լավ գիտեմ. Շ. Պետրոսյան (տեսանյութ)

Այսօր՝ հունվարի 16-ին, ԱԺ հայտարարությունների ժամին ՀՀԿ-ական պատգամավոր Շուշան Պետրոսյանը կրքոտ ելույթ ունեցավ, որտեղ կոչ էր անում սիրել հայրենիքը եւ բանակը: Միանգամայն պարզ էր, որ այն ուղղված էր պաշտպանության նախարար Վիգեն Սարգսյանին քննադատողներին՝ վերջին դրամահավաքի ֆեյսբուքյան սկանդալային գրառման հետ կապված:

Թեմայի շուրջ «Հայկական ժամանակ»-ը զրուցել է Շուշան Պետրոսյանի հետ:

-Տիկին Պետրոսյան, Ձեր ելույթը ու՞մ էր ուղղված, ի՞նչ ենթատեքստ ուներ այն:

-Հասկացողը հասկացավ:

-Անուններ կտա՞ք:

-Պարտադիր է անուններ տա՞լ: Համընդհանուր հարց էր բարձրացված, որ հնարավորինս լուրջ վերաբերվել ազգ-բանակ արտահայտությանը:

-Քանի որ խոսեցինք ազգ-բանակ ծրագրի մասին, վերջերս ֆեյսբուք սոցիալական ցանցում պաշտպանության նախարար Վիգեն Սարգսյանի եւ քաղաքացիներից մեկի միջեւ տեղի էր ունեցել կոշտ երկխոսություն՝ նախարարի քայլն անվանվել էր «բոշություն», որին ի պատասխան Վիգեն Սարգսյանը ասել էր՝ «բոշան դու ես»: Ինչպե՞ս եք վերաբերվում այս երեւույթին:

- Վստահ եք, որ ինքն է գրե՞լ: Իր ձեռագիրը եւ բառապաշարը ես շատ լավ գիտեմ: Չափազանց բարեկիրթ մարդ է ինքը: Չեմ տեսել, դրա համար ոչ մի կարծիք հայտնել չեմ կարող, բայց քայլը, որն ինքը արել է, շատ հզոր քայլ է:

- Իսկ չեք կարծու՞մ, որ նախարարի ֆեյսբուքի էջը չլիներ, ապա նախարարությունը պաշտոնապես կհայտարարեր այդ մասին:

- Քանի որ գիտեմ միայն նյութի մասին, թե ինչ է արել, շատ եմ սիրել այդ քայլը: Դա իսկապես սրտացավ նախարարի, սրտացավ հայի քայլ է: Մնացածի մասին չեմ կարող խոսել, քանի որ տեղյակ չեմ:

- Տիկին Պետրոսյան, խոսում ենք հայրենասիրության, ազգ-բանակի մասին, սակայն ոլորտի բարձրաստիճան պաշտոնյաները շքեղ մեքենաներ են վարում՝ թանկարժեք, իսկ ոլորտում կան բազմաթիվ խնդիրներ՝ անգամ կոռուպցիա...

- Սա հա՞րց էր, թե՞ բամբասանք: Շատ բան են ասում, իմ մասին էլ ինչ ասես լսում եմ՝ զարմանում եմ:

Վիգեն Սարգսյանը միշտ սկանդալների կենտրոնում է: Նախ, Զինծառայության մասին օրենքը, որով սահմանափակվեց տարկետման իրավունքը, իսկ քննարկումների ընթացքում ուսանողներին կոշտ պատասխաններ տվեց, ապա լրագրողներին անտակտ անվանեց, իսկ հիմա էլ այս ֆեյսբուքյան սկանդալը: Սրանք նախարարին վայել արարքնե՞ր են:

- Ինչու նախարարը Հիսուս Քրիստո՞սն է: Նախարարը մեր պես մարդ է: Շատ ավելի համբերատար: Սովարաբար, ով լինում է էպիկենտրոնում, ավելի շատ է ուշադրության կենտրոնում եւ թիրախ: Շատ լավ նախարար է, հրաշալի աշխատում է: Ես, որ քիչ թե շատ առնչվում եմ բանակի հետ, գիտեմ: Տեսնում եմ արդյունքները:

Տպել
5638 դիտում

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն