ԱՄՆ-ի կառավարությունը դադարեցրեց աշխատանքը. բյուջեի ընդունումը տապալվեց

Միացյալ Նահանգների նախարարությունները և գերատեսչությունները ստիպված են մասամբ դադարեցնել աշխատանքը ֆինանսավորման բացակայության պատճառով:

Ինչպես գրում է Reuters-ը, ԱՄՆ Կոնգրեսը չի կարողացել երկրի դաշնային բյուջեն հաստատել մինչև հունվարի 20-ի կեսգիշեր: Ավելի վաղ ԱՄՆ-ի սենատորները փորձում են գալ համաձայնության բյուջեի ժամկետը մինչեւ փետրվարի 16-ը երկարաձգելու հարցի շուրջ: Այդպիսով վերջացել է կառավարության ֆինանսավորման մասին ներկայիս ժամանակավոր օրենքի գործողության ժամկետը:

Կարևոր առաջադրանքներ չկատարող պետական մարմինների բոլոր աշխատակիցները ժամանակավոր չվճարվող արձակուրդ կգնան: Սենատում շարունակվում են բանակցությունները նոր օրինագծի հարցով:

Նշվում է, որ կառավարության ժամանակավոր ֆինանսավորման մասին օրենքի նախագիծն արդեն հաստատվել է Ներկայացուցիչների պալատում: Սակայն Սենատում դեմոկրատական փոքրամասնությունն արգելափակում է դրա առաջխաղացումը, մասնավորապես, Թրամփի վարչակազմի կողմից որոշ ծրագրերի, օրինակ՝ անչափահաս միգրանտների պաշտպանության ծրագրի սահմանափակման պատճառով:

Ինչպես ավելի վաղ հայտնել էինք ներգաղթյալների իրավունքների պաշտպան ցուցարարները գուցեեւ նյարդայնանում են նախագահ Թրափմի հականերգաղթային քաղաքականությամբ, սակայն հատել է նաեւ նրանց համբերությունը դեմոկրատների նկատմամբ, որոնց մեղադրում են բյուջեի շուրջ քննարկումները երկարաձգելու պատճառով երիտասարդ փախստականների խնդիրը չլուծելու մեջ:

Եվ այժմ դեմոկրատները չեն համաձայնվում երկարաձգել կառավարության ֆինանսավորման ժամկետը, քանի դեռ չի լուծվել անչափահաս տարիքում անօրինական կարգով Ամերիկա ժամանած 700 հազար փախստականների խնդիրը: Իսկ հանրապետականները մի տեսակ հայտնվել են անորոշ իրավիճակի մեջ, երբ Սպիտակ տնից ստանում են հակասական ուղերձներ:

Թրամփն անցյալ շաբաթ նախ հորդորեց երկու կուսակցություններին կազմել միասնական գործարք, ապա մերժեց այն: Սենատն առաջարկում էր ԱՄՆ-ում առանց փաստաթղթերի ապրող փախստականների պաշտպանություն: Նաեւ առաջարկում էր զարկ տալ երկրի ֆիզիկական սահմանների հսկողությանը: Սակայն նույնիսկ այս հարցի շուրջ, որը Թրամփի նախընտրական արշավի ամենաուշագրավ պահանջն էր, նրա աշխատակազմի ղեկավար Ջոն Քելլին հանդես եկավ հակասական հայտարարությամբ՝ ասելով, թե Թրամփը ժամանակին չի ըմբռնել այդ պատը կառուցելու հետ կապված իրականությունը:

Այնուհետեւ Սպիտակ տունը սպառնաց չքննարկել անօրինական ներգաղթյալների կարգավիճակի հարցը, քանի դեռ դեմոկրատները չեն հաստատել ԱՄՆ կառավարության ֆինանսավորումը:

Թրամփը դրանից հետո գրեց, թե պատը մնում է պատ ու այն երբեք չի փոխել իր էությունը:

Այս հակասական հայտարարություններից հետո հանրապետականների առաջնորդները որոշել են, որ չի լինի քվեարկություն ո՛չ փախստականների ո՛չ էլ սահմանների վերաբերյալ, քանի դեռ Թրամփը հստակ չի ասել, թե ինչ է ուզում: Դա էլ թույլ է տալիս դեմոկրատներին ասել, որ Հանրապետական կուսակցությունն անկարող է կառավարել:

Թրամփը երիտասարդ, անօրինական փախստականների կեցության ժամկետը երկարաձգող ԴԱԿԱ ծրագրին տվել էր մինչեւ մարտ ամիսը գործելու ժամանակ: Հանրապետականները այս հարցին լուծում տալու համար ավելի երկար ժամանակ են պահանջում: Դեմոկրատները գտնում են, որ ժամանակը հատել է:

Տպել
1666 դիտում

Վարչապետն ու նախագահը տիկնանց հետ միասին ճաշել են Էլթոն Ջոնի հետ. ավարտին՝ լուսանկար

Տեսախցիկով օդապարիկը հեռակառավարվող խաղալիք է, որը կարելի է գնել խանութներում. ԱԱԾ

Էլթոն Ջոնն ու նախագահը մասնակցել են առողջական խնդիրներով երեխաների միջոցառմանը (լուսանկար)

Երեւանում բախվել են միանգամից 5 մեքենաներ, 3 մարդ տեղափոխվել է հիվանդանոց

ՀՀԿ-ի էլիտան այս տարի անտեսել է Սոգյութլուի հերոսամարտի 100-ամյա տարեդարձը

Վերեւի հարկից ջրալցվել է Երևանի Քաջազնունու փողոցի անձնագրային բաժանմունքը

Թուրքիան էլեկտրամագնիսական հրանոթներ արտադրող սակավաթիվ երկրներից է

Հայոց եկեղեցին եւ հոգեւորականը պետք է լինի հայրենյաց պաշտպանների կողքին. Գարեգին Բ

Մշակույթի նախարար Լիլիթ Մակունցը նոր ֆլեշմոբի շրջանակներում օնլայն հեքիաթ է կարդում

Թուրքիայից Հայաստան է անցել տեսախցիկներով սարքավորված օդապարիկ, ընկել Նոր Ամասիա գյուղում

Էլթոն Ջոնը այսօր Երեւանում մասնակցելու է Starkey ընկերության բարեգործական միջոցառմանը

Հույս ունեմ կարմիր լույսի տակ չկանգնող պաշտոնյաների մոտ ընդամենը թյուրըմբռնում է. վարչապետ

Ունեցանք հեղափոխություն՝ հայկական ձեւով. Ա. Սարգսյանը հանդիպել է վիրահայոց համայնքի հետ

Փակ է Գյումրի-Երեւան ճանապարհը. պահանջը՝ վերադարձնել «Շիրակ» ֆուտբոլային թիմի 12 միավորը

Երեւանում կրակոցներ են հնչել, այնուհետ դանակահարված 3 երիտասարդ հայտնվել է հիվանդանոցում

«UWC Դիլիջան» միջազգային դպրոցը կարող է լինել ոգեշնչանքի, լավատեսության կենտրոն. Փաշինյան

Ամենայն Հայոց Կաթողիկոսն ընդունեց Արգենտինայից ժամանած ուխտավորների

Լոռու մարզի դատախազները բացատրական աշխատանք են տանում դպրոցներում, անչափահասների շրջանում

Վթարվել են Տաշիրի ոստիկանության ծառայողները. ջոկի հրամանատարը մահացել է, 3 վիրավոր կա

Զորամասի ննջարանում հայտնաբերվել է կապիտանի դին՝ կրծքավանդակի շրջանում ստացած վիրավորումով