Քրիստոսի Մկրտության տոնին Գյումրիում զինված հսկողություն էր իրականացվում

Մկրտության տոնը Գյումրում Ռուս ուղղափառ եկեղեցին առաջին անգամ 9 տարի առաջ է տոնել: Այսօր արդեն այն անխախտ ավանդույթ է դարձել: Հունվարի լույս 19-ի գիշերը Գյումրիում բնակվող ռուսներն իրենց ընտանիքի անդամներով, նաեւ Գյումրիում տեղակայված ՌԴ 102-րդ ռազմաբազայի զինծառայողները, Չերքեզի ձորի ջրերում մկրտվում են եւ օրհնություն ստանում:  

Այս տարի եւս ձորը մարդաշատ էր: Ռուս ուղղափառ եկեղեցու հոգևոր հովիվ, վարդապետ Անդրեյ Վացը նախ օրհնեց ջուրն ու ներկաներին տոնի խորհուրդը բացատրեց, համաձայն որի՝ ուղղափառ քրիստոնյաները Աստվածհայտնության տոնակատարությունը նշում են ըստ Հուլիան տարեցույցի: Այն նվիրված է սուրբ Հովհաննեսի կողմից Հորդանան գետում Հիսուսի մկրտությանը:

«Մենք այստեղ ձմեռային լողի չենք եկել, սա հոգեւոր ծես է, դուք պետք է 3 անգամ ամբողջ մարմնով ընկղմվեք ջրի մեջ, մտնելիս եւ ջրից դուրս գալիս պետք է խաչակնքվեք եւ յուրաքանչյուր սուզմանն ասեք. Հանուն Հոր, եւ Որդու, եւ Սուրբ Հոգու:  Այստեղ խրախճանքի չենք եկել, տղամարդիկ չմտնեն ջուրն այնպես, կարծես հուլիսին Սոչիում են, ծովափին: Կանայք եւս չմոտենան ջրին ոչ աստվածահաճո տեսքով»,- մինչ օրհնության կարգը սկսելը ներկաներին հորդորեց ռուս ուղղափառ եկեղեցու հոգևոր հովիվ, վարդապետ Անդրեյ Վացը:

Առաջինը հենց նա մտավ ջուրը, հետո ռուս զինվորներն ու մնացած ժողովուրդը: Չնայած հոգեւոր հովվի հորդորին, շատերն առանց հատուկ հագուստի, լողազգեստով, մտան ջուրը: Հագուստը հենց տարածքում էր վաճառվում, մեծահասակներինը 10.000, իսկ երեխաների համար նախատեսված չափը  5000 դրամ արժեր:  Ռազմաբազայի զինվորները դրանք ստացան անվճար, իսկ  առաջին անգամ Մկրտությանը մասնակցած զինվորներին նաեւ խաչեր և աղոթագիրք տրվեց:

Տեղացող ձյան տակ եւ սառնամանիքին ջուրը մտնելու համարձակություն շատերն ունեցան: Անգամ մանկահասակ երեխաներ մկրտվեցին: Ջրից դուրս եկողներին առաջարկվեց օղի, տաք թեյ եւ ընթրիք:

Ռուսներին նաեւ շատ հայ առաքելականներ էին միացել: Ոմանք հետաքրքրությունից, ոմանք էլ իրենց պնդմամբ, կոփվելու նպատակով մտան սառն ավազանը: Զգացողությունների մասին խոսել չկարողացան: Ասացին բառերով արտահայտել հնարավոր չէ, պետք է միայն զգալ: Բայց բոլորը միաբերան փաստեցին. ջուրը սառը չէր, չեն մրսել:

Նախորդ տարիներին եւս Քրիստոսի Մկրտությունը ռուս ուղղափառները 102-րդ ռազմաբազայի զինվորականների մասնակցությամբ նշել էին նույն Չերքեզի ձորակում: Բացառություն էր միայն 2015-ի հունվարը, երբ սպանվեցին Ավետիսյանները: Այդ տարի տոնը ռուսները նշեցին իրենց պատկանող փակ տարածքում: Այս տարի մեկ նորություն կար: Մինչ ձոր հասնելու ճանապարհին ու արդեն ձորում իրականացվում էր զինված հսկողություն ռուս զինվորականների կողմից:

Տպել
1167 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը